Psailm 127 - An tSaltair nó Sailm Ḋáiḃí 1965 (Ó Cuinn)

Salm 127. Nisi Dominus.

¹ Mura dtógann an Tiarna an teaċ: téann obair na saor amú.

² Mura gcuṁdaíonn an Tiarna an ċaṫair: is in aisce a ḟanas an coimeádaí ina ḋúiseaċt.

³ Níl siḃ aċ ag cur ḃur n‑oibre amú dá luas a éiríos siḃ agus dá ṁoille a ṫéas siḃ i luí, ag iṫe aráin na himní: ós aṁlaiḋ a ṫugann sé an codlaḋ don dream is ansa leis.

⁴ Na leanaí agus toraḋ na broinne: oiḋreaċt agus tíolacaḋ iad a ṫagann ón Tiarna.

⁵ Mar ṡaiġeada i láiṁ ḟaṫaiġ: is mar sin a ḃíos na leanaí óga.

⁶ Is aoiḃinn a ḃfuil a ṁála lán díoḃ: ní ḃfaiġiḋ siad náire nuair a ṫéas siad ċun cainte lena naiṁde sa ġeata.