Vaefeso 4 - Nyamwezi New Testament 1951

¹ Ndimuhana inwe, nene mutungwa kunguno yamwa Guku, musimize kitisi yiligelanila na kwitanwa kwenuko hokwene mwitanilwe nako,

² mugati na vudekanu vose na vukondu na vulembezu, mwilembele ungi ku

³ ungi mugati na kutogwa, na mugangadike kululindila lusangi lwa Roho mugati na itunga lya kuhola.

⁴ Guliho muvili gumo duhu na Roho yimo, kitisi savasava inwe mwitanilwe na isigizyo limo mugati na kwitanwa kwinwe;

⁵ Guku umo isanizyo limo, kogiwa kumo,

⁶ Mulungu umo, nawe ali Vava wa vose, homwene ali kwigulya na vose, na kunguno ya vose, na mugati na vose.

⁷ Alisi kila umo mugati niswe twapivagwa kisa ku