Vaefeso 5 - Nyamwezi New Testament 1951

¹ Kunguno yeniyi muve valondezi vamwa Mulungu

² kitisi vana vatoneke; musimize mugati na kutogwa, kitisi Kristo mwene wamutogagwa inwe na wipanaga mwenekili kuwinwe, kipanwa na kitambo kumwa Mulungu hochene kili na vumotu vusoga.

³ Alisi vuyanzani na zoma zyose na mavutamanilwa galeke ninga kuyombwa mugati ninwe, kitisi yilivadima vasondo,

⁴ ninga ngʼo milimo ya nsoni, ninga ngʼo mihayo ya vupulunganu, ninga ngʼo mihayo ya nhagila, hoyene

⁵ yikasikile, sumbwa muno kalumbilo. Kwisi yeniyi mumaniche vuliko ati, kuduhu muyanzani, ninga munhu wa zoma, ninga wa vutamanilwa, homwene ali mwisenga fimbulimbuli, ali na isalo mu vutemi wamwa Kristo na Mulungu.

⁶ Kuduhu umo amuyenge inwe na mihayo ya gele; kwisi kunguno ya genayo kisila cha Mulungu kilivafikila vana va ivengwe.

⁷ Kunguno yeniyi muleke kuvi na lusangi na vanhu venavo.

⁸ Kwisi kale inwe mwavage giti, alisi lelo mwavile lumole

⁹ mugati na Guku; musimize kitisi vana va lumole—fisumo fya lumole filigela mugati na vusoga vose na

¹⁰ vugololoku na hanayene—na mugemele genayo galimutogezya Mulungu.

¹¹ Muleke kuvi na lusangi na milimo ya giti, hoyene yikavile kufyambya fisumo, sumbwa muyidakile. Kwisi yili nsoni ninga kukanya genayo venavo valita mu lwiviso.

¹² Alisi gose galigela ulu galifumbulwa na lumole.

¹³ Kwisi genayo galifumbulwa galigela kitisi lumole.

¹⁴ Kunguno yeniyi yiliyombwa, Umisye veve homwene ulilala tulo, na uhembuke ku vafwile, na Kristo akukumulika veve.

¹⁵ Haho mwikomye muno isyo mulisimiza, ngʼo kitisi

¹⁶ vahumbu, sumbwa kitisi vavalaganu; mugatumile matungo genaya sisoga, kwisi nsiku zyenizi zili mbi.

¹⁷ Kunguno yeniyi muleke kuvi vuduhu masala, alisi mukimaniche cheniki kili kikowa cha Guku.

¹⁸ Muleke kukolwa na walwa mugati navo wivonya vulimo, sumbwa mokaziwe na Roho.

¹⁹ Musunsumule hamohene mugafi na zaburi na magongozi na nimbo nsondo, na mumwimbile na mumugongole Guku mu myoyo yinwe.

²⁰ Hanahana mumulumbile Mulungu Vava ku tosetose

²¹ mu lina lyamwa Guku wiswe Yesu Kristo; na mwitunye hamohene, umo na mwiye, mugati na kumogoha Kristo.

²² Vakima vitunye ku vagosi vavo kitisi kumwa Guku.

²³ Kwisi mugosi ali mutwe gwa mukima, kitisi Kristo mwene ali mutwe gwʼivilingano, nawe ali Mupizya wa Muvili.

²⁴ Alisi kitisi ivilingano lilitunya kumwa Kristo, sisyo sisyene vakima vitunye ku vagosi vavo mugati na tose.

²⁵ Ninwe vagosya, muvatogwe vakima vinwe, kitisi Kristo mwene walitogagwa ivilingano, na wipanaga mwenekili kunguno yalyo,

²⁶ kigele alisondohye, aho wamala kulyezya mugati na kogiwa kwa minzi na muhayo,

²⁷ kitisi walaganaje, kigele iletele mwenekili ivilingano lya lukumo, holyene lili vuduhu kimelo na mikinya na gangi gene ga mutindo gwenugu, kigele live isondo na vuduhu ipuvyo.

²⁸ Syenisyo vagosya valitondwa kuvatogwa vakima vavo kitisi mivili yavo venekili. Homwene alimutogwa mukima wakwe, aliwitogwa mwenekili;

²⁹ kwisi kufuma kale kuduhu munhu wagugayaga muvili gwakwe mwenekili, sumbwa aligulisya na aligulindila, kitisi Kristo mwene alililindila ivilingano.

³⁰ Kwisi iswe tuli fivalango fya muvili gwakwe.

³¹ Kunguno yeniyi munhu akumuleka ise na nina, na akudimana na mukima wakwe, navo vavili vakuvi muvili gumo.

³² Mbisila yeniyi yili nhanya, kwisi ndiyomba yeniyi kunguno yamwa Kristo na ivilingano.

³³ Haho inwe vose, kila umo amutogwe mukima wakwe kitisi aliwitogwa mwenekili; alisi mukima amukuzye mugosi wakwe.