Psailm 67 - An tSaltair nó Sailm Ḋáiḃí 1965 (Ó Cuinn)

Salm 67. Deus misereatur.

¹ Go ndéana Dia trócaire orainn, agus go mbeannaí sé sinn: go dtaispeána sé solas a ġnúise dúinn, agus go ndéana sé trócaire orainn.

² Go raiḃ eolas do ṡlí ar fuaid an talaiṁ: eolas do ṡlánaiṫe ag gaċ náisiún.

³ Molaḋ na ciníoċa ṫú, a Ḋia: ná raiḃ duine naċ mbeiḋ do do ṁolaḋ.

⁴ Déanaḋ na náisiúin lúċáir agus gairdeas: óir déanfaiḋ tú ceart don ṗobal, agus rialóiḋ tú náisiúin an doṁain.

⁵ Molaḋ na ciníoċa ṫú, a Ḋia: ná raiḃ duine naċ mbeiḋ do do ṁolaḋ.

⁶ Taḃarfaiḋ an talaṁ a ṫorṫaí uaiḋ ansin: agus cuirfiḋ Dia, ár nDia féin, a ḃeannaċt orainn.

⁷ Cuirfiḋ Dia a ḃeannaċt orainn: agus beiḋ a uaṁan ar gaċ uile ṫeorainn den doṁan.