Psailm 61 - An tSaltair nó Sailm Ḋáiḃí 1965 (Ó Cuinn)

Salm 61. Exaudi, Deus.

¹ Éist le mo ġlaoċ, a Ḋia: taḃair cluas do mʼurnaí.

² Glaofaiḋ mé ort ó ḋeireaḋ an doṁain: nuair is tromċroíoċ mé.

³ Cuir suas mé ar an gcarraig is airde ná mé: ó ba tú mo ḋóċas, agus mo ṫúr láidir in aġaiḋ na naiṁde.

⁴ Cónóiḋ mé i do ṗailliún go deo: agus beiḋ mé i muinín do sciaṫán mar ḟoscaḋ.

⁵ Óir dʼéist tú, a ṫiarna, lem iarratas: agus ṫug tú oiḋreaċt don dream a mbíonn eagla orṫu roiṁ dʼAinm.

⁶ Bronnfaiḋ tú fad saoil ar an rí: go mbí a ḃlianta ag síneaḋ ar feaḋ a dtiocfaiḋ de ġlúna.

⁷ Mairfiḋ sé go deo os coinne Dé: ullṁaiġ do ṫrócaire ġráṁar agus do ḋílseaċt, go gcuṁdaí siad é.

⁸ Is aṁlaiḋ a ṡeinnfeas mé molaḋ dʼAinm: go gcoṁlíonfaiḋ mé mo ṁóideanna gaċ lá.