Chukusakị 5 - Kịrịkẹnị Baịbụl

Adam Ḅe Furoḅie Pakaḅo Apụ

¹ Mịn anị Adam ḅe furoḅie pakaḅo apụma ḅụ ḅẹrẹ-ẹ. (Tamụnọ Ḅe ò tomoniḅọ ḅe tẹmẹ sịkị, ori ọ̀ ḅụ ḍikima ini tẹmẹmẹ.

² Owuḅọ na eremeniḅọ na ọ̀ nwọ tẹmẹmẹ, ori ini ḅẹlẹma seni nwọse ini chịnmẹ “Tomoniḅọ.”)

³ Adam ḅe ò ḅo kụra sonioasi oyi fịnjị lasịkị, ori na kịkịna gbọrị owutọkụ ọ̀ nwọ yimẹ, Sẹt ọ̀ nwọse ọ̀ chịnmẹ.

⁴ Anị ḅọrọseso, Adam ḅe ọ̀ pịkịna kụra mẹndẹ lamẹ. Se jịn awọ na yimẹ

⁵ se ò ḅo kụra mẹndẹ sọnọasi fịnjị na kụra soi laseni ọ̀ fịmẹ.

⁶ Sẹt ḅe ò ḅo kụra sọnọasi na sọnọ-a kụra nwọ lasịkị, Enọs nwọ chịn gbọrị owutọkụ ọ̀ nwọ yimẹ,

⁷ ọ̀ pịkịna jịn kụra mẹndẹ na sọnọma kụra fịnjị lamẹ. Se jịn awọ na yimẹ

⁸ se ò ḅo kụra mẹndẹ na sọnọasi na oyimaịn kụra fịnjị laseni ọ̀ fịmẹ.

⁹ Ịnọs ḅe ò ḅo kụra iniasi oyi fịnjị lasịkị, Kenan nwọ chịn gbọrị owutọkụ ọ̀ nwọ yimẹ,

¹⁰ se ọ̀ pịkịna kụra mẹndẹ oyi fịnjị na sọnọ-a kụra lamẹ. Se jịn awọ na yimẹ

¹¹ se ò ḅo kụra mẹndẹ sọnọasi fịnjị na sọnọ-a kụra lasịkị ọ̀ fịmẹ.

¹² Kenan ḅe kụra tesi oyi fịnjị ọ̀ nwọ lasịkị, gbọrị owutọkụ ọ̀ nwọ yimẹ, oria ẹrẹ anị Mahalalẹl,

¹³ ọ̀ pịkịna kụra mẹndẹ na mesi fịnjị lamẹ. Se jịn awọ yimẹ

¹⁴ se ò ḅo kụra mẹndẹ sọnọasi fịnjị na oyi-a kụra laseni ọ̀ fịmẹ.

¹⁵ Mahalalẹl ḅe ò ḅo kụra tesi na sọnọ-a kụra fịnjị lasịkị, Jarid nwọ chịn gbọrị owutọkụ ọ̀ nwọ yimẹ,

¹⁶ ọ̀ pịkịna jịn kụra mẹndẹ na kụra soi lamẹ. Se jịn awọ na yimẹ

¹⁷ se ò ḅo kụra mẹndẹ sọnọasi na sọnọ-a kụra fịnjị laseni ọ̀ fịmẹ.

¹⁸ Jarid ḅe kụra nineasi na mama kụra fịnjị ọ̀ nwọ laseni ori Enọk ḅe yimẹ,

¹⁹ ọ̀ pịkịna kụra mẹndẹ lamẹ. Se jịn awọ na yimẹ

²⁰ se ọ̀ pịkịna kụra mẹndẹ na nineasi fịnjị na mama kụra laseni ọ̀ fịmẹ.

²¹ Enọk ḅe kụra tesi na sọnọ-a kụra fịnjị ọ̀ nwọ laseni ọ̀ Mẹtusẹla ḅe yimẹ.

²² Anịḅọrọ sịkị, Enọk ḅe ọ̀ Tamụnọ Ḅe na nwẹngị ḍumo kọnmẹ ọkịmun kụra jieasi lamẹ, ọ̀ pịkịna jịn awọ yimẹ.

²³ Ọ̀ kụra jieasi na tesi sọnọ-a kụra fịnjị lamẹ.

²⁴ Oria ḍumo ene mamgba ọ̀ Tamụnọ Ḅe na nwẹngịmẹ, anịeso tomoni ḅarị ori ọrịkẹ, anịatịḅị Tamụnọ ḅe ori ọkịsomẹ.

²⁵ Mẹtusẹla ḅe tẹrẹfa kụra eseniasi oyi fịnjị lasịkị ọ̀ Lemẹk ḅe yimẹ,

²⁶ se ọ̀ pịkịna jịn maịnfasi kụra ofori kụra mẹndẹ fịnjị lamẹ. Se jịn awọ na yimẹ

²⁷ se ọ̀ pịkịna kụra mẹndẹ nineasi fịnjị na esenie-a kụra nwọ laseni ọ̀ fịmẹ.

²⁸ Lemẹk ḅe ḅo kụra eseniasi na mama kụra fịnjị lasịkị, ọ̀ gbọrị owutọkụ yimẹ,

²⁹ se ọ̀ nwọḅẹmẹ, “Nyanaḅọ Ḅe worinime se pịrị kiri mị gose wa nwẹngịsa kụrọ à fịrịma ḅụ, ḅe tọkụ ḅe, ò kuḅie kụrọ ọkịḅo wa pịrịḅịa;” anịgose ọ̀ nwọse ọ̀ chịnmẹ Noa.

³⁰ Lemẹk ḅe ò jịn sọnọ-a kụra ofori kụra ẹndẹ oyiasi fịnjị lamẹ. Se jịn awọ na yimẹ

³¹ se ọ̀ pịkịna jịn sitẹrẹ-a kụra fịnjị ofori kụra mẹndẹ fịnjị laseni ọ̀ fịmẹ.

³² Noa ḅe ò ḅo kụra ẹndẹ sọnọasi fịnjị lasịkị, tẹrẹ awọ ọ̀ nwọ yimẹ, Shẹm ḅe na, Ham ḅe na, pịkị Jafẹtị ḅe na.