Varoma 5 - Nyamwezi New Testament 1951

¹ Kunguno twagololilwe kwisanizyo tuli nako kuhola

² na Mulungu mugati na Guku wiswe Yesu Kristo, hawakwe twapivagwa nzila yʼisanizyo ya kufikila ha kisa cheniki mwenumo tulimamo, na tuliwikumilizya ku

³ nguno yʼisigizyo lya lukumo lwa Mulungu. Alisi ngʼo yeniyi duhu, sumbwa tuliwikumilizya mu mamikosi gene, kwisi tulimanicha ati mamikosi galileta vujamu, na vujamu vulileta vuveleganu wa moyo,

⁴ na vuveleganu wa moyo vulileta isigizyo,

⁵ na isigizyo lyenili likavile kuyengana, kunguno kutogwa kwa Mulungu kwamwagililwe mu myoyo yiswe mugati na Roho Nsondo, homwene twamupivagwa.

⁶ Kwisi henaho twavagi tutali tusakalile, aho itungo lyafikaga Kristo watufwilaga vʼivengwe.

⁷ Kilambu munhu amufwile mugololoku—alisi hamo umo akuzumya kumufwila munhu musoga.

⁸ Alisi Mulungu watolekaja kutogwa kwakwe kuwiswe mwenumo ati Kristo watufwilaga, aho twavagi tutali tuli vakenaguzi.

⁹ Haho iswe kingi muno, kunguno twagololilwe mugati na magazi gakwe, tukupiziwa nawe hambele na kisila.

¹⁰ Kunguno aho twavage vanisi twaswanivagwa na Mulungu mugati na lufu lwa Mwana wakwe; kunguno yeniyi lelo, hanuma twaswanivagwa, tukupiziwa kingi muno mugati na

¹¹ vuzuvuku wakwe; na ngʼo yeniyi duhu, sumbwa tuliwikumilizya kunguno ya Mulungu mugati na Guku wiswe Yesu Kristo mugati nawe lelo twapivagwa vuswanya.

¹² Kunguno yeniyi, kitisi kufuma ku munhu umo vukenaguzi wingilile mu liwelelo, na lufu lwafumile ku vukenaguzi, sisyo sisyene lufu lwafikaga ku vanhu

¹³ vose, kwisi vose vakenagulile; kwisi aho ngʼhama zyavagi zitali kwigela, vukenaguzi wavagiho mu liwelelo, alisi vukenaguzi vukavile kusoloziwa henaho ngʼhama zili haduhu.

¹⁴ Alisi kufuma kumwa Adamu kusika kumwa Mose lufu lwatemaga savasava kwigulya na venavo hovene vakakenagulile isyo Adamu wakenagulile, homwene alimwikola mwenuyo alakiza.

¹⁵ Alisi vulekane vuliho mugati na kipanwa na vusumule; kwisi ulu vingi vafwaga kunguno ya vusumule wa mwenuyo umo, haho kisa cha Mulungu na kipanwa mugati na kisa cha munhu mwenuyo Yesu Kristo chakwilile kingi muno ku venavo vingi.

¹⁶ Hangi vuliho vulekane mugati na kipanwa na genayo gigelaga ha mwenuyo wakenagulile;

¹⁷ kwisi vuyangulwa wa munhu umo waletaga kitanga, alisi kipanwa hochene kililonda mavusumule mingi chaletaga vugololoku.

¹⁸ Kwisi ulu kunguno ya vusumule wa munhu umo lufu lwatemaga kunguno ya mwenuyo umo, haho wenavo hovene valipiwa wingi wa kisa

¹⁹ na kipanwa cha vugololoku vakutema kingi muno mugati na vuzuvuku kunguno ya mwenuyo umo, Yesu Kristo.

²⁰ Lelo yili syenisyo: kitisi mu vugwe wa umo kitanga chafikaga ku vanhu vose, sisyo sisyene kunguno ya vugololoku, howene vulileta vuzuvuku.

²¹ Kwisi kitisi kunguno ya ivengwe lya munhu umo vanhu vose vavile vakenaguzi, sisyo sisyene mugati na kudonhoka kwa mwenuyo umo vose vakupiwa vugololoku. Alisi ngʼhama zizaga, kigele vugwe wenuvo vukule; alisi henaho vukenaguzi wingihile, henaho hene kisa chakilile munogwene, kigele kitisi vukenaguzi watemaga mugati na lufu, sisyo sisyene kisa kiteme mugati na vugololoku ku vuzuvuku wa hanahana mugati na Yesu Kristo, Guku wiswe.