Biblia Todo Logo
Bìoball air-loidhne

- Sanasan -

1 Kọrịntapụ 8 - Kịrịkẹnị Baịbụl


Se Oru Pịrị Fịye Gbolomaye

1 Mịọkụ, se oru pịrịsa fịye gbolomaye ḅụ, ó ḍiri gịẹịn ị̀ fịrịma mẹ. Kọkọmaye-ẹ, “mine mgba nemi ḅọrọsam,” ini ḍuko ḅara ḅụ, anịẹḅẹsọ. Ọkọsime yenemi, tomoniḅọ mịẹse iniḅọ opuayemịẹ se pịkị ḅụdekichịẹma-chịẹmamẹ; ọkụma ḅẹlẹma mị anị nama chịẹma-chịẹmaye-ẹ.

2 Koroma na iniḅọ yenemimẹ nwọ ḅẹ ḅọ goyegoye, iniḅọ nemi gbẹịn ḅara iniḅọ kọkọma nwọ nemikẹ.

3 Ọkụma Tamụnọ Ḅe ḅẹlẹma ḅọ ori iniḅọ nemimẹ.

4 Anịọkụma, se oru pịrị sa fịye fị gbolomaye ḅụ, wa nemimẹ na oru mị anị ye ḅụ ofori-ẹ tomonikiri: wa nemimẹ na gbọrị Tamụnọ Ḅe kẹngẹ mị omiye-ẹ.

5 Ḅẹrẹ ḅe “oruma” ḅọrọ omi-ẹ ḅẹḅẹ, anị ḅọrọ soḅie anịkanịka tomonikiri sọnị ma “oruma” tọn-aye-ẹ, pịkị “tịḅịnịma” sọnị ḅakamẹ.

6 Anị sọ gbọrị Tamụnọ Ḅe kẹngẹ anị wa nyanaye-ẹ anị Ḍaḅọ Ḅe-ẹ; gbọrị Nyanaḅọ Ḅe kẹngẹ-ẹ, anị Jizọs Kraịst Ḅe-ẹ, ọ̀ ḅụ ini ḅọrọ ye mamgba tẹmẹ ḅọ ḅe, ọ̀ ḅụ wa ḅọrọ ḍumo ḅọ ḅe-ẹ.

7 Ọkụma nweni mgba mị kọkọmaye mị nemikẹ. Dapụ oru na ịnyịa so ọkụma, ọkịḅo mịmgba la sọ ini ọkọ sime fịye fịarị sịkị ini pa koromaḅẹ na oru fịye mị ini fịarịye-ẹ; inia kuḅie lọkọmẹ nwọ ḅẹye gose, ini nwọ chịnmẹ na fịye mị anị ini pụlamasam.

8 Anị simeọkụ simeọkụ sọnị fịye re wa Tamụnọ Ḅe na gboloma mị nwọ mịẹ iḅima ẹkẹ; wa ye famakẹ fịye mị wa nwọ fịka ọkụma, anịkanịka wa pịkị nyanaḅịa sọye ofori-ẹ wa anị fị ọkụma.

9 Anịẹḅẹsọ, ómine ọbị ó ḅereni ma ọ́mịna ḅụnyana ḅụ ọ́ mịẹḅịaye ma mịẹse ḅereni mị ḅie ịnyọ ḅụ oforikapụ ma ḅịkị mun si ḅie sọ.

10 Nemikase, mị gbolomaye ḅụ kuḅie lọkọḅọ, ini ḅẹmẹ ḅẹ “Yenemiḅọ ḅe,” ọrịmẹ na oru warị ḅie ị́ yefịaḅẹ nwọ ḅe ọkụma; anị ò kuḅie kụrọma ẹka ini se oru pịrị fịye fị?

11 Ḅe ị́ mbire ḅe, ma kụrọma chịẹka ḅọ ḅe Kraịst Ḅe gose fị ḅọ ḅe, mun fa ḅie sọ ḅe? Ị́ya “yenemi mị” gose!

12 Mịn mị ḅụ, ị́ Kraịst Ḅe ḅụ si mịẹ-aḅẹ, anị Kraịst Ḅe ḅie mịnapụma ị́ nwọ dairimarị sịkị, pịkị ye se inia lọkọ kuḅie ma lamaḅẹ.

13 Anịọkụma, fịye ḅọrọ mịẹse ị̀ mbire ḅe mun si ḅie sọḅịa ḅẹḅẹ ngịsị à ḅarị oru fịye anịkanịka pẹịpẹị ye se ị̀ ḅịpị lama ẹkẹ: mịẹse ị̀ mbire ḅe mun si ḅie sọ ẹka ḅara.

The Bible Society of Nigeria

Bible Society of Nigeria
Lean sinn:



Sanasan