Kịẹnḅịpị Ma 26 - Kịrịkẹnị Baịbụl

Maịn Karama Nweni Kịẹn Mị

¹ Fin-fin obi mị ḅọrọ seso, Nyanaḅọ Ḅe nwọse Moziz ḅe na Ẹleaza, Erọn agbadaḅọ ḅe yaḅe na ḅẹmẹ,

² “Bebe Izrẹl sẹ apụ mamgba ọ́ nwọ kịẹn furo furo ḅụ, si kụra la pịkị ḅọrọsa owuapụma, anị ineda ọmụgbinḅịa apụ.”

^3-4 Moziz ḅe na Ẹleaza ḅe na ini ḅịpịpokimẹ, se mị anị ogu mị lasa owuapụ mamgba nwọ chịn koḅirimamẹ. Moab apụ ḅele-sẹrẹrẹ kiri mị ḅie mị ini koḅirima simeye-ẹ Jọdan Tọrụ mị saḅakoro Jẹriko mị ḅụ sakị. Ijipt mị ḅie pakaḅo Izrẹlapụma mị ini-ẹ:

⁵ Rubẹnị sẹ mị (Rubẹnị ḅe anị Jekọb tatarị tọkụ ḅe-ẹ): Henọk na, Palu na,

⁶ Hẹzrọn na, pịkị Kamaị na sẹ mị ḅie.

⁷ Mịna sẹma kịẹnḅịpị anị kini-a-sọnọ-a-poku-esenie-ẹndẹ sonioasi-oyi-fịnjị owuapụ-ẹ.

⁸ Palu furo ḅieapụ ma anị Ẹlaịab ḅe

⁹ na oria owuapụ awọ Nẹmuẹl ḅe na, Detan ḅe na pịkị Abaịram ḅe na-ẹ. (Detan ḅe na Abaịram ḅe na anị sẹ mị sẹlẹ ọkị apụ ma-ẹ. Ini anị Moziz ḅe na Erọn ḅe na ḅịpịkan se Kora ḅe ḍuko nwẹngịapụma ḅụsọmẹ ini nyana ḅereni Nyanaḅọ Ḅe pịrịka sịkị mị ḅụ.

¹⁰ Kiri mị finji se ini mịnị ọkịmẹ, se ini Kora ḅe na ò ḍuko nwẹngịapụma na ḅụ sọ fịmẹ anị fịnị mị kini-a-oyi-maịn-chịn-fịnjị-na-oyi-apụ ma ḅaasin sịkị mị; se ini ḅo ḅerijineye sọ se tomonima pịrịmẹ.

¹¹ Ọkụma Kora ḅe oria owuapụ awọma ini fịkẹ.)

¹² Simiọnị sẹ mị anị Nẹmuẹl na, Jamin na, Jakịn na,

¹³ Zira na, pịkị Shaul mị na.

¹⁴ Mịna sẹma kịẹnḅịpị anị kini-a-ma-poku-jie ẹndẹ-oyiasi-fịnjị owuapụ-ẹ.

¹⁵ Gadị Sẹ mị anị Zefọn na, Hagaị na, Shụnaị na,

¹⁶ Oznaị na, Iraị na,

¹⁷ Erọd na, pịkị Arilaị sẹ mị na-ẹ.

¹⁸ Mịna sẹma kịẹnḅịpị anị kini-a-sọnọ-a poku ẹndẹ sọnọasi-fịnjị owuapụ-ẹ.

^19-21 Juda sẹ mị anị Shẹla na, Pẹrẹz na, Zira na, Hẹzrọn na, pịkị Hamul kpo mị na-ẹ. (Juda ḅe oria owuapụ awọma ḅụ mamapụ fịmẹ Kenan ama mị ḅie anị Ẹr ḅe na Onan ḅe na.)

²² Mịna Sẹ ma, kịẹnḅịpị anị kini-a-esenia poku-oyigbọrị-ẹndẹ-sọnọasi fịnjị owuapụ-ẹ.

²³ Ịsaka sẹ mị anị Tola na, Pua na,

²⁴ Jeshọb na pịkị Shịmrọn sẹ mị na-ẹ.

²⁵ Mịna sẹma kịẹnḅịpị anị, kini-a-nine-a-poku-jie-asi-fịnjị owuapụ-ẹ.

²⁶ Zẹbụlọnị sẹ mị anị Sirẹd na, Ilọn na, pịkị Jalil mị na-ẹ.

²⁷ Mịna sẹma kịẹnḅịpị anị kini-a-sọnọma-poku-oyigbọrị-ẹndẹ sọnọasi fịnjị owuapụ-ẹ.

²⁸ Josẹf Sẹ ma, anị mama owuapụ awọma da ḅe, anị Manasẹ ḅe na Ifrem ḅe na-ẹ.

²⁹ Manasẹ sẹ mị. Meka Manasẹ yaḅe anị Giledị ḍaḅe-ẹ, se mịna sẹma ini pakaḅo ọkụ ḍuko mun Giledị ḅe lamẹ:

³⁰ Lẹza sẹ na Hilẹk sẹ na,

³¹ Asriẹl na, Shẹkẹm na,

³² Shẹmaịda na, pịkị Hifa sẹ mị na.

³³ Zẹlofẹhad Hifa yaḅe ori owuapụ awọ nyanakẹ, ọkụma eremeni awọ kẹngẹ-ẹ; inia ẹrẹ ma anị Mala, Noa, Hogla, Milka, pịkị Tiza ma na.

³⁴ Mịna sẹma kịẹnḅịpị anị kịnị-a sonio-a poku-oyigbọrị-ẹndẹ jie-asị-fịnjị owuapụ-ẹ.

³⁵ Ifrem sẹ mị anị Shutẹla na, Bika na pịkị Tehan sẹ mị na-ẹ.

³⁶ Ifrem sẹ mị Shutẹla sẹ ḅie apụ-ẹ.

³⁷ Mịna sẹma kịẹnḅịpị anị kini-a-inein-a poku-ẹndẹ sọnọasi-fịnjị-ẹ. Mịna sẹma Josẹf sẹ ḅie apụ-ẹ.

³⁸ Bẹnjamin sẹ mị anị Bela na, Ashbẹl na, Ahaịram na,

³⁹ Shẹfufam na, pịkị Hufam na-ẹ.

⁴⁰ Ad sẹ mị na Neaman sẹ mị na Bela sẹ ḅie apụ-ẹ.

⁴¹ Mịna sẹma kịẹnḅịpị anị kini-a-sọnọ-a poku oyi-inein-a ẹndẹ fịnjị owuapụ-ẹ.

⁴² Danị sẹ mị anị Shụham sẹ mị-ẹ,

⁴³ anịa kịẹnḅịpị anị kini-a-nine-a-poku-ẹndẹ-fịnjị owuapụ-ẹ.

⁴⁴ Asha sẹ mị anị Imna mị na, Ishvaị mị na, pịkị Biraịa sẹ mị na-ẹ.

⁴⁵ Hiba sẹ mị na Malkịẹl sẹ mị na Biraịa sẹ ḅie apụ-ẹ.

⁴⁶ Asha ḅe gbọrị eremeni tọkụ ọ̀ nwọ yimẹ, árịa ẹrẹ anị Sera.

⁴⁷ Mịna sẹma kịẹnḅịpị anị kini-a-sonio-a-poku, oyitẹrẹ-ẹndẹ-oyiasi fịnjị owuapụ-ẹ.

⁴⁸ Naftalaị sẹ mị anị Jazẹl na, Gunaị na,

⁴⁹ Jiza na, pịkị Shilẹm sẹ mị na-ẹ.

⁵⁰ Mịna sẹma kịẹnḅịpị anị kịnị-a sọnọ-a poku-oyitẹrẹ-ẹndẹ-oyiasi-fịnjị owuapụ-ẹ.

⁵¹ Bebe Izrẹl owuapụ mamgba kịẹnḅịpị anị, kini-a-poku iniasi-inein-a-ẹndẹ-sonioasi-oyifịnjị na-ẹ.

⁵² Nyanaḅọ Ḅe nwọse Moziz ḅe ḅẹmẹ,

⁵³ “Kiri mị ḍie se sẹ sẹma pịrị, ini la-ọkụ mị se ḅụkịẹnma.

^54-56 Ịkịan wakị ḅụ kiri mị ḍie, opu sẹ opu kiri nwọ seni opu sẹma pịrị, anịsịkị kala sẹma kala kiri nwọ seni ini pịrị.”

⁵⁷ Livaị sẹ mị ḅie sime sẹma anị Gashọn na, Kohat na, pịkị Mẹreraị na-ẹ.

⁵⁸ Inia sẹ ḅie apụma anị Libnaị na, Hibrọn na, Malaị na, Mushaị na, pịkị Kora kala sẹma na-ẹ. Kohat ḅe anị Amram ḍaḅe-ẹ,

⁵⁹ anị Livaị ḅe ḅarọ Jokẹbẹd ma dewu ḅe-ẹ, anị Ijipt mị ḅie ini yiḅọ ma. Mama owuapụ awọ á nwọ yi Amram ḅe pịrịmẹ. Erọn ḅe na Moziz ḅe na, pịkị gbọrị eremeni tọkụ Miriam ma na.

⁶⁰ Erọn ḅe inein-a owuapụ awọ ọ̀ nwọ yimẹ, Nedab ḅe na, Abaịhu ḅe na Ẹleaza ḅe na, pịkị Itama ḅe na.

⁶¹ Nedab ḅe na, Abaịhu ḅe na ini fịmẹ ini osiḅụ oforika fịnị se agbamịẹ Nyanaḅọ Ḅe pịrị sịkị ḅụ.

⁶² Livaị owuapụma kịẹnḅịpị owuapụ ḅụ gbọrị akalụ ḅụ sakị iwoma, anị kịnị-a poku, tẹrẹ fa, si ẹndẹ na kịnị-a oyiasi-ẹ. Ísí Izrẹlapụma ḅụ ini ini kịẹn sikimamẹ anịatịḅị Izrẹl mị ḅie gbọrị ḍiekiriye sọnị ini nyanakẹ.

⁶³ Moziz ḅe na Ẹleaza ḅe na anị mịna sẹma arịa kịẹnḅịpị ma ọkịye-ẹ, ini Moab ḅele sẹrẹrẹ kiri ḅie sime se Jẹriko ḅụ wẹrị Jọdan Tọrụ mị saḅakoro sịkị ḅụ.

⁶⁴ Moziz ḅe na Erọn ḅe na Saịnaị Onwun ele mị ḅie tatarị nweni kịẹn mị ḅụ kịẹn apụma ḅụ gbọrịḅọ sọnị kọnkẹ.

⁶⁵ Anịatịḅị Nyanaḅọ Ḅe ọ̀ ḍukosam na inimgba piri ele ḅie ini fịfamaḅịa. Iniaḅụ gbọrịḅọ sọnị kọnkẹ, Kelẹb Jẹfunẹ yaḅe na pịkị Jọsụwa Nọn yaḅe na sikima ọkụma.