Vukundukule 15 - Nyamwezi New Testament 1951

¹ Na naluvonaga lumeho lungi mwilunde, luhanya na lwa kukumya, vamalaika mpungati hovene vavagi nago maluduko mpungati ga mhelo, kwisi mugati nago kisila cha Mulungu chakomelaga.

² Haho navonaga kitisi nyanza ya ilole yisangilizivilwe na moto; na ha nguka ya nyanza ya ilole vimile venavo hovene vayikindile iyo ndimu na isumbano lyayo na

³ luvalo lwa lina lyayo, vadimile mazeze ga Mulungu. Na venavo vavagi valiwimba lwimbo lwamwa Mose, mukumba wa Mulungu, na lwimbo lwa Kadilana, vuhaya, Mihanya na ya kukumya yili milimo yako Guku Mulungu, Muvezya fyose. Ngololoku na zya lole zili nzila

⁴ zyako, veve Mutemi wa va mafyalo! Nani akuleka kukogoha veve Guku, na kuligongola lina lyako? Kwisi veve winene uli musondo; kwisi va mafyalo gose vakwiza kukukuvila hambele naʼho, kunguno vugololoku wako wafumbukile.

⁵ Hanuma na genaya navonaga isengelo lya ihema lya

⁶ vusangilwaho lyalugulagwa, na vamalaika avo mpungati hovene vavagi nago maluduko mpungati vafumaga kwisengelo, vazwalile myenda misoga yelile, na vinyepile ha kikuva misipi ya dhahabu.

⁷ Na kimo mugati na ifyo fitundwa fizuvuku chavapaga vamalaika avo mpungati fiseme mpungati fya dhahabu fyokalile na kisila cha Mulungu, homwene alizuvuka kusika myaka na myaka de.

⁸ Na isengelo lyokalaga na lyoki lifumile ku lukumo lwa Mulungu na ku nguzu zyakwe; na kuduhu umo wakovolaga kwingila mwisengelo kusika maluduko mpungati ga vamalaika mpungati gamalile.