Psailm 13 - An tSaltair nó Sailm Ḋáiḃí 1965 (Ó Cuinn)

Salm 13. Usque quo, Domine?

¹ Cá ḟad, a Ṫiarna, a ndéanfaiḋ tú síorḋearmad orm: cá ḟad a gceilfiḋ tú do ġnúis orm?

² Cá ḟad a ḃeiḋ mʼanam ag cur coṁairle, agus mo ċroí faoin mbuaireaṁ seo: cá ḟad a ġeoḃaiḋ mo naiṁde mo ḃua?

³ Tugaḋ mo Ṫiarna Dia aire agus éisteaḋ sé liom: tugaḋ sé solas do mo ṡúile, ionas naċ gcodlaí mé codlaḋ an ḃáis.

⁴ Ar eagla go ndéarfaḋ mo naṁaid go ḃfuair sé mo ḃua: óir dá leagfaí go lár mé, ċuirfeaḋ sin lúċáir ar luċt mo ḃuarṫa.

⁵ Aċ bíonn dóċas agam as do ṫrócaire: is áḃar áṫais do mo ċroí do ṡlánú.

⁶ Seinnfiḋ mé clú an Tiarna, ó ba ġráṁar a ġníoṁarṫa liom: agus molfaiḋ mé Ainm an Tiarna, Ainm an Té is Airde.