Jọshụa 15 - Kịrịkẹnị Baịbụl

Ini Kiri Tọn Juda Sẹ Mị Pịrịmẹ

¹ Mị Juda furo ḅie awọma sẹ mị ḅie ọkị nyọma sime ọkụ-ẹ: Kiri mị anị chuku daọrụ ḅụ sakị mun Zin piri ele mị ḅụ chuku datẹịn ọrụ mị ḅụ ọkịmun Idọm eke mị lamẹ.

² Mị chuku da eke mị Jikeka Opu Tọrụ mị ḅụ chuku ọrụ mị ḅụ anị sakịmẹ,

³ se Akrabim Ḅọrọnyọ mị ḅụ chuku ọrụ mị ḅụ ọkịmun Zin mị lamẹ. Anị chuku daọrụ ḅụ sakị mun Kedẹsh Banea mị la, Hẹzrọn mị ḅọrọ se iwo mun Ada mị la, kelema mun Kaka mị la,

⁴ somun Azmọn mị la, Ijipt eke mị ḅụ iderimengi mị ḅụ ọkịmun Mẹditirenia Opu Tọrụ mị la, anị eke mị kuluma nyọ mị-ẹ. Anị Juda mị ḅụ chuku daọrụ mị ḅụ eke mị-ẹ.

⁵ Jikeka Opu Tọrụ mị anị ịrụapakapaka nyọ daọrụ mị ḅẹ eke mị-ẹ, ọkịmun Jọdan mị ideri mun sara tọrụkuḅu mị mgba la. Ọgọnọju daọrụ eke mị anịju ḅụ anị sakịmẹ,

⁶ anị wasama mun Bẹt Hogla mị la, se ọgọnọju daọrụ ọkịmun Jọdan Pẹsịkiri mị lamẹ. Anị pịkị ọkịmun Bohan Ḍụparị mị lamẹ. (Bohan ḅe Rubẹnị awọma ḅie gbọrịḅọ-ẹ),

⁷ Ḅụfụka Pẹsịkiri mị ḅie sakị mun Diba mị la, pịkị kelema ọgọnọju daọrụ mun Gilgalị mị la, anị Adumim Ḅọrọnyọ mị na damadamaye mị chuku daọrụ pẹsịkiri mị ḅie. Anị ọkịmun Ẹnshimẹsh iderimengi tịḅịju mị la, somun Ẹnrogẹl mị la,

⁸ pịkị Hinọm Pẹsịkiri mị tolumun chịngị mị chuku ọrụ la, anị Jebus apụ opuama, Jerusalẹm mị sime nyọ mị. Eke mị pịkị mun chịngị mị ọgọnọju mị lamẹ anị Hinọm Pẹsịkiri mị ḅie ḅụ ịrụasọsọ nyọ daọrụ mị, Rifeim Pẹsịkiri mị ḅụ ọgọnọju daọrụ mị ḅụ kuluma mị.

⁹ Anịju ḅụ anị ọkịmun Nẹftoa Ideri Mengi mị tịḅịju lamẹ pịkị somun Ifrọn Tụndụ mị na kpekima sime opuamama lamẹ. Anịju ḅụ anị pịkị kelema mun Beala mị lamẹ (anịkanịka Kiriat Jearim mị),

¹⁰ anịju ḅụ anị ọkị bebe Beala mị ḅụ ịrụasọsọ nyọ daọrụ mị mgba kelema koro mun Idọm chịngị sẹ mị ọgọnọ mị la, pịkị ọgọnọju daọrụ ḅụ ọkịmun Jearim Tụndụ mị la (anịkanịka Kẹsalọn mị), ideri mun Bẹt Shimẹsh mị la, pịkị ḅọrọ mun Timna mị lamẹ.

