Psailm 125 - An tSaltair nó Sailm Ḋáiḃí 1965 (Ó Cuinn)

Salm 125. Qui confidunt.

¹ An drong a ċuireas a muinín sa Tiarna, beiḋ siad mar ṡliaḃ Ṡíóin: naċ féidir a ċorraí, aċ a ḃíos ina ṡeasaṁ daingean go deo.

² Bíonn na cnoic ina seasaṁ timpeall Iarúsalem: is ar an nós ċéanna a ḃíos an Tiarna ina ṡeasaṁ timpeall a ṗobail, anois agus go bráċ.

³ Óir ní ḟanfaiḋ fearann an ḟíréin faoi ṡlait an ḟir oilc: ar eagla go gcuirfeaḋ na fíréin a láṁa in urċóid.

⁴ Déan maiṫ, a Ṫiarna: do na deaḋaoine agus do ḋrong an ċroí ḟír.

⁵ Aċ an dream a ḟilleas faoi ḋéin a n‑oilc féin: beiḋ an Tiarna á dtiomáint amaċ i gcuideaċta luċt na míġníoṁarṫa; aċ beiḋ an tsíoċáin ar Iosrael.