Jọshụa 12 - Kịrịkẹnị Baịbụl

Moziz Ḅe Nẹngịma Amanyanapụ Ma

¹ Jọdan ḅụ ịrụapakapaka nyọ daọrụ ama mị, Izrẹlapụma ini anị inuma se anị ọkị angasam, Anọn Pẹsịkiri mị ḅie ḅụ sakị mun Jọdan Pẹsịkiri mị la, pịkịna mun ọgọnọju Hamọn Tụndụ mị la. Ini mama amanyanapụ nẹngịmamẹ.

² Gbọrịḅọ anị, Saịhọn, Amọraị amanyanaḅọ, Hẹshbọn ḅie anga se ḅẹrẹtọn arịḅọ ḅe-ẹ, oria amanyanakiri mị Giledị mị ḅụ gbọrị pẹkẹrẹ anịa ḅụ simemẹ; Aroa mị ḅụ sakị (anị Anọn Pẹsịkiri mị aka sịkị sime ama mị) pịkị anịa pẹsịkiri mị ḅie ogboku ḅụ sime opuama mị na, pịkị ọkịmun Jabọk Tọrụ mị la, anị Amọn apụ eke mị;

³ Jọdan Pẹsịkiri mị sọnị anịa ḅie omi-ẹ, Galili Ḍapa mị ḅụ sakị chukuju daọrụ ọkịmun Bẹt-Jeshimọt mị la (Jikeka Opu Tọrụ mị ḅụ ịrụapakapaka nyọ daọrụ mị) pịkị somun Pisga Tụndụ mị chuku la.

⁴ Ọg, Bashan Amanyanaḅọ ḅe sọnị ini ọ̀ nẹngịmamẹ, ori anị Rifeim apụma ḅie kọnḅọ ḅe-ẹ: Ashtarọt mị na Edreị mị na ḅie mị, ò sime ḅẹrẹtọnye-ẹ.

⁵ Oria amanyanakiri mị mun Hamọn Tụndụ mị na, Saleka mị na, pịkị bebe Bashan mị mgba ḅụ, ọkịmun Gẹshọ na Meaka mị na eke ma sọnị lamẹ, pịkị Giledị mị ḅụ gbọrị pẹkẹrẹ na, pịkị ọkịmun, Saịhọn, Hẹshbọn Amanyanaḅọ ḅe pẹkẹrẹ mị mgba na.

⁶ Moziz ḅe na Izrẹlapụma na mịna mama amanyanapụma nẹngịmamẹ. Moziz, Nyanaḅọ Ḅe fịrịnwẹngịḅọ ḅe inia amama se Rubẹnị na Gadị na sẹma na pịkị Manasẹ sẹ mị ḅụ gbọrị pẹkẹrẹ na pịrịmẹ, na anị iniaye nwọ sọ.

Jọsụwa Ḅe Nẹngịma Amanyanapụ Ma

⁷ Jọsụwa ḅe na Izrẹlapụ mamgba na Jọdan mị ḅụ ịrụasọsọ nyọ daọrụ amanyanapụ mamgba nẹngịmamẹ, Bealgad, Lẹbanọn pẹsịkiri mị ḅie ḅụ ọkịmun Helak Tụndụ mị la anịa chukuju daọrụ Idọm mị na kpeki sẹ mị, Jọsụwa ḅe ama mị ò ḍie se sẹ sẹma pịrịmẹ anị iniaye sọ gbasoḅịa ḅara.

⁸ Chịngị ọgọnọ sẹma na ịrụasọsọ nyọ daọrụ ḅụ chịngịma chuku sime sẹma na, Jọdan Pẹsịkiri mị na anịa chuku sime chịngịma na, ịrụapakapaka nyọ daọrụ mị ḅụ tukoro nyọma na pịkị chuku daọrụ ḅụ kpoinkpoin kiri sẹma na arịmgba mị kpo mị ḅie omi-ẹ. Mịn ama mị anị ḅọrọsa sịkịḅụ Hitaị apụma na, Amọraị apụma na Kenan apụma na, Pẹrizaị apụma na, Hivaị apụma na, pịkị Jebus apụma na ama ma-ẹ.

⁹ Izrẹlapụma ma opuamama arịa amanyanapụma nẹngịmamẹ: Jẹriko mị na, Eaị (Bẹtẹl mị na kpekima sime sẹ mị na),

¹⁰ Jerusalẹm mị na, Hibrọn mị na,

¹¹ Jamọt mị na, Lekish mị na,

¹² Ẹglọn mị na, Gaza mị na,

¹³ Diba mị na, Geda mị na,

¹⁴ Họma mị na, Erad mị na,

¹⁵ Libna mị na, Adulam mị na

¹⁶ Makida mị na, Bẹtẹl mị na,

¹⁷ Tapua mị na, Hifa mị na,

¹⁸ Efẹk mị na, Lasharọn mị na,

¹⁹ Medọn mị na, Hezọ mị na,

²⁰ Shịmrọn Mirọn mị na, Akshaf mị na,

²¹ Teanak mị na, Mẹgido mị na,

²² Kedẹsh mị na, Jokneam (Kamẹl mị ḅie sime sẹ mị na),

²³ Do (tọrụ mị aka ḅụ sime sẹ mị na), Goyịm (Galili mị ḅie sime sẹ mị na),

²⁴ pịkị Tiza mị na—amanyanapụ mamgba, amanyanapụ soi na gbọrị ḅọ-ẹ.