Psailm 121 - An tSaltair nó Sailm Ḋáiḃí 1965 (Ó Cuinn)

Salm 121. Levavi oculos.

¹ Ardóiḋ mé mo ṡúile ċun na gcnoc: cé as a dtagann mo ċaḃair?

² Is ón Tiarna féin a ṫagann mo ċaḃair: ón té a rinne neaṁ is talaṁ.

³ Ní ligfiḋ mé do do ċois corraí: ní ċodlóiḋ an té a ḃíos do do ċuṁdaċ.

⁴ Féaċ, an té a ḃíos ag cuṁdaċ Iosrael: ní ḋéanfaiḋ sé codlaḋ ná suan.

⁵ Is é an Tiarna féin é fear do ċoimirce: is é an Tiarna cosaint do láiṁe deise;

⁶ Ionas naċ mbeiḋ an ġrian do do loscaḋ sa lá: ná an ġealaċ san oíċe.

⁷ Beiḋ an Tiarna do dó ṡaoraḋ ó gaċ olc: is deiṁin go mbeiḋ sé féin ag cosaint dʼanama.

⁸ Beiḋ an Tiarna do do ṡlánú ag imeaċt nó ag teaċt duit: feasta agus go bráċ.