Jọshụa 19 - Kịrịkẹnị Baịbụl

Sime Simiọnị Pịrị Eke Mị

¹ Maịn karama ḍiekiri mị sime Simiọnị furo ḅie awọma pịrịmẹ. Oria eke mị anị ọkịmun ini se Juda apụma pịrị eke mị lamẹ.

² Mà anị anịa ḅie sime ama ma-ẹ; Biashiba, Shiba, Molada,

³ Heza Shụal, Bala, Ezem,

⁴ Ẹltolad, Bẹtol, Họma,

⁵ Ziklag, Bẹt Makabọt, Heza Susa,

⁶ Bẹt Labaọt, pịkị Sharuhẹn na; oyitẹrẹ-a opuama fịnjị na, àrị kelema amama na.

⁷ Pịkị Aịn mị na, Rimọn mị na, Ẹta mị na, pịkị Ashan mị na, inein-a opuama na, àrị kelema amama na.

⁸ Mà opuamama àrị kelema ama mamgba arịaḅụ omi-ẹ ọkịmun Bealat Biya mị la (anịkanịka Rema mị-ẹ), chukuju daọrụ ḅụ simeye mị. Mị anị Simiọnị awọma ḅie sime furoma ḍiaọkị ama mị-ẹ iniaye ḅaraḅụ.

⁹ Juda eke mị anị ḍụḅa anị la na iḅi ḅara nẹngịye ẹrẹchị, anịa ḅụ gbọrị pẹkẹrẹ ini nwọse Simiọnị furo mị pịrịmẹ.

Sime Zẹbụlọnị Pịrị Eke Mị

¹⁰ Tẹrẹ karama ḍiekiri mị sime Zẹbụlọnị furo ḅie awọma pịrịmẹ. Ini ọkị kiri mị anị ọkịmun Sarid mị lamẹ.

¹¹ Eke mị anịju ḅụ sakị mun ịrụasọsọ nyọ daọrụ Marial mị ḅụ somun Dabeshẹt mị la pịkị Jokneam mị ḅụ ịrụapakapaka nyọ daọrụ ḅụ ideri mengi mị lamẹ.

¹² Sarid mị ḅụ ísí pẹkẹrẹ ḅụ, anị mun ịrụapakapaka nyọ daọrụ ḅụ Kislọt Tebọ eke mị lamẹ, anị pịkị somun Dabẹrat mị la pịkị iwomun Jafaịya mị lamẹ.

¹³ Anị ịrụapakapaka nyọ daọrụ ḅụ sakị mun Gat Hefa mị na Etkazin mị na la, pịkị kanama Nea mị da, Rimọn ateli mị damunmẹ.

¹⁴ Ọgọnọju daọrụ ḅụ eke mị anị kanama Hanatọn mị damẹ, se mun Iftahẹl Pẹsịkiri mị ḅie kulumamẹ.

¹⁵ Katat, Nahalal, Shịmrọn, Idala, pịkị Bẹtlihẹm mị na, arịmgba anịa ḅie omi-ẹ, oyimaịn opuama fịnjị na, àrị kelema amama na.

¹⁶ Mà opuamama na, àrị kelema amama na Zẹbụlọnị furo ḅie awọma ḍiaọkị kiri mị ḅụ àrị omi-ẹ iniaye ḅaraḅụ.

Sime Ịsaka Pịrị Eke Mị

¹⁷ Inein karama ḍiekiri mị sime Ịsaka furo mị ḅie sime furoma pịrịmẹ.

¹⁸ Anịa eke mị anị Jezriẹl, Kesolọt, Shụnẹm,

¹⁹ Hafaraim, Shaịọn, Anaharat,

²⁰ Rabit, Kishiọn, Ebẹz,

²¹ Rimẹt, Ẹnganịm, Enhada, pịkị Bẹt Pazẹz mị na.

²² Eke mị pịkị mun Tebọ, Shahazuma, pịkị Bẹt Shimẹsh mị la se mun Jọdan mị ḅụ kulumamẹ. Ineinfasi opuama na àrị kelema amama na anịaḅụ simemẹ.

²³ Mà opuamama na árị kelema amama na Ịsaka furo ḅie awọma ḍiaọkị kiri mị ḅụ àrị omi-ẹ iniaye ḅaraḅụ.

Sime Asha Pịrị Eke Mị

²⁴ Sọnọ karama ḍiekiri mị sime Asha furo ḅie awọma pịrịmẹ.

²⁵ Anị eke mị anị Hẹlkat, Helaị, Bẹtẹn, Akshaf,

²⁶ Alam Mẹlẹk, Emad na, pịkị Mishal mị na. Ịrụasọsọ nyọ daọrụ ḅụ anị mun Kamẹl mị na pịkị Shaịhọ Libnat mị na lamẹ.

²⁷ Anị kanama ịrụapakapaka nyọ daọrụ mị da sịkị, eke mị anị mun Bẹt-Degọn lamẹ, Zẹbụlọnị na Iftahẹl Pẹsịkiri ḅie na lamẹ. Bẹt-Ẹmẹk mị na pịkị Neịẹl mị na ateli mị ḅụ ọgọnọju daọrụ ḅụ omi-ẹ. Anị ọkịmun Kabul mị lamẹ ọgọnọju daọrụ,

²⁸ Ibrọn, Rihọb, Hamọn, Kana na, pịkị ọkịmun Saịdọn mị lamẹ.