¹¹ Eke mị pịkị somun Ẹkrọn chịngị mị ḅụ ọgọnọju daọrụ mị lamẹ, pịkị kelema mun Shikẹrọn mị la, Beala Tụndụ mị ḅọrọ, pịkị ọkịmun Jamnịa mị lamẹ. Mẹditirenia Opu Tọrụ mị ḅụ anị kuluma mẹ,

¹² anị ịrụasọsọ nyọ daọrụ ḅụ eke mị-ẹ. Mịna eke ma ḅie ḅụ anị Juda furo ḅie apụma angaye-ẹ.

Kelẹb Ḅe Hibrọn Mị Na Diba Mị Na Kanmẹ

¹³ Nyanaḅọ Ḅe tọn Jọsụwa ḅe pịrị ḅaraḅụ, Juda eke mị ḅụ gbọrị pẹkẹrẹ ọ̀ nwọse Kelẹb, Jẹfunẹ yaḅe pịrịmẹ, anị Juda furo ḅieḅọ ḅe. Ori Hibrọn mị ọkịmẹ anị Aba ḅe oria opuama mị, anị Anak ḍa ḅe.

¹⁴ Kelẹb ḅe ori Anak furo ḅie apụma depakụmamẹ opuama mị ḅie ḅụ—anị Shẹshaị mị na, Ahiman mị na, pịkị Talmaị mị na sẹma.

¹⁵ Ori anịju ḅụ somun owuse Diba ḅie anga apụma pakamẹ. (Mị opuama mị olomu sịkị ini nwọse anị chịnmẹ Kiriat Sẹfa.)

¹⁶ Kelẹb ḅe nwọ ḅẹmẹ, “Ineda ọmụ ḅụ Kiriat Sẹfa mị ọkịḅo goyegoye ị̀ya eremeni tọkụ Aksa ma à nwọse ọ̀ pịrị se ori á simeḅịa.”

¹⁷ Otniẹl, anị Kelẹb numbireowu Kinaz yaḅe, opuama mị ọkịmẹ ọmụ ḅie, anịẹrẹchị Kelẹb ḅe ḅarọ Aksa ma seni Otniẹl ḅe pịrị se ori á simemẹ.

¹⁸ Ereya ene mị ḅie Otniẹl ḅe nwọse á ḅẹmẹ na, á ḍawu ḅe ḅara ozukiri nwọ ḅi. Arịa yepụra asụn ḅe ọgọnọ á koro sịkị, ḍawu Kelẹb ḅe nwọse á gbelamẹ, ị́ che ḅi.

¹⁹ Á nwọse ọ̀ pẹkẹrẹmẹ, “À mengi sime nyọ ḅimẹ. Ị́ se ị̀ pịrị kiri mị, samịna kiri sẹ mị ḅie anị omi-ẹ.” Anịẹrẹchị Kelẹb ḅe, ideri mengi mị ḅụ ọgọnọju na chuku daọrụ ma nwọse á pịrịmẹ.

Juda Opuama Ma

²⁰ Mị Juda sẹ mị ḅie sime furoma ḍiaọkị kiri ma-ẹ.

²¹ Chuku daọrụ mị ḅụ sime ini pịrị opuamama, anị Idọm eke mị na kpeki ayema, ma arị-ẹ, Kabziẹl na, Ida na, Jago na,

²² Kina na, Dimona na, Adada na,

²³ Kedẹsh na, Hezọ na, Itnan na,

²⁴ Zif na, Telẹm na, Bealọt na,

²⁵ Hezọ Hadata na, Kirịọt Hẹzrọn na, (anịkanịka Hezọ),

²⁶ Amam, Shima, Molada,

²⁷ Heza Gada na, Hẹshmọn na, Bẹt Pilẹt na,

²⁸ Heza Shụal na, Biashiba na, Biziotaịya na,

²⁹ Beala na, Aịm na, Ezem na,

³⁰ Ẹltolad, Kesil, Họma,

³¹ Ziklag na, Madmana na, Sansana na,

³² Lebaọt na, Shilhim na, Aịn na, pịkị Rimọn na, arịmgba gbọrịyefa opuama soi na pịkị árị kelema amama na.

³³ Chịngị ma chuku ḅụ sime opuamama anị Ẹshtaol na, Zora na, Ashna na,

³⁴ Zanoa na, Ẹnganịm na, Tapua na, Inam na,

³⁵ Jamọt na, Adulam na, Sokọ na, Azika na

³⁶ Sheareim na, Aditaim na, Gẹdẹra na, pịkị Gẹdẹrọtaim na, oyi inein opuama fịnjị, pịkị árị kelema amama na.

³⁷ Pịkị Zenan na, Hadasha na, Migdalgad na,

³⁸ Delean na, Mizpa na, Joktiẹl na,

³⁹ Lekish na, Bozkat na, Ẹglọn na,

⁴⁰ Kabọn na, Lamam na, Kitliah na,

⁴¹ Gẹdẹrọt na, Bẹt-Degọn na, Neama na, pịkị Makida mị na, ineinfasi opuama na àrị kelema amama na.

⁴² Pịkị Libna na, Ẹta na, Ashan na,

⁴³ Ifta na, Ashna na, Nẹzịb na,

⁴⁴ Keila na, Akzib na, pịkị Marẹsha mị na; esenie-a opuama na, àrị kelema amama na.

⁴⁵ Ẹkrọn na anịa amama na pịkị ịwọamama na,

⁴⁶ pịkị Ashdọd na, kpekima sime opuamama na ama mamgba na, Ẹkrọn mị ḅụ ọkịmun Mẹditirenia Opu Tọrụ mị la.

⁴⁷ Ashdọd mị na Gaza mị na pịkị arịa amama na ịwọamama na, mun Ijipt eke mị ḅụ sime ideri mengi mị la pịkị Mẹditirenia Opu Tọrụ mị aka mị na lamẹ.

⁴⁸ Chịngị ọgọnọ sẹ mị ḅie simeayema anị Shamẹ na, Jata na, Sokọ na,

⁴⁹ Dana na, Kiriat Sẹfa (anịkanịka Diba),

⁵⁰ Enab na, Ẹshtẹmoa na, Anim na,

⁵¹ Goshẹn na, Holọn na pịkị Gilo mị na; oyi gbọrị opuama fịnjị na, àrị kelema amama na.

⁵² Arab na, Duma na, Eshan na,

⁵³ Janim na Bẹt Tapua na, Afịka na,

⁵⁴ Homta na, Hibrọn na, pịkị Zaịọ mị na; esenie-a opuama na àrị kelema amama na.

⁵⁵ Meọn na, Kamẹl na, Zif na, Juta na,

⁵⁶ Jezriẹl na, Jokdeam na, Zanoa na,

⁵⁷ Ken na, Gibia na, pịkị Timna mị na, oyi-a opuama na, àrị kelema amama na.

⁵⁸ Halhọl na, Bẹt Zọ na, Gẹdọ na,

⁵⁹ Mearat na, Bẹtan na, pịkị Ẹltẹkọn mị na; sonio-a opuama na, àrị kelema amama na.

⁶⁰ Kiriat Beal (anịkanịka Kiriat Jearim) pịkị Raba na: mama opuama na, àrị kelema amama na.

⁶¹ Onwun ele mị ḅie ḅụ sime ayema anị Bẹt Araba na, Midin na, Sikeka na,

⁶² Nibshan anị Fụn Opuama mị na, pịkị Ẹngẹdaị mị na; sonio-a opuama na pịkị àrị kelema amama na.

⁶³ Ọkụma Juda apụma ini ineda Jebus apụma depakụmakẹ Jerusalẹm mị ḅie, anị anịa ḅie anga apụma. Jebus apụma mịọkụ sọnị ini pa Juda apụma na anịa ḅie anga waraḅẹ.