Vukundukule 19 - Nyamwezi New Testament 1951

¹ Hanuma na genaya nigagwa muzwi muhanya kitisi gwa mbuto nhanya ya vanhu mwilunde gulihaya, Haleluya! Vupizya na lukumo na nguzu zili na Mulungu

² wiswe, kwisi vuyanguzi wakwe vuli wa lole na vugololoku. Kwisi wamuyangulaga uyo mulava muhanya, homwene walivipaja liwelelo na vulava wakwe, na wagiholaga magazi ga vakumba vakwe, hogene kukono kwakwe kwagazwikaja.

³ Na vayombaga ka vuvili, Haleluya! Na lyoki lyakwe lilizuka higulya kusika myaka na myaka de.

⁴ Na vanamhala avo makumi avili na vanne na ifyo fitundwa finne vagwaga hasi na vamukuvilaga Mulungu homwene wikalaga kwisumbi,

⁵ vuhaya, Amen, Haleluya! Na muzwi gwafumaga kwisumbi, guhaya, Mumugongole Mulungu wiswe, inwe vakumba vakwe vose, inwe hovene mulimogoha, vado na vahanya.

⁶ Na nigagwa muzwi kitisi gwa mbuto nhanya, na kitisi kululumila kwa minzi mingi, na kitisi kuhilima kwa nguzu, gulihaya, Haleluya! Kwisi Guku

⁷ Mulungu, Muvezya fyose, wavile Mutemi. Tudehe na twihalale na kumupa lukumo, kwisi winga wa Kadilana wafikile,

⁸ na mukima wakwe wivezelezaja tayari, nawe wapivagwa kuzwala mwenda gwa bafta gwa pee; kwisi mwenda gwa bafta guli milimo migololoku ya vasondo.

⁹ Na haho wambwilaga, Tonaga: Velukilwa venavo valalikilwe ku mayeye ga winga wa Kadilana! Hangi wambwilaga, Yeniyi yili mihayo ya lole ya Mulungu.

¹⁰ Na nagwaga ha magulu gakwe kumukuvila, nawe wambwilaga, Uleke kuvezya, kwisi nene ndi mukumba mwiyo, na mwiye wa vaduguyo, hovene vali navo vusangilwaho wamwa Yesu; umukuvile Mulungu! Kwisi vusangilwaho wamwa Yesu vuli roho ya vufumbuzi.

¹¹ Haho nalivonaga ilunde lilugukile, na farasi ya pe yigelaga, na mwenuyo wayidamilaga alitanwa mujamu

¹² na wa lole, na aliyangula na kulasana kigololoku. Na minso gakwe gavagi kitisi malambi ga moto, na ku mutwe gwakwe zyavagiko ndezi ningi; na wavagi nalyo lina litonilwe, holyene kuduhu umo alilimanicha sumbwa uyu mwenekili.

¹³ Nawe azwalile kizwalo kizavikilwe mu magazi, na lina lyakwe alitanwa: Muhayo gwa Mulungu.

¹⁴ Na va mavuto ga mwilunde vamulondaga vadamilile farasi zya pe, vazwalile mwenda gwa bafta gwa pee muno.

¹⁵ Na ku mulomo gwakwe lulifuma lupanga lugi mugati nalo avatule va mafyalo; nawe akuvadima na mulanga gwa chuma, na akupandagila ituli lya kukamulila mvinyo lya kisila na vugaye wa Mulungu,

¹⁶ Muvezya fyose. Na ku kizwalo chakwe ha mukimbili lina lyakwe litonilwe: MUTEMI WA VATEMI, NA GUKU WA VAGUKU.

¹⁷ Haho namuvonaga malaika imile mu limi, nawe wagahamukilaga na muzwi muhanya manoni gose, hogene galilala higulya mwilunde, Nzugi, mwivilinge ku mayeye mahanya ga Mulungu,

¹⁸ kigele mulye nama ya vatemi, na nama ya vateko, na nama ya va nguzu, na nama ya farasi, na ya vadamizi vazyo, na nama ya

¹⁹ vanamiko vose na vasese, vado na vahanya. Haho nayivonaga iyo ndimu na vatemi va liwelelo na mavuto gavo vivilingile kulasana vulugu na mwenuyo adamilile ku farasi na mavuto gakwe.

²⁰ Na ndimu yadimagwa na hamohene nayo mufumbuzi wa vulamba, homwene wavezaja migaka hambele nayo, mugati nazyo wavapuvaja venavo valusolaga lumanyilo lwa ndimu, navo valikuvilaga isumbano lyayo; venavo vavili vatagilagwa vapanga mu nyanza ya moto gulivaka na fibiriti.

²¹ Na avo vasigalile vavulagwa na lupanga lwa mwenuyo adamilile ku farasi, holwene lwafumaga ku mulomo gwakwe; na manoni gose gigutaga ku nama zyavo.