²⁹ Eke mị pịkị kanama Rema mị damẹ, ọkịmun Taya kụrọ opuama mị la, anị pịkị kanama Hosa mị mun se Mẹditirenia Opu Tọrụ mị ḅụ mun kulumamẹ. Mahalab mị na, Akzib mị na,

³⁰ Ọma na Efẹk na pịkị Rihọb mị na anịaḅụ omi-ẹ: simaịn fịnjị opuamama na, àrị kelema amama na.

³¹ Mà opuamama na àrị kelema amama na Asha furo ḅie awọma ḍiaọkị kiri mị ḅụ àrị omi-ẹ iniaye ḅaraḅụ.

Sime Naftalaị Pịrị Eke Mị

³² Sonio karama ḍiekiri mị sime Naftalaị furo ḅie awọma pịrịmẹ.

³³ Anịa eke mị Hilẹf mị ḅụ ọkịmun Zeananịm mị ḅụ sime kuru chịn mị lamẹ, somun Adami Nekẹb mị la pịkị mun Jamnaịa mị la, mun Lakum mị la, se mun Jọdan mị ḅụ kulumamẹ.

³⁴ Eke mị anịju ḅụ anda kanama ịrụasọsọ nyọ damun Aznọt-Tebọ mị la, anịju ọkịmun Hukọk mị la, mun chukuju daọrụ ḅụ Zẹbụlọnị mị la, ịrụasọsọ nyọ daọrụ ḅụ Asha mị la, pịkị mun ịrụapakapaka nyọ daọrụ ḅụ Jọdan mị lamẹ.

³⁵ Ini nama kụrọma opuamama anị Zidim na, Za na, Hamat na, Rakat na, Kinerẹt na,

³⁶ Adama na, Rema na, Hezọ na,

³⁷ Kedẹsh na, Edreị na, Ẹnhazọ na,

³⁸ Yaịrọn Migdalẹl na, Horẹm na, Bẹt Anat na, pịkị Bẹt Shimẹsh mị na, gbọrịyefasi opuama na, àrị kelema amama na.

³⁹ Mà opuamama na àrị kelema amama na Naftalaị furo ḅie awọma ḍiaọkị kiri mị ḅụ àrị omi-ẹ iniaye ḅaraḅụ.

Sime Danị Pịrị Eke Mị

⁴⁰ Sọnọmẹ karama ḍiekiri mị sime Danị furo ḅie awọma pịrịmẹ.

⁴¹ Anịa eke mị anị Zora na Ẹshtaol na Aịshịmẹsh na,

⁴² Shealbim na Aịjalọn na Itla na,

⁴³ Ilọn na Timna na, Ẹkrọn na,

⁴⁴ Ẹltẹkẹ, Gibetọn na, Bealat na,

⁴⁵ Jihọd na, Bẹnibẹrak na, Gat Rimọn na,

⁴⁶ Mijakọn na Rakọn na, pịkị bebe Jọpa mị kelema koro eke mị mgba na.

⁴⁷ Danị furo apụma kiri mị inia ḅaraḅie so sịkị, ini somun owu se Leish mị pakamẹ. Ini anị ọkị se ama mị ḅie sime apụma ḅaasin, se anị seni iniaye mịẹmẹ. Ini anịju ḅụ angamẹ se ama mị ẹrẹ Leish mị ḍinma, se Danị nwọse anị chịnmẹ, ini anị seni inia opuḍaḅọ Danị ḅe korumẹ.

⁴⁸ Mà opuamama na, àrị kelema amama na Danị sẹ furo ḅie awọma ḍiaọkị kiri mị ḅụ àrị omi-ẹ iniaye ḅaraḅụ.

Kiri Mị Ḅụ Kuluma Ḍiekiri Mị

⁴⁹ Izrẹlapụma ini kiri mị ḍie so sịkị, ini kiri mị ḅụ gbọrị pẹkẹrẹ nwọse Jọsụwa Nọn yaḅe pịrịmẹ oriaye ḅaraḅụ.

⁵⁰ Nyanaḅọ Ḅe tọnsa ḅaraḅụ, ò ḅi opuama mị ini nwọse ọ̀ pịrịmẹ: anị Timnat Sera mị, Ifrem chịngị ọgọnọ sẹ mị ḅie ḅụ. Ò kpoto opuama mị nama se anịa ḅie angamẹ.

⁵¹ Ẹleaza agbamịẹḅọ ḅe na, Jọsụwa Nọn yaḅe na pịkị Izrẹl furoma ḅie sime awọma ḅụ tịḅịnịma na anị kiri mị ḅụ mịna pẹkẹrẹ mamgba ḍiaye-ẹ anị ini ịkịan wakị Nyanaḅọ Ḅe ḅịpị gbela ḅụ Shịlo mị ḅie, Nyanaḅọ Ḅe pakaḅoḅo Ikowarị mị ḅọkọ ḅụ. Mị ḅara mị ḅụ ini kiri mamgba ḍie karamamẹ.