Vukundukule 10 - Nyamwezi New Testament 1951

¹ Haho namuvonaga malaika ungi wa nguzu alisoka kwilunde, kizwalo chakwe chavagi ilunde, na itavangwa lyavagiho ku mutwe gwakwe, na vusyu wakwe wavagi kitisi limi, na magulu gakwe kitisi nhingi zya moto. Na wavagi na kitabu kido kikundukulilwe mu kukono kwakwe.

² Wapandaga kugulu kwa mulila kwigulya na

³ nyanza, na kugulu kwa lumoso kwigulya na nsi. Wahamukaga na kilaka kihanya kitisi nsimba yilihilita; na aho wahamukaga makuhilima mpungati gayifumaja mizwi yago.

⁴ Aho makuhilima mpungati gamalaga kuyomba, nakovaga kutona; alisi nigagwa muzwi kufuma kwilunde gulihaya, Ugavise genayo makuhilima

⁵ mpungati gayombaga, na uleke kugatona. Na malaika, homwene namuvonaga imile kwigulya na nyanza na kwigulya na nsi, wasungaga kukono kwakwe kwa

⁶ mulila kwilunde, na walahizaja ha mwenuyo alizuvuka kusika myaka na myaka de, homwene walitundile ilunde na gose genayo galimo mulyo, na liwelelo na gose genayo galimo mulyo, na nyanza na gose genayo galimo muyo,

⁷ uhaya, Itungo likuleka kuviho hangi; sumbwa mu nsiku zyenizyo aho malaika wa mpungati akuyomba na kuvi tayari kufula kalumbete, haho mbisila ya Mulungu yikufikila, isyo wavatanizaja vakumba vakwe vafumbuzi.

⁸ Haho muzwi gwenugo nagwigagwa kufuma kwilunde gwayombaga hangi nane, guhaya, Uje ukasole kitabu kido kikundukulilwe hochene kilimo mu kukono kwa malaika mwenuyo aliwima kwigulya na nyanza na kwigulya na nsi.

⁹ Haho najaga kumwa malaika na namuwilaga, Umpe kitabu cheniki kido. Nawe wambwilaga, Ukisole na ukilye, nacho kikukupa vusungu mu nda yako, alisi mu mulomo gwako kikuvi kisemu kitisi vuki.

¹⁰ Haho nakisolaga cheniki kitabu kido na nakilyaga, nacho chavagi kisemu mu mulomo gwane kitisi vuki; alisi aho namalaga kukilya napivagwa vusungu mu nda yane.

¹¹ Wambwilaga, Yilikudima kufumbula hangi kwigulya na va magongo mingi na va chalo na fiyombele na vatemi.