Alubad. 1 - Fanawbuid tagsibaliwas Fakayabian

Alubad 1 Mauseganan sik Taw at Matuyan

¹ Mauseganan tua sik taw nu ddi gbanwan kata tagasalanan fag taw at foyungan, ay nu ddi gfaning tagfakamulun at mauri, ay nu ddi galo ngay taw tagfalingun Yawi.

² Abat ngate, kanya guseganan tua gfaning Yawi at foyungan, ay gamatangan tua gugat kayu menit ay yabi.

³ At matuyan fag taw kata sik fun kayu tagsis tigyangan liskung, tagrawvg tua gina fanrawvgan fag buknga ay at ngay don di kalangke. Ay nusnga setaw at fagnamakamulunun kafasludan tua.

⁴ Dewa katanya, ngay tagasalanan saman way. Dius nu gdama anya fagayu we masuad, kata way sik ngay upa tagmara at fagfalayugun.

⁵ Nu katanya, gina ban Dius gfaurianan fag menit, wa ban umlangfe ngay taw tagasalanan, ay wa ban manangagamut sa sangay taw at matuyan.

⁶ Yawi galaga tua at matuyan fag ngay taw, dewa katanya, tagasalanan ban at fakadasugan sa way sad faurianan.