Varoma 4 - Nyamwezi New Testament 1951

¹ Haho tuyombeki kunguno yamwa Abrahamu, vava

² wiswe? Kwisi ulu Abrahamu wagololilwe kunguno ya milimo yakwe, alikovola kwikumilizya, alisi ngʼo

³ hambele na Mulungu, kwisi vutone vuliyombaki? Abrahamu wamusanizaja Mulungu, na yeniyi yasolozivilwe kuwakwe kuvi vugololoku.

⁴ Alisi munhu wa milimo musyahala gwakwe gukavile kusoloziwa kitisi kipanwa, sumbwa kitisi vutondwa.

⁵ Alisi homwene akavile wa milimo, alisi alimusanizya mwenuyo alivagolola vʼivengwe, isanizyo lyakwe lilisoloziwa kuvi vugololoku.

⁶ Kitisi Davidi mwene alihaya ati, welukilwa nwenuyo Mulungu alimusolozezya kuvi na vugololoku vuduhu milimo ya ngʼhama.

⁷ Velukilwa venavo mavukenaguzi gavo gatondolilwe, Na mapuvyo gavo gakumbilwe.

⁸ Welukilwa munhu mwenuyo akasolozivilwe mavusumule na Guku.

⁹ Welukilwa wenuvo vuli ku venavo vatahirivilwe, ninga ku venavo vene vakatahirivilwe? Kwisi tuliyomba ati, isanizyo lyamwa Abrahamu lyasolozivilwe kuwakwe kuvi vugololoku.

¹⁰ Wasolozivilwe na mutindoki? Aho watahirivilwe, ninga aho wavage atali? Ngʼo aho

¹¹ wamala kutahiriwa, sumbwa aho wavage atali. Na wapivagwa lumeho lwa vutahiriwa kitisi lumanyilo lwa vugololoku wʼisanizyo, holyene wavagi nalyo aho atali kutahiriwa, kigele ave vava wa venavo vose valisanizya, nulu vakatahirivilwe, kigele vugololoku vusoloziwe kuwavo na ave vava wa venavo vatahirivilwe—

¹² ngʼo wa venavo vatahirivilwe duhu, sumbwa hovene valisimiza mu mapambala gʼisanizyo lyamwa vava wiswe Abrahamu, holyene wavagi nalyo, aho atali kutahiriwa.

¹³ Kwisi Abrahamu akapivilwe, ninga va vuvyalwa wakwe, ilagano mugati na ngʼhama ati, akuvi musaliki wa liwelelo, sumbwa mugati na vugololoku wʼisanizyo.

¹⁴ Ulu venavo va ngʼhama vali vasaliki, haho isanizyo lili lya gele na ilagano lili kitisi kilelo.

¹⁵ Kwisi ngʼhama zilileta kisila, alisi henaho ngʼhama zili haduhu, henaho hene mavusumule haduhu.

¹⁶ Kunguno yeniyi, yose yilifuma kwisanizyo, yive ya kisa, kigele ilagano lijame ku va mavuvyalwa gose, ngʼo ku venavo va ngʼhama duhu, sumbwa savasava ku venavo vʼisanizyo lyamwa Abrahamu, homwene ali

¹⁷ vava wiswe vose, (kitisi yitonilwe, Nakutulaga kuvi vava wa va magongo mingi) hambele na Mulungu, homwene wamusanizaja, mwenuyu homwene alivazuvucha vafwile na aligakanya genaya gakavileho kitisi galiho.

¹⁸ Mwenuyo Abrahamu, nulu wavagi akavile na nguno ya kwisigizya mugati nʼisigizyo, wasanizaja ati akuvi vava wa va magongo mingi, kitisi yayombilwe,

¹⁹ Syenisyo va vuvyalwa wako vakuviho; na akadohelilwe mwisanizyo, nulu wagwikomaja muvili gwakwe kitisi gwafwile, (kwisi wavagi bihi na myaka igana)

²⁰ na nda yene yamwa Sara yafwile, na akasusizye mugati nʼivengwe kunguno ya ilagano lya Mulungu, sumbwa wijamilizaja mwisanizyo na wamukuzaja Mulungu, wasanizaja vuliko ati genaya walaganaja, genaya gene alikovola kumazya.

²¹ Na kunguno yeniyi, iyo yasolozivilwe kuwakwe kuvi vugololoku.

²² Alisi yeniyi yikatonilwe kunguno yakwe duhu,

²³ ati mwenuyo wasolozezivilwe yeniyi,

²⁴ sumbwa kunguno yiswe vene, hovene tukusolozeziwa savasava, iswe hovene tulimusanizya

²⁵ mwenuyo wamuhembukaja Yesu, Guku wiswe, ku lufu, homwene wapanilwe kunguno ya mapuvyo giswe, na wahembukivilwe, kigele tugololwe nawe.