Chukusakị 36 - Kịrịkẹnị Baịbụl

Isọ Ḅe Ḅụ Pakaḅo-apụ Ma

¹ Mị Isọ ḅe ḅụ pakaḅo apụ ma-ẹ, ini pịkị Idọm nwọse chịn apụma.

² Isọ ḅe Kenan eremeni anị ò simeye-ẹ: Ada, Ilọn Hitaịḅọ ḅe ḅarọma na, Ọhọliḅema, Ena Zibiọn Hivaịḅọ ḅe yaḅe ḅa ma na,

³ pịkị Basemat, Ishmẹl ḅa, Nebaịọt nụmbụrarọ ma na.

⁴ Ada ma Ẹlifaz ḅe yimẹ; Basemat ma Ruẹl ḅe yimẹ;

⁵ Ọhọliḅema ma Jeush ḅe na, Jelam ḅe na pịkị Kora ḅe na yimẹ. Mịna owuapụ awọ mamgba Kenan ama ḅie ini ini yi Isọ ḅe pịrịmẹ.

⁶ Anịsịkị, Isọ ḅe oria erema na oria owuapụ awọma na, oria eremeni awọma na, pịkị oria warị ḅie simeapụ mamgba na, pịkị oria namama na, Kenan ḅie ọ̀ nyanaye layelaye nwọ ọkịḅo kpokponima se àrị ọkị numbireowu Jekọb ḅe wẹrịso se so jịn anga mun mẹ.

⁷ Ò gose soye anịatịḅị ori na Jekọb ḅe na anga ama mị anị ini dekikẹ; tọn-a nama ini nwọ nyanaye gose ini pa anga gbolomaḅịa ọkụ ofori-ẹ.

⁸ Anịgose Isọ ḅe, ò mun chịngịma ọgọnọ Idọm sẹ mị ḅie angamẹ.

⁹ Mị Isọ ḅe ḅụ pakaḅo apụ ma-ẹ, anị Idọm opuḍaḅọ ḅe.

^10-13 Ada, Isọ ta ma, gbọrị owutọkụ á nwọ yi ọ̀ pịrịmẹ, Ẹlifaz, se Ẹlifaz ḅe sọnọ owuapụ awọ nwọ yimẹ: Timan ḅe na, Ọma ḅe na, Zifo ḅe na, Getam ḅe na, pịkị Kinaz ḅe na. Pịkị tarọ jụmḅọ, Timna ma ḅụlọ ò gbọrị owutọkụ, Amalẹk nwọ yimẹ. Basemat, Isọ ta ma, gbọrị owutọkụ, Ruẹl, yi ọ̀ pịrịmẹ, se Ruẹl ḅe ḅo inein-a owuapụ awọ nwọ yimẹ: Nehat ḅe na, Zira ḅe na, Shama ḅe na, pịkị Miza ḅe na.

¹⁴ Isọ ta Ọhọliḅema, Zibiọn ya Ena ḅe ḅa ma, tẹrẹ-a owuapụ awọ á nwọ yi ọ̀ pịrịmẹ: Jeush ḅe na, Jelam ḅe na, pịkị Kora ḅe na-ẹ.

¹⁵ Mị Isọ ḅe ḅụ pakaḅo sẹ ma-ẹ. Isọ tarị tọkụ Ẹlifaz ḅe anị ma sẹma ḅieju ḍaḅọ ḅe-ẹ. Timan ḅe na, Ọma ḅe na, Zifo ḅe na, Kinaz ḅe na,

¹⁶ Kora ḅe na, Getam ḅe na pịkị Amalẹk ḅe na. Mịna apụ mamgba Isọ ta Ada ma ḅụ pakaḅo apụ-ẹ.

¹⁷ Isọ tọkụ Ruẹl ḅe mịna apụma ḅieju ḍaḅọ-ẹ: Nehat ḅe na, Zira ḅe na, Shama ḅe na, pịkị Miza ḅe na. Inimgba Isọ ḅe ta Basemat ma ḅụ pakaḅo apụ-ẹ.

¹⁸ Ma sẹma Isọ ḅe ḅụ pakaḅo apụ-ẹ tarọ Ọhọliḅema ma ḅụlọ ḅụ, Ena tọkụ ma: Jeush ḅe na, Jelam ḅe na pịkị Kora ḅe na.

¹⁹ Ma sẹ mamgba Isọ ḅe ḅụ pakaḅomẹ.

Sia Ḅe Ḅụ Pakaḅo Apụ

^20-21 Tatarị Idọm ama ḅie anga pakaḅo apụma, ini ini se sẹsẹ ḍiamẹ, Anị Sia Horaịḅọ ḅe furo ḅie koroḅo apụma: Lotan ḅe na, Shobal ḅe na, Zibiọn ḅe na, Ena ḅe na, Dishọn ḅe na, Iza ḅe na pịkị Dishan ḅe na.

²² Lotan ḅe anị Horaị ḅe na Heman ḅe na sẹma ḅieju ḍaḅọ ḅe-ẹ. (Lotan ḅe gbọrị eremeni mịnaḅọ ọ̀ nwọ nyanamẹ, árịa ẹrẹ anị Timna.)

²³ Shobal ḅe anị ma sẹma ḅieju ḍaḅọ ḅe-ẹ, Alvan na Manahat na Ebal na Shifo na, pịkị Onam na.

²⁴ Zibiọn ḅe mama owuapụ awọ ọ̀ nwọ yimẹ, anị Aịa ḅe na pịkị Ena ḅe na-ẹ. (Ḅe Ena ḅe anị piri ele ḅie ọ̀ ḍawu yepụra asụnma ḍikiḍiki-a sịkị ọfịrị ideri mengi mị ḍọkịpakụmaḅo ḅọ ḅe-ẹ.)

^25-26 Ena ḅe anị Dishọn da-ẹ, ori anị Hemdan ḅe na Eshban ḅe na, Itran ḅe na, pịkị Kiran ḅe na sẹma ḅieju ḍaḅọ ḅe-ẹ. Ena ḅe ọ̀ pịkị gbọrị eremeni tọkụ nwọ yimẹ, árịa ẹrẹ anị Ọhọliḅema.

²⁷ Iza ḅe anị Bilhan na, Zeavan na pịkị Ekan na sẹma ḅieju ḍaḅọ ḅe-ẹ.

²⁸ Dishan ḅe anị Ọz na pịkị Aran na sẹma ḅieju ḍaḅọ ḅe-ẹ.

^29-30 Ma ma anị Idọm mị ḅie Horaị sẹ ma-ẹ: Lotan na, Shobal na, Zibiọn na, Ena na, Dishọn na, Iza na pịkị Dishan na-ẹ.

Idọm Amanyanapụ Ma

^31-39 Mịna amanyanapụma anị Idọm ḅie amanyana ye-ẹ, Izrẹl amanyanaḅọ ḅụ gbọrịḅọ sọnị ma ḅo amanyana ka sịkịḅụ: Bela, Beọ ḅe yayo ḅe ḅo amanyanaḅọ sọmẹ anị Dinhabaḅọ ḅe Jobab, Zira ḅe yayo ḅe ḅo amanyanaḅọ sọmẹ anị Bozraḅọ ḅe Husham Timanḅọ ḅe ḅo amanyanaḅọ sọmẹ Hedad, Bedad ḅe yayo ḅe ḅo amanyanaḅọ sọmẹ anị Avit (ori anị ọmụ ḅie Moab sẹ mị ḅie Midian apụma nẹngịma ḅọ ḅe-ẹ.) Samla, Masrẹkaḅọ ḅe ḅo amanyanaḅọ sọmẹ Shaul, Rihobot Tọrụ mị aka sịkị ḅọ ḅe ḅo amanyanaḅọ sọmẹ Beal Hanan, Akbọ ḅe yayo ḅe ḅo amanyanaḅọ sọmẹ Hedad, Paụ ḅọ ḅe ḅo amanyanaḅọ sọmẹ (tarọ ma anị Mẹhẹtabẹl ma-ẹ, Matrẹd ḅama, Mẹzahab ma árịa tọkụ ma-ẹ)

^40-43 Isọ ḅe na Idọm sẹma ḅe ḅieju ḍaḅọ-ẹ: Timna, Alva, Jẹtẹt, Ọhọliḅema, Ela, Pịnọn, Kinaz, Timan, Mibza, Magdiẹl pịkị Iram na. Mịna sẹma ini anga nyọma ḅe ẹrẹ ma anị ini se sẹma nemiye-ẹ.