Vahebrayo 5 - Nyamwezi New Testament 1951

¹ Kwisi kila muhozya muhanya, homwene alilahwa mugati na vanhu, alitulwa kunguno ya vanhu amutumamile Mulungu, kigele afumye fipanwa na fitambo

² ku mavukenaguzi; homwene alikovola kuvavonela kisa vahumbu na vapuvi, kwisi mwenekili ali wa vusakale;

³ na kunguno ya wenuvu yamudima, kitisi ku vanhu sisyo savasava kuwakwe mwenekili, kufumya kitambo ku mavukenaguzi.

⁴ Na kuduhu munhu aliwisolela mwenekili isima lyenili, sumbwa alitanwa na Mulungu kitisi Aroni mwene.

⁵ Sisyo savasava Kristo akikumilizizye kuveziwa kuvi Muhozya muhanya, sumbwa uyu homwene wamuwilaga, Veve uli Mwana wane, Nakuvyalaga walelo.

⁶ Kitisi wahaya kungi, Veve uli muhozya wa hanahana ku ludonho lwamwa Melkisedek.

⁷ Homwene mu nsiku zya vuzuvuku wakwe wamufumizizye mwenuyo makulomba na makwigongela hamohene na vulizi vuhanya na minsozi, homwene wakovolaga kumupizya ku lufu, na wadegelekagwa kunguno

⁸ ya kumogoha Mulungu, nulu wavagi Mwana wihembekaga vudonho mu maluduko gakwe;

⁹ na hanuma na kukomeziwa, wavile nguno ya vupiziwa wa hanahana

¹⁰ wa venavo hovene valimudonhoka; na wapivagwa na Mulungu lina lya Muhozya Muhanya ku ludonho lwa Melkisedek.

¹¹ Tuli nazyo mihayo mingi zya kuyomba kunguno yakwe, alisi kigaka kuzifumbula; kwisi mwavile vazovu mu kudegeleka.

¹² Kwisi nulu, ku vulihu wʼitungo yamudimaga inwe kuvi vahembeki, mulimufunda hangi ungi amuhembeke inwe mavuhembekwa ga mbele ga muhayo gwa Mulungu; na mwavile kitisi venavo valifunda mavele,

¹³ ngʼo kiliwa kilambu. Kwisi kila munhu alitumila mavele atali kumanicha kiyombele kigolo loku;

¹⁴ kwisi ali mwelele. Sumbwa kiliwa kilambu kili cha vanhu vahanya, hovene, mugati na kugatumila masala gavo, valendelaga kulekanya kasoga na kavi.