Malakaị 4 - Kịrịkẹnị BaịbụlNyanaḅọ Ḅe Ene Mị Ḅoaḅẹ 1 Kụrọmamgba Nyanaḅọ Ḅe nwọḅẹmẹ, “Opuaye mịẹmịẹ apụ mamgba na simịẹmịẹ apụma na ini osirosiroḅa ḍọkị ọkụ ḍọkịḅịa ene mị ḅoaḅẹ. Anị ene mị ḅụ, ini ḍọkị famaḅịa, iniaḅụ pẹkẹrẹ sọ kọn ẹkẹ. 2 Ọkụma ómine nwọ ị̀ ḅịpị pokiarị apụma, ị̀ya ḍụaḅọrọma kụrọ mị, ịrụa ḅịa ọkụ anị nwọse ọ́mịna ọgọnọ ḅịa ḅịa, se anị pịkị ómine gwọḅịa ịrụa ḅịa nweni ọgọnọ sarama ọkụ. Nama ma warị ḅie, ini ḅọkọ finji pịrị se nụngọ pakasa nambulo awọ ḅieḅẹlẹ ọkụ ọ́ nwọse ḅieḅẹlẹḅịa. 3 À yemịẹḅịa ene, sitịḅịnyanapụma, ómine ini nẹngịmaḅịa, ini pịkị fọn sime ọkụ simeḅịa ọ́mịna ḅụọ-a chuku ma ḅie.” Nyanaḅọ Ḅe Oria Tomonima Ḅeri Ma Nụnụ So Se Ye Ḅereni Ini Pịrịmẹ 4 Nyanaḅọ Ḅe nwọ ḅẹmẹ, “Ị̀ya fịrịnwẹngịḅọ, Moziz ḅe se ó telima ayema, ó se ḅiekoroma, anị ómine Izrẹlapụ mamgba kokoḅịa ẹrẹchị à se Saịnaị Tụndụ ọgọnọ ọ̀ pịrị olokoma na à tọn ayema na. 5 “Ọkụma tẹrẹrẹ, Nyanaḅọ Ḅe oria opu ḅalafama ene mị ḅo la, ịkịankoro Ịlaịja ḅe à nwọse ómine sẹịnmaḅịa. 6 Ọ̀ pịkịna ḍapụ na inia awọ na mịẹse ini ḅẹrẹfamaḅịa; anị mị mịẹka ọkụma mgbọkụ à ḅo ọ́mịna sẹ mị famasam.” |
The Bible Society of Nigeria
Bible Society of Nigeria