Yohana 14 - Nyamwezi New Testament 1951

¹ Moyo gwinwe gukahahale ngʼo; mumusanizye Mulungu na munsanizye nene.

² Mu numba yamwa Vava mawikalo mingi galiho; ulu mbe yikavile sisyo mbe namuwilile inwe; kwisi ndija kukamuvezezya inwe wikalo.

³ Na ulu namalaga kuja kukamuvezezya inwe wikalo, ndize hangi kumusola inwe kuwane, kigele muveko kwenuko nene ndiko.

⁴ Na uko ndijako mumanikizye, na nzila muyimanikizye.

⁵ Toma alimuwila, Guku, tukamanikizye uko ujile na lumehoki tuyimaniche nzila?

⁶ Yesu alimuwila, Nene ndi nzila na hanayene na vuzuvuku, kuduhu umo alifika kumwa Vava sumbwa mugati na nene.

⁷ Ulu mbe mwanimanikizye nene mbe mwamumanikizye Vava mwene, na kufuma lelo mulimumanicha na mwamuwine.

⁸ Filipo alimuwila, Guku, utoleche Vava, yeniyi duhu tulifunda.

⁹ Yesu alimuwila, Matungo gose genaya navagiho hamohene ninwe, naʼho Filipo utali kunimanicha. Homwene wambwine nene, wamuwine Vava, lumehoki

¹⁰ haho uliyomba, Utoleche iswe Vava? Veve ukavile kusanizya ati nene ndimo mugati na Vava, na Vava mugati na nene? Mihayo yeniyi ndimuwila inwe nkavile kuyomba kufuma kuwane mwenekili; Vava homwene alikalamo mugati na nene alivezya milimo yakwe.

¹¹ Munsanizye ati nene ndimo mugati na Vava, na Vava mugati na nene, alisi ulu ngʼo, haho musanizye kunguno ya milimo yenekili.

¹² Yalole, yalole ndimuwila inwe, homwene alinsanizya nene, akuvezya milimo hoyene ndivezya, nawe akuvezya mihanya kukila

¹³ yeniyi, kwisi nene ndija kumwa Vava. Hogene mukulomba mu lina lyane nkugavezya, kigele Vava akumukiwe mugati na Mwana.

¹⁴ Ulu mukulomba kinhu

¹⁵ kimo mu lina lyane, nene nkukivezya. Ulu inwe mulintogwa nene mukuyilindila mikumo yane.

¹⁶ Nane nkumulomba Vava, nawe akumupa inwe Mugwasya

¹⁷ ungi homwene akwikala ninwe kusika myaka de, Roho ya hanayene, homwene liwelelo lika, kovolile kumwanukula kunguno likamuwine na likamumanikizye, sumbwa inwe mulimumanicha kunguno alikala hawinwe na akuvimo mugati ninwe.

¹⁸ Nene kumuleka ngʼo

¹⁹ inwe vafuvi, ndiza kuwinwe. Katali katungo kado na liwelelo kumbona ngʼo hangi; alisi inwe mukumbona, kwisi nene ndizuvuka, ninwe mukuzuvuka.

²⁰ Ha lusiku lwenulo inwe mukumanicha ati nene ndimo mugati na Vava, ninwe mugati na nene, nane mugati ninwe.

²¹ Homwene ali nayo mikumo yane na aliyilindila ali mwenuyu alintogwa; alisi homwene alintogwa akutoneka kumwa Vava, nane nkumutogwa na nkwifumbula kuwakwe.

²² Yudasi, ngʼo uyo Iskariote, wamuwilaga, Guku, kuki ulikova kwifumbula kuwiswe na ngʼo ku liwelelo?

²³ Yesu witavukaga, wamuwila, Ulu umo alintogwa nene akuyilindila mihayo yane, na Vava akumutogwa, niswe tukwiza na tukuvezya wikalo hawakwe.

²⁴ Homwene akantogilwe akavile kuyilindila mihayo yane; na muhayo hogwene muligwigwa gukavile gwane, sumbwa gumwa Vava homwene wantumizizye.

²⁵ Genaya namuwilile inwe aho ntali ndiho mugati ninwe.

²⁶ Alisi Mugwasya, Roho Nsondo, homwene Vava akumutumizya mu lina lyane, mwenuyu akumuhembeka inwe gose na akumwizukizya gose genaya namuwilile inwe.

²⁷ Ndimulekela inwe kuhola, kuhola kwane ndimupa inwe, nkavile kumupa inwe kitisi liwelelo lilipana. Moyo gwinwe gukahahale ngʼo ninga

²⁸ kogoha ngʼo. Inwe mwigagwa ati namuwilile inwe, Ndijako na ndiza hangi hawinwe. Ulu mbe mwantogagwa mbe mwadehaga kunguno ndija kumwa Vava, kwisi Vava ali muhanya kukila nene.

²⁹ Na lelo namuwilaga aho yitali kukwila, kigele musanizye ulu yakwila.

³⁰ Nene kuyomba ngʼo ninwe hangi mihayo mingi, kwisi mutwale wa liwelelo aliza, nawe akavile

³¹ na nguzu kwigulya na nene; alisi kigele liwelelo limaniche ati nene ndimutogwa Vava, na ndivezya kitisi Vava wandagilaga nene. Muvuke, tufume henaha.