Vahebrayo 13 - Nyamwezi New Testament 1951

¹ Muleke kulavila

² kuvanukula vageni, kwisi mwenumo vamo vavanuku laga vamalaika vuduhu kumanicha.

³ Muvizukilage vafungwa kitisi inwe mwafungilwe hamohene navo; avo vavonelagwa sivi, kunguno inwe venekili muli mu mivili.

⁴ Vukwele vuve nʼisima ku vose, na vulili vuduhu zoma; kwisi valava na vasengʼhya Mulungu aku vayangula.

⁵ Muleke kutamanilwa mapesa; mugadehele genayo muli nago, kwisi mwenekili wahaya, Nene kukuleka ngʼo ninga hado, nulu kukulekula ngʼo ninga hado.

⁶ Kunguno yeniyi tuliyomba na vugimu, Guku ali mugwasya wane, nkuleka kogoha, Munhu akunitilaki?

⁷ Muvizukilage vatongelezi vinwe hovene vamutanizaja Muhayo gwa Mulungu; mwikomaje mhelo ya vuzuvuku wavo,

⁸ na muligemele isanizyo lyavo. Yesu Kristo kitisi ali igolo na walelo, sisyo kusika hanahana.

⁹ Muleke kululunganiwa na mavuhembekwa ga mitindo zingi na mageni; kwisi yiliguvelela moyo gujamiliziwe na kisa, ngʼo na fyakulya; kwisi avo valifitumila vaka gadile kinhu.

¹⁰ Tuli na hakuhozezya henaho vakavile na luhusa kulya hovene valilitumamila ihema.

¹¹ Kwisi ndimu hozyene magazi gazyo gakwingizivagwa mu hasondo na muhozya muhanya kunguno ya vukenaguzi, mivili zyazyo zikuzigivagwa hanze na nkambi.

¹² Kunguno yeniyi Yesu nawe, kigele avasondohye vanhu ku magazi gakwe genekili, wadukaga hanze na muvita.

¹³ Kunguno yeniyi tufume tuje kuwakwe hanze na

¹⁴ nkambi, kigele tuduke mavufusanwa gakwe. Kwisi henaha tukavile nayo kaya yilidila, sumbwa tuliyikova hoyene yiliza.

¹⁵ Mugati nawe tumufumizye Mulungu kitambo cha magongozi hanahana, hochene kili kisumo

¹⁶ cha milomo, hozyene zililizumya lina lyakwe. Alisi muleke kulavila kuvezya tusoga na kupana; kwisi Mulungu alifidehela fitambo fya mutindo gwenugu.

¹⁷ Muvadonhokage vatongelezi vinwe; kwisi valizilindila myuye zinwe, navo vakuvuziwa kunguno yazyo, kigele vayite yeniyi na kudeha vuduhu kusaya; kwisi yeniyi yikavile kumuvelela inwe.

¹⁸ Mutulombelage, kwisi tulisanizya ati tuli nazyo myoyo misoga, kwisi tulikova kusimiza na ludonho mu gose.

¹⁹ Na ndimuhimagizya muno mwitage yeniyi, kigele nasyokiwe wangu kuwinwe.

²⁰ Lelo Mulungu wa kuhola, homwene wafumaja ku vafwile Mudimi Muhanya wa ngʼholo ku magazi gʼilagano lya hanahana,

²¹ homwene Guku wiswe Yesu, amukomezye inwe mu tusoga tose, mukivezye kikowa chakwe, nawe agatumame mugati ninwe hogene galitogeziwa nawe mugati na Yesu Kristo; mwenuyu apiwe lukumo lwa hanahana, Amen.

²² Alisi, ndimuhimagizya inwe vadugu, mugudegeleke muhayo ugu gwa vuhani; kwisi namutonelaga na mi hayo miguhi.

²³ Mumaniche ati mudugu wiswe Timoteo wafungulililwe; nkumusanga inwe hamohene nawe ulu wiza wangu. Muvagisye vatongelezi vinwe na vasondo vose.

²⁴ VanʼItalia valimugisya inwe. Kisa kive hamohene ninwe vose.

²⁵ Amen.