Vahebrayo 7 - Nyamwezi New Testament 1951

¹ Kwisi uyo Melkisedek, mutemi wa Salem, muhozya wa Mulungu wa higulya muno, homwene wamusanganilaga Abrahamu, aho wagodokaga ku vulugu wa kuvakinda vatemi,

² na wamudosaja. Homwene Abrahamu wamugavulilaga ifungu lʼikumi lya gose; kunguno ya nguno ya mbele ya lina lyakwe: Mutemi wa vugolozi, na ya vuvili: Mutemi wa Salem, nguno: Mutemi wa kuhola.

³ Ali vuduhu ise, vuduhu nina, vuduhu igongo, nulu mbuki ya nsiku zyakwe, nulu mhelo ya vuzuvuku wakwe, sumbwa alikolaniziwa na Mwana wa Mulungu, akuvi muhozya wa hanahana.

⁴ Lelo mwikomaje vuhanya wa mwenuyo, homwene guku wiswe Abraham wamupaga ifungu lʼikumi lya nsamhwa.

⁵ Na avo vana vamwa Lefi, hovene valipiwa vuhozya, valagilagwa na mukumo gwa mu ngʼhama kusola ifungu lʼikumi ku vanhu, hovene vadugu vavo, nulu vafumaga ku mukimbili gwamwa Abrahamu.

⁶ Aluyo homwene akavile kwigongo lyavo wasolaga ifungu lʼikumi kumwa Abrahamu, na wamudosaja mwenuyu wavagi nago malagano.

⁷ Alisi vuduhu muhayo, mudo alidosiwa na muhanya.

⁸ Henaha vali vanhu va lufu hovene valisola ifungu lʼikumi; alisi uko umo homwene yilisangilwa kunguno yakwe ati alizu vuka.

⁹ Na yakovolwa kuyombwa ati Lefi nawe, homwene wasolage ifungu lʼikumi, wafumaja ifungu

¹⁰ lʼikumi mugati na Abrahamu; kwisi wavagi atali ali mu mukimbili gwamwa ise, aho Melkisedek wasangaja na uyo.

¹¹ Lelo, ulu wavagiko vukomezu ku vuhozva wamwa Lefi, (kwisi ku wenuvo vanhu vapivagwa ngʼhama) kuki wafundagwa imile muhozya ungi ku ludonho lwamwa Melkisedek, na ngʼo ku ludonho lwamwa

¹² Aroni? Kwisi ulu vuhozya vulipiluka, yilidimwa

¹³ ngʼhama nayo yipiluke. Kwisi uyo kunguno yakwe genaya galiyombwa wavagi wigongo lingi, mugati nalyo akafumile ninga umo wa kutumama hakuhozezya.

¹⁴ Kwisi yili welekela ati Guku wiswe wafumaga kumwa Yuda, na Mose akayombile ninga muhayo gumo ku nguno ya vahozya va kwugongo lyenilo.

¹⁵ Na yili welekela vuliko, ulu alimila muhozya ungi homwene ali wa

¹⁶ mukolani gwamwa Melkisedek, nawe wavezivilwe ngʼo ku mukumo gwa ngʼhama zya vunhu, sumbwa ku

¹⁷ nguzu zya vuzuvuku vukavile na mhelo; kwisi yasangilagwa kunguno yakwe, Veve uli Muhozya wa hanahana ku ludonho lwamwa Melkisedek.

¹⁸ Sisyo mukumo ugo gwatongelaga gulifutwa kunguno

¹⁹ gwavile na vusakale na vuduhu vusulu, (kwisi ngʼhama zikavusikizye vukomezu), na lililetwa isigizyo isoga

²⁰ muno, mugati nalyo tulikovola kumwegela Mulungu. Na

²¹ genaya gakakwulile vuduhu mulahi, (kwisi venavo vavezivagwa vahozya vuduhu mulahi, sumbwa uyu na mulahi gwa mwenuyo homwene alimuwila, Guku walahilaga, nawe akuleka kupilula, Veve uli Muhozya wa hanahana);

²² sisyo Yesu wavile musikilizya wʼilagano isoga muno.

²³ Na avo vali vingi hovene vavezivilwe kuvi vahozya,

²⁴ kunguno vahangiliziwa na lufu valeke kudila; alisi uyu ali navo vuhozya vukavile kumala kunguno alikala kusika hanahana.

²⁵ Kunguno yeniyi alikovola kuvapizya vuliko hovene valimwegela Mulungu mugati nawe, kwisi alizuvuka nsiku zyose kigele avalombele.

²⁶ Kwisi Muhozya Muhanya wa mutindo gwenugu watuvelelaga, ali musondo, vuduhu musango, vuduhu mabado, isundile ku vakenaguzi, na akumukivilwe higu lya kusika malunde.

²⁷ Akafundile nsiku zyose, kitisi vahozya vahanya avo, kufumya fitambo, hambele ku mavukenaguzi gakwe mwenekili, na haho ku genayo ga vanhu; kwisi witaga syenisyo kamo, aho wifumaja mwenekili.

²⁸ Kwisi ngʼhama zilitula vanhu va vusakale kuvi vahozya vahanya; alisi muhayo gwa mulahi, hogwene gwalondaga ngʼliama, gwamutulaga Mwana homwene ali mukomezu kusika hanahana.