Vahebrayo 10 - Nyamwezi New Testament 1951

¹ Kwisi ngʼhama yili kinziminzimi duhu cha tusoga tulakiza na yikavile isumbano lyato lyenekili, na kunguno yeniyi yikakovolile mugati na fitambo kuvakomezya venavo hovene valegelaho kufifumya kila mwaka.

² Kinahe, ulu yavagi yikavile sisyo, mbe valekaga kufifumya, kunguno visenga Mulungu vamalaga kuguswa kamo, na vakawine hangi mavukenaguzi?

³ Alisi mugati nafyo gulimo mwizu gwa mavukenaguzi kila mwaka.

⁴ Kwisi magazi ga nzagamba na mbuli gakakovolile kwinja mavukenaguzi.

⁵ Kunguno yeniyi, aho Kristo wingilaga mu liwelelo uhaya, Fitambo fya kutwima na fipanwa fya chakulya ukavile kufikova, Sumbwa muvili wambezezizye.

⁶ Fitambo fya kutwima na fitambo kunguno ya mavukenaguzi ukavile kufidehela.

⁷ Haho nayombaga, Lolaga, nizile, Mu kitabu mwatonilwe kunguno yane Kigele nakivezye kikowa chako, Mulungu.

⁸ Higulya wayomba, Fitambo na fipanwa fya chakulya, na fitambo fya kutwima na fitambo kunguno ya vukenaguzi ukafikovile nulu kufidehela—nafyo filifumivagwa kitisi fyalagiliziwa na ngʼhama,

⁹ haho wahaya, Lolaga, nizile kigele nakivezye kikowa chako. Alilinja

¹⁰ ilagano lya mbele, kigele alimilike lya vuvili. Ku kikowa cheniki twasondohivilwe mu kutambwa kamo kwa muvili gwamwa Yesu Kristo.

¹¹ Kila muhozya alimilaga kila lusiku alimwisenga Mulungu na alififumya kingi fipanwa fyenifyo, hofyene fikakovolile kwinja mavukenaguzi ninga hado.

¹² Alisi uyu, aho waliwafumya kitambo kimo cha hanahana ku mavukenaguzi, wikalaga ha mulila gwa Mulungu,

¹³ kufumaho alilembela kusika vanisi vakwe vatulwe hansilili na magulu gakwe.

¹⁴ Kwisi mu kufumya kipanwa kimo wavakomezaja ku hanahana venavo hovene valisondohiwa.

¹⁵ Nawe Roho Nsondo alisangilwa kuwiswe; kwisi hanuma na kuyomba,

¹⁶ Lyenili lili ilagano holyene ndavezye navo hanuma na nsiku zyenizyo; Alihaya Guku hangi, Ndazitule ngʼhama zyane mu myoyo zyavo, Na ndazitone mu miganiko gavo,

¹⁷ Na ndaleke kugizukila hangi mavukenaguzi gavo na mavusumule gavo.

¹⁸ Alisi ulu genayo galitondolwa, fitambo ku vukenaguzi fikafundilwe hangi.

¹⁹ Lelo vadugu, tuli na vugimu wa kwingila mugati na

²⁰ hasondo ku magazi gamwa Yesu, ku nzila mpya na nzuvuku, hoyene watulugulilaga ya kuvitila ha muki ngo hogwene guli muvili gwakwe.

²¹ Kunguno tuli nawe

²² Muhozya Muhanya wa ku numba ya Mulungu, twegeleho na myoyo zya lole zyokalile isanizyo, na myoyo ziswe zyaminzililwe ha pe, zileke kumanicha vuvi, na mivili ziswe zyagusilwe na minzi masoga.

²³ Tulidime

²⁴ izumilizyo lʼisigizyo liswe lileke kutingina, kwisi homwene walaganaja ali mujamu. Hangi twikomye umo na umo kigele twihimagizye mu kwitogwa na milimo misoga.

²⁵ Kuduhu tuleke kwivilinga hamohene, kitisi kitilwe cha vamo, sumbwa twihanage muno, kunguno mulivona ati lusiku lwegelile.

²⁶ Kwisi ulu twakenagula na nhani hanuma na kuwanukula vumaniche wa loleyene, kikavile kusigala hangi

²⁷ kitambo ku mavukenaguzi, sumbwa tulembele na vova vuyanguzi na vuduki wa moto hogwene gulavamile va nhani.

²⁸ Munhu homwene wazivengelezaja ngʼhama zyamwa Mose ufwa vuduhu kigongo ku vasangilwa vavili ninga vadatu.

²⁹ Kinahe, luduko lutimbu lwa mutindo ki muliganika ati lukumudima uyo homwene wamutovangizaja Mwana wa Mulungu, na wagilolelaga vuduhu mupango magazi gʼilagano, hogene wasondohivagwa nago,

³⁰ na wayiyeyaga Roho ya Kisa? Kwisi tulimumanicha homwene wahaya, Kwihola kuli kuwane, nene nkusyokezya.

³¹ Na hangi, Akuvayangula vanhu vakwe. Guli muhayo gwa kogoha kugwa mu makono ga Mulungu muzuvuku.

³² Alisi muzizukilage nsiku zya mbele, hanuma na kumulikilwa lumole, mwavukaja mawikindya mingi ga mavuduki.

³³ Nsiku zingi mwavengelezivagwa na mafusano na mamikosi, na nsiku zingi mwavagi na lusangi navo hovene vitilagwa genaya.

³⁴ Kwisi mwavavonelaga vafungwa lusungu, na mwadehelaga kupuziwa nsavo zinwe, mumanikizye ati inwe venekili muli nazyo nsavo nsoga muno hozyene zikudila.

³⁵ Kunguno yeniyi muleke kuvuponya vugimu winwe, kwisi vuli mafungulo mahanya.

³⁶ Alisi yilimudima kuvi na kulembela mbela, kigele ulu mwamalaga kukivezya kikowa cha Mulungu, mulyanukule ilagano.

³⁷ Kwisi katali katungo kado duhu, Kusika akwigela homwene akwiza vuduhu kukendela.

³⁸ Alisi mugololoku wane akuzuvuka kwisanizyo; Ulu alisyoka numa na vova, mbe myuye yane yikavile kumudehela.

³⁹ Alisi tukavile va venavo valisyoka numa na vova ku vuzimile, sumbwa va venava vʼisanizyo ku vupiziwa wa myuye.