Yohana 7 - Nyamwezi New Testament 1951

¹ Hanuma na genaya Yesu wayumbayumbaga mu Galilaya, kwisi wavagi akatogilwe kuyumbayumba mu Uyahudi, kunguno Vayahudi vakovaga kumuvulaga.

² Na sikukulu ya Vayahudi yavagi bihi, yeniyo ya kuzenga nhambi.

³ Kunguno yeniyi vaduguye vamuwilaga, Ufume henaha na uje ku Uyahudi, kigele vahemba vako vayivone milimo yako hoyene ulivezya; kwisi kuduhu munhu alivezya mulimo mu lwiviso ulu alikova kwigela hambele na minso ga vose.

⁴ Ulu ulivezya yeniyi wifumbule mwenekili hambele na liwelelo.

⁵ Kwisi ninga vaduguye vene vakamusanizizye.

⁶ Yesu wavawilaga, Itungo lyane litali kusikaho, alisi itungo linwe liliho tayari hanahana.

⁷ Liwelelo likakovolile kumugaya inwe, alisi lilingaya nene, kunguno ndisangilwaho kwigulya nalyo ati milimo yalyo yili mivi.

⁸ Linagi inwe ku sikukulu yeniyi, nene nkavile kulinako lelo ku sikukulu yeniyi, kunguno itungo lyane litali kumalilwa.

⁹ Aho wayombaga genaya, haho wadilaga mu Galilaya.

¹⁰ Alisi aho vaduguye valivalinile ku sikukulu, nawe mwene walinagako, alisi ngʼo hambele na vose sumbwa mu lwiviso.

¹¹ Haho Vayahudi vamukovaga ha sikukulu na vayombaga,

¹² Mwenuyo ali kuhe? Na mambwewe mingi gavukaga. mugati na mbuto ya vanhu kunguno yakwe; vamo vayombaga, Ali musoga, vangi vayombaga, Byololo, sumbwa alivapuvya va muchalo.

¹³ Alisi kuduhu umo wamuyombaga hambele na vose, kunguno vavogohaga Vayahudi.

¹⁴ Aho sikukulu yafikaga hagati, Yesu walinaga na wingilaga mwisengelo na wahembekaga.

¹⁵ Na Vayahudi vakumaja na vahaya, Lumehoki mwenuyu alimanicha

¹⁶ vuhembeki, nawe akahembekilwe? Haho Yesu wavitavukaga, uhaya, Vuhembeki wane vukavile wane sumbwa wa mwenuyo wantumizaja nene.

¹⁷ Mwenuyu alikova kuvezya kikowa cha Mulungu akumanicha ulu vuhembeki vufumile kumwa Mulungu, ninga ndiyomba kufuma kuwane mwenekili.

¹⁸ Homwene aliyomba kufuma kuwakwe mwenekili alikova lukumo lwakwe mwenekili; alisi homwene alilukova lukumo lwa mwenuyo wamutumizizye ali wa lole na wigomu vuli muduhu muwakwe.

¹⁹ Kinahe, akavile Mose homwene wamupaga ngʼhama? na kuduhu umo mugati ninwe alimazya ngʼhama.

²⁰ Kuki mulikova kumbulaga? Mbuto ya vanhu vitavukaga, Veve uli nago mugavo, nani alikova kukuvulaga?

²¹ Yesu witavukaga, uvawila, Nene nitaga mulimo gumo na inwe vose mwakumaja.

²² Mose wamupile inwe vutahiriwa, (alisi vukafumile kumwa Mose ngʼo sumbwa ku vahenga) na ha sabato inwe mulimutahiri munhu.

²³ Ulu munhu alipiwa vutahiriwa ha sabato kwigela ngʼo ngʼhama ya Mose yivinzwe, kungunoki mulinkilwa kunguno nene namupizaja munhu ha sabato?

²⁴ Mukayangule ngʼo hanuma na genaya minso galivona, sumbwa muyangule kigololoku.

²⁵ Haho vamo vana Yerusalema vayombaga, Akavile

²⁶ uyo valikova kumuvulaga? Na lolagi, aliyomba hambele na vose na vakavile kumuwila muhayo; ninga vahanya vamanikizye lole ati mwenuyu ali Kristo?

²⁷ Alisi mwenuyu tulimumanicha uko afumile, alisi ulu Kristo akwiza kuduhu wa kumanicha uko alifuma.

²⁸ Kunguno yeniyi Yesu, aho wahembekaga mwisengelo, wahamukaga uhaya, Nene mwanimanikizye na mwamanikizye uko nafumile; nene nkiletile mwenekili, sumbwa mwenuyu ali wa lole wantumizaja, homwene inwe mukamumanikizye.

²⁹ Nene ndimumanicha kwisi

³⁰ nafumile kuwakwe, nawe wantumizaja. Haho vakovaga kumudima, alisi kuduhu umo wagololaga kukono kwakwe kumudima, kunguno itungo lyakwe litali kufikaho.

³¹ Alisi vingi mugati na vanhu vamusanizaja na vayombaga, ulu Kristo aliza akuvezya migaka

³² mihanya kukila yeniyi mwenuyu alita? Vafarisayo vigagwa ati vanhu vawewetaga genaya kunguno yakwe, na vahozya vahanya na Vafarisayo vavatumizaja vakumba kigele vamudime.

³³ Haho Yesu wayombaga, Katungo kado ntali ndiho hamohene ninwe na haho ndija ku mwenuyo wantumizaja.

³⁴ Inwe mukunkova na kumbona ngʼo, na kwenuko ndiko nene inwe mukakovolile kwizako.

³⁵ Kunguno yeniyi Vayahudi vayombaga hamohene, Mwenuyu akuja kuhe ati iswe tuleke kumuvona? Akuja ku vusambale wa Vagriki na kuvahembeka Vagriki?

³⁶ Muhayo ki gwenugu wayombaga, Inwe mukunkova na kumbona ngʼo, na uko nene ndiko inwe mukakovolile kwizako?

³⁷ Ha lusiku lwa mhelo, ulo luhanya lwa sikukulu, Yesu wavukaga, wahamukaga uhaya, Mwenuyu alikolwa nota ize kuwane anwe.

³⁸ Homwene alinsanizya, kitisi vutone vuliyomba, myongo ya minzi ga vuzuvuku yikuyela kufuma mu nda yakwe.

³⁹ Alisi wayombaga genaya kunguno ya Roho, hoyene venavo valapiwe hovene valimusanizya; kwisi Roho yavagi yitali kuviho, kunguno Yesu wavage atali kukumukiwa.

⁴⁰ Haho vamo mugati na vanhu valivayigagwa yeniyi, vayombaga,

⁴¹ Mwenuyu ali loleyene mufumbuzi. Vangi vayombaga, Mwenuyu ali Kristo; vangi vayombaga,

⁴² Kinahe, Kristo akufuma ku Galilaya? Vutone vukayombile ati Kristo akufuma ku vuvyalwa wamwa Davidi na ku Betlehemu umo wavagimo Davidi?

⁴³ Haho vulekane wavukaga mugati na vanhu kunguno yakwe.

⁴⁴ Vamo mugati navo vakovaga kumudima, alisi kuduhu umo wagololaga kukono kwakwe kumudima.

⁴⁵ Haho vakumba vasyokaga ku vahozya vahanya na Vafarisayo, navo vavawilaga, Kuki mukamuletile?

⁴⁶ Vakumba vitavukaga, Vukumbu kale kuduhu umo wayombage kitisi munhu mwenuyu.

⁴⁷ Vafarisayo vavi

⁴⁸ tavukaga, Imba ninwe vene mwapuvivilwe? Ninga nani mugati na vahanya na Vafarisayo vamusanizaja?

⁴⁹ Alisi mbuto ya vanhu hovene vakayimanikizye ngʼhama vafwizilililwe.

⁵⁰ Nikodemo, homwene wizaga hambele kumwa Yesu ha vuziku, homwene wavagi gumo

⁵¹ mugati navo, alivawila, Kinahe, ngʼhama yiswe yilimuyangula munhu vuduhu kumwigwa na kugamanicha genaya alivezya?

⁵² Avo vitavukaga na vamuwilaga, Naʼho mwene uli wa Galilaya?

⁵³ Wikomye na ulole ati kuduhu mufumbuzi wa kufuma ku Galilaya.