Kịẹnḅịpị Ma 30 - Kịrịkẹnị Baịbụl

Ḅereniyemịẹ Na Gboloma Oloko Ma

¹ Moziz ḅe pịkịna ma olokoma chụa se Izrẹl sẹ sẹma tịḅịdapụ ma pịrịmẹ.

² Tomoniḅọ ò seni Nyanaḅọ Ḅe pịrịḅịaye nwọ ḅerenimẹ anịkanịka ye karịfịmẹ na nwọ simeye ngịsị nụḅọ mịẹ-ẹkẹ nwọ ḅẹḅẹ, ò ḅereniye mị ye ori anị kanma, ọkụma ye ọ̀ ḅịpị ḅụ ḍukoaye mamgba ọ̀ nwọ mịẹ.

³ Iremeniḅọ, pa ḍawu warị angarịḅọ, ye ḅereni Nyanaḅọ Ḅe pịrịmẹ, anịkanịka ye karịfịmẹ nwọ ḅẹḅẹ,

⁴ á ḅereni yemị anịkanịka á karịfịye mị á mịẹḅịa, ḍawu ḅe anị na se ọ̀ ḅụḅẹlẹkẹ nwọḅẹye sikima ọkụma.

⁵ Ọkụma nemikase ḍawu ḅe anị naa sịkị ḅụ ọ̀ ḍụkụkẹ ḅẹḅẹ, á ḅarị anị koko-ẹkẹ. Nyanaḅọ Ḅe ọ̀ wẹrịso á pịrịḅịa anịatịḅị ḍawu ḅe ọ̀ ḍụkụkẹ árị anị koko.

⁶ Nemikase ma owuḅọ simeka eremeniḅọ nemima, anịkanịka abalaka ḅara se yeḅerenimẹ, anịkanịka ye karị fị mẹ nwọ ḅẹḅẹ, se ọḅụkọ ḅo owuḅọ simemẹ ḅẹḅẹ,

⁷ á ḅereni anịkanịka karịfị ye mị á mịẹḅịa, dewu ḅe ori anị na se ọ̀ ḅụḅẹlẹkẹ nwọḅẹye sikima ọkụma.

⁸ Ọkụma nemikase dewu ḅe anị naa sịkị ḅụ ọ̀ ḍụkụkẹ ḅẹḅẹ, á ḅarị anị koko-ẹkẹ. Nyanaḅọ Ḅe ọ̀ wẹrịso á pịrịḅịa.

⁹ Deḅọ-fị eremeniḅọ anịkanịka deḅọ na sosa eremeniḅọ á ḅereniye goyegoye árị anị kokoḅịa, á pịkị á karịfịye goyegoye nwọ kokoḅịa.

¹⁰ Nemikase owuḅọ sime eremeniḅọ yeḅerenimẹ, anịkanịka ye karịfịmẹ nwọ simeye á ḅarị mịẹ ẹkẹ nwọ ḅẹḅẹ,

¹¹ á ḅereniye mị anịkanịka karịfịye goyegoye á mịẹḅịa, anị dewu ḅe anị gbolomaye na se ọ̀ ḅụḅẹlẹkẹ nwọḅẹye sikima ọkụma.

¹² Ọkụma nemikase dewu ḅe anị na sịkị ḅụ ọ̀ ḍụkụkẹ á ḅereniye mị á nwọ mịẹ ḅẹḅẹ, á ḅarị anị koko-ẹkẹ. Nyanaḅọ Ḅe ọ̀ wẹrịso á pịrịḅịa anịatịḅị dewu ḅe á ḅereniye mị á nwọ koko ọ̀ ḍụkụkẹ.

¹³ Dewu ḅe ọ̀ kụrọ nyanamẹ á ḅereniye mị mịẹ kụrọma anịkanịka anị kansin; pịkị á karịfị ye mị sọnị.

¹⁴ Ọkụma nemikase, ori anị naa ene mị ḅọrọ se gbọrị kiki sọnị chụakẹ ḅẹḅẹ, anị ori anị mịẹkụrọmamẹ, anịọkụma á ḅereniye mị anịkanịka karịfịye mị á mịẹḅịa, ọ̀ nwọ anị naa ene mị ḅụ ọ̀ ḅụḅẹlẹkẹ nwọ ḅẹka sịkị.

¹⁵ Ọkụma ò nemikase ọḅụkọ ḅo á ḅereniye mị kansinmẹ ḅẹḅẹ, ori anịa fomuḅara nwọ daḅịa, ḅereniye mị ḅarị mịẹka ẹrẹchị.

¹⁶ Ma anị Nyanaḅọ Ḅe chụa seni Moziz ḅe pịrị oloko ma-ẹ, ma owuḅọ simeka eremeniḅọ na yeḅereni-ḅịpị-gbolomaye ḅụ anị pa ḍawu ḅe warị ḅie angarịḅọ na, anịkanịka owuḅọ simesaḅọ na.