Psailm 124 - An tSaltair nó Sailm Ḋáiḃí 1965 (Ó Cuinn)

Salm 124. Nisi quia Dominus.

¹ Murab é go raiḃ an Tiarna é féin ar ár dtaoḃ, féadann Iosrael a rá anois: murab é go raiḃ an Tiarna ar ár dtaoḃ, nuair a dʼéiriġ na daoine inár n‑aġaiḋ;

² Ḃíomar slogṫa beo ina gcraos: le méid a ḃfíoċa agus a ḃfeirge linn.

³ Báḋ sinn gan aṁras sna huiscí: ċuaiġ an sruṫ ṫar ár n‑anam.

⁴ Ċuaiġ uiscí doṁaine luċt an díomais: ṫarainn go fiú ár n‑anama.

⁵ Aċ molaḋ leis an Tiarna: nár lig leo sinn mar ċreaċ dá ḃfiacla.

⁶ Ṫáinig ár n‑anam slán mar ṫagann an t‑éan as dol an ḟiagaí: bristear an dol, agus táimid fuascailte.

⁷ Is é Ainm an Tiarna ár gcúnaṁ: Ainm an Té a rinne neaṁ agus talaṁ.