Psailm 3 - An tSaltair nó Sailm Ḋáiḃí 1965 (Ó Cuinn)

Salm 3. Domine, quid multiplicati?

¹ A Tiarna, conas a méadaíoḋ luċt mo ḃuarṫa: is iomaí duine ag éirí amaċ im éadan.

² Is iomaí duine á rá i dtaoḃ mʼanma: ní caḃair ar biṫ dó a Ḋia.

³ Aċ is tusa, a Ṫiarna, mo ċosantóir: is tú a ṫuilleas clú dom agus a ṫógas mo ċeann.

⁴ Ġlaoiġ mé ar an Tiarna os ard: agus ċuala sé mé amaċ as a ṡliaḃ naofa.

⁵ Ċuaiġ mé a ċodlaḋ, agus dʼéiriġ mé arís: óir dob é an Tiarna a ċoṫaiġ mé.

⁶ Ní eagal liom deiċ míle de na daoine: agus iad dom ionsaí ó gaċ taoḃ.

⁷ Éiriġ, a Ṫiarna, cuidíoḋ mo Ḋia liom: ó ḃuaileann tú mo naiṁde uile ar ċnáṁ an ġéill; tá fiacla luċt an oilc briste agat.

⁸ Is leis an Tiarna an slánú: agus bíonn do ḃeannaċt ar do ṁuintir.