Varoma 9 - Nyamwezi New Testament 1951

¹ Ndiyomba loleyene mugati na Kristo, nkavile kuyomba vulamba, moyo gwane gulisangilwa hamohene

² nane mugati na Roho Nsondo ati, ndi nayo misayo mingi na lusungu hanahana mu moyo gwane.

³ Kwisi nakovolaga kutogwa nene nafwizilwe na kulekaniwa na Kristo ha lwande lwa vadugu vane, hovene vali va

⁴ mugana gwane ha muvili, hovene vali Visraeli na vali navo wana na lukumo na mavuswanani na ngʼhama na

⁵ ludonho lwa kumwisenga Mulungu na malagano, na vali navo vahenga, vʼigongo lyavo Kristo wafumile ha vutundilwa wakwe, homwene ali Mulungu kwigulya na gose, nawe agongolwe kusika myaka de. Amen.

⁶ Alisi yikavile kitisi muhayo gwa Mulungu guli gwa gele! Kwisi vakavile vose Visraeli hovene vafumile ku Israeli;

⁷ ninga vakavile vose vana hovene vafumile kwigongo lyamwa Abrahamu, sumbwa— Venavo vamwa Isaka duhu vakwitanwa vʼigongo lyako.

⁸ Nguno yili giki: Ngʼo venava hovene vali vana ha vutundwa wavo vali vana va Mulungu, sumbwa vana

⁹ vʼilagano vakwitanwa vʼigongo lyakwe. Kwisi muhayo gwʼilagano guli gwenugu, Kitisi mwitungo lyenili ndize, na Sara akuvi na mwana mugosya.

¹⁰ Alisi ngʼo henaha duhu, sumbwa hamwa Rebeka savasava, aho witilwe nda na Isaka, homwene ali vava wiswe.

¹¹ Kunguno aho vana vavagi vatali kuvyalwa, ninga vavagi vatali kuvezya kasoga ninga kavi,—kigele

¹² ndaka ya Mulungu ya kusogola yijame, ngʼo mu nguzu zya milimo, sumbwa mu nguzu zya kwitana kwakwe—Rebeka wawilagwa ati, mukuluye akumutumamila

¹³ muzunaye, kitisi yitonilwe, Yakobo namutogagwa, alisi Esau namugayaga.

¹⁴ Haho tuyombe kinahe? Vuliho hamwa Mulungu vuyanguzi wigomu? Byololo, yikavile sisyo! Kwisi wamuwilaga Mose,

¹⁵ Nkuvi na lusungu ku mwenuyo homwene ndimuvonela lusungu, na nkumuvonela kisa mwenuyo homwene ndimuvonela kisa.

¹⁶ Sisyo yikavile kwigela mu nguzu ya mwenuyo alikova, ninga mwenuyo aligangadika, sumbwa mu nguzu ya

¹⁷ Mulungu, homwene ali wa kisa. Kwisi mu vutone yayombilwe kumwa Farao, Kunguno yeniyi nakwimikaga veve, kigele nazifumbule nguzu zyane hawako, na lina lyane litaniziwe ku liwelelo lyose.

¹⁸ Sisyo alimuvonela kisa mwenuyo alikova, na aligulendelezya moyo gwa mwenuyo alikova.

¹⁹ Haho ukumbwila, Kuki atali alihilimila? Kwisi nani alikipinga kikowa chakwe?

²⁰ Veve uli munhu ki homwene uliyanilizya na Mulungu? Kinahe, kinhu hochene chavezivilwe kilikovola kumuwila mwenuyo

²¹ wakivezaja, Kuki wambezaja nene sisyo? Ninga muvumbi akavile na nguzu kwigulya nʼivumba na ku ilundo limo kukivumba kiseme kimo kʼisima na kingi

²² kikavile kʼisima? Lelo yili kinahe? Ulu Mulungu, nulu wakovaga kukifumbula kisila chakwe na nguzu zyakwe, wafilembelaga fiseme ifyo fya kisila na vulembezu wingi hofyene fyavezivilwe ha vuzimanguke,

²³ na wakovaga kuvufumbula wingi wa lukumo lwakwe kwigulya na fiseme ifyo fya kisa,

²⁴ hofyene wafivezaja vukumbu kale ha lukumo, hofyene fili iswe hovene twitanilwe nawe, ngʼo ku Vayahudi duhu, sumbwa na

²⁵ ku vapagani vene! Yili kitisi aliyomba mu kitabu chamwa Hosea, Venavo vavage vakavile va chalo chane, venavo nkuvitana va chalo chane;

²⁶ Nawe homwene wavage akavile mutoneke, akwitanwa mutoneke; Na yikukwila henaho vawilagwa: Inwe mukavile va chalo chane, Henaho hene vakwitanwa vana va Mulungu muzuvuku.

²⁷ Nawe Yesaya wahamukaga kwigulya nʼIsraeli, Nulu luvalo lwa Visraeli luli kitisi musengasenga gwa hanyanza, vusigale wavo duhu vukupiziwa,

²⁸ kwisi Guku akugumazya muhayo gwakwe mu liwelelo na akugwanguhya na kugutina.

²⁹ Na kitisi Yesaya wayombaga kale, Ulu mbe Guku wa mavuto akatulekelile vuvyalwa, Mbe twavile kitisi Sodoma, na mbe twikolile Gomora.

³⁰ Haho tuyombe kinahe? Yili syenisi: Vapagani hovene vakavukovile vugololoku, vapivagwa vugololoku, vugololoku wenuvo vuligela mwisanizyo.

³¹ Alisi Visraeli hovene vayikovaga ngʼhama ya vugololoku vakayipandikile ngʼhama yeniyo.

³² Kungunoki? Kunguno vakayikovile mugati nʼisanizyo, sumbwa mugati na milimo.

³³ Valipamilaga iwe lya kwikumpa, kitisi yitonilwe, Lolaga, nditula mu Siyoni iwe lya kwikumpa na itale lya kwigayilizya; Na homwene alimusanizya kupondwa ngʼo nsoni.