Psailm 120 - An tSaltair nó Sailm Ḋáiḃí 1965 (Ó Cuinn)

Salm 120. Ad Dominum.

¹ Sa ḃuaireaṁ dom ġlaoiġ mé ar an Tiarna: agus ṫug sé cluas dom.

² Fuascail mʼanam, a Ṫiarna, ó ḃéala bréagaċa: agus ó ṫeanga ṁealltaċ.

³ Cad é an díoltas a ṫaḃarfar duit nó a imreofar ort, a ṫeanga ḃréagaċ: saiġeada géara gáifeaċa, agus aiḃleoga dearga dóite.

⁴ Is mairg go ḃfuil orm maireaċtáil le muintir Ṁeseċ: agus cónaí i measc puball Clainne Ċédar.

⁵ Is fada mʼanam ag áitriú ina measc: an dream ḃíos ina naiṁde don tsíoċáin.

⁶ Bím ag saoṫrú na síoċána, aċ nuair a ḃím á lua leo: bíonn siadsan ag déanaṁ réiḋ ċun caṫa.