Vakolose 3 - Nyamwezi New Testament 1951

¹ Ulu haho mwahembukivilwe hamohene na Kristo, mugakove genayo ga mwigulya, kwenuko Kristo alikalaho ha mulila gwa Mulungu.

² Mugatamanilwe genayo

³ ga mwigulya, ngʼo genaya ga liwelelo. Kwisi inwe muli vafwile, na vuzuvuku winwe vuvisilwe hamohene na Kristo mugati na Mulungu.

⁴ Ulu Kristo, vuzuvuku winwe, alifumbulwa, haho inwe vene mukufumbulwa hamohene nawe mu lukumo.

⁵ Kunguno yeniyi mufivulage fivalango hofyene filigamazya genaya ga liwelelo: Vuyanzani, zoma, vusengʼhya, vutamanilwa vuvi,

⁶ ihuhu, holyene lili kitisi wisenga fimbulimbuli, na kunguno ya genaya kisila cha Mulungu kilivafikila vana va vutazi.

⁷ Mugati na genayo inwe vene mwasimizage, aho mwikalagemo mugati na genayo.

⁸ Alisi lelo mugazule gose genayo: kisila,

⁹ kisasembe, kayaya, nduki, mihayo ya nsoni. Muleke kwilambahila, kunguno mwamuzulile munhu wa kale

¹⁰ hamohene na milimo yakwe, na mwamuzwalaga munhu mupya, homwene aliveziwa vupya mu ngelo ku wikole wa mwenuyo homwene wamutundaga.

¹¹ Henaho haduhu Mugriki ninga Muyahudi, vutahiriwa ninga kuleka kutahiriwa, mupagani ninga Muskuti, musese ninga munamiko, sumbwa Kristo ali gose, nawe ali mugati na vose.

¹² Kunguno yeniyi, inwe vasogolwa va Mulungu, vasondo na vatoneke vakwe, muzwale kigongo, kisa,

¹³ vukonda moyo, vudekanu, vulembezu, na sisyo mwidonhoke na mwitondole hamohene, ulu umo ali nayo mbulano kwigulya na mwiye; kitisi Kristo wamutondolaga inwe,

¹⁴ sisyo sisyene inwe mwitondole. Na kukila gose genaya, muzwale kutogwa, hokwene kuli lugoye lwa vukomezu.

¹⁵ Na kuhola kwamwa Kristo kuteme mu myoyo yinwe, mugati nako inwe vene mwitanilwe mugati na muvili gumo; na muve na kalumbilo.

¹⁶ Muhayo gwamwa Kristo gwikale muno mugati ninwe, syenisyo inwe mugati na ngelo zyose mwihembeke na mwihane hamohene na zaburi na magongozi na nimbo zya Roho, na mumulumbile Mulungu na kalumbilo mu myoyo yinwe.

¹⁷ Na gose genayo muliyomba ninga mulita, mugite gose genaya mu lina lyamwa Guku Yesu, na mumulumbile Mulungu Vava mugati nawe.

¹⁸ Inwe vakima, mwitunye ku vagosi vinwe, kitisi yiligelanila mugati na Guku.

¹⁹ Inwe vagosya, muvatogwe vakima vinwe, na muleke kuvi na kayaya kuwavo.

²⁰ Inwe vana, muvadonhoke vavyazi vinwe mugati na tose, kwisi yeniyi yilimutogezya Guku.

²¹ Inwe vavava, muleke kuvaleva vana vinwe, kwigela

²² ngʼo vazove. Inwe vasese, muvadonhoke vansinwe vuzya mugati na tose, ngʼo kuvatumamila ha minso duhu, kitisi avo valikova kuvatogezya vanhu, sumbwa mugati na hanayene ya moyo na kumogoha Guku.

²³ Gose genaya mulita, mugite na moyo gose kitisi kumutumamila Guku na ngʼo vanhu,

²⁴ kunguno mulimanicha ati vusyokeziwa winwe kufuma kumwa Guku vukuvi isalo; kwisi mwenuyo mulimutumamila ali Guku.

²⁵ Mwenuyo alita kavi akusyokeziwa hangi kavi kenako kene, kwisi haduhu pendelea.