Vahebrayo 3 - Nyamwezi New Testament 1951

¹ Kunguno yeniyi vadugu vane vasondo, va lusangi lwa lwito lwa mwilunde, mumwikomaje Mutume na Muhozya Muhanya wʼisanizyo liswe, homwene ali Yesu;

² homwene wavagi mujamu kumwenuyo homwene wamukindikaga, kitisi Mose nawe mu numba yakwe yose.

³ Kwisi uyu wapivagwa lukumo luhanya kukila Mose, kitisi uyo wazengaga numba ali muhanya kukila numba yenekili.

⁴ Kwisi kila numba yilizengwa na munhu; alisi homwene wagazengaga gose ali Mulungu.

⁵ Nawe Mose wavagi mujamu mu numba yakwe yose kitisi mukumba, ave vusangilwa wa genayo galayo mbwe;

⁶ alisi Kristo kitisi mwana higulya na numba yakwe; niswe tuli numba yakwe, ulu tulivudima vugimu wiswe na kwikumilizya kwʼisanizyo liswe kusika mhelo.

⁷ Kunguno yeniyi kitisi Roho alihaya, Walelo ulu muligwigwa muzwi gwakwe,

⁸ Muleke kuzilendelezya myoyo zinwe, Kitisi yakwilaga mwitungo lya kunikizya ha lusiku lwa. kugemwa mwibalangu,

⁹ Aho vansinwe vangemaga nʼigemelo, Navo vayiwine milimo yane myaka makumi anne.

¹⁰ Kunguno yeniyi nakizivagwa na va vuvyalwa wenuvu, Na nayombaga, Nsiku zyose valipuva mu myoyo zyavo; Alisi vavagi vakazimanikizye nzila zyane.

¹¹ Kunguno yeniyi nalahila mu kisila chane, Ava vakuleka kwingila mu wisuhizyo wane.

¹² Mwikomaje vadugu vane, kuduhu umo kuwinwe ave nago moyo muvi na gwʼivengwe, ihege kumwa Mulungu muzuvuku;

¹³ sumbwa mwihanage kila lusiku, yitali yilitanwa walelo, ngena umo kuwinwe alambiwe moyo

¹⁴ na vuyengani wa vukenaguzi; kwisi twavile va lusangi na Kristo, ulu tulidima muno isanizyo liswe lya mbele kusika mhelo.

¹⁵ Aho yahaywa, Walelo, ulu muligwigwa muzwi gwakwe, Muleke kuzilendelezya myoyo zinwe kitisi mwitungo lya kunikizya.

¹⁶ Vanani, aho vagwigagwa, vanikizaja? Vakavile vose hovene vafumaga ku Misri ku vutongelezi wamwa

¹⁷ Mose? Na vanani wakizivagwa navo myaka makumi anne? Vakavile venavo vakenagulaga, hovene milambo

¹⁸ zyavo zyagwaga mwibalangu? Na vanani wavalahilizaja ati vakuleka kwingila mu wisuhizyo wakwe,

¹⁹ sumbwa venavo vakadonhokile? Niswe tulivona kitisi vavagi vakakovolile kwingila kunguno ya ivengwe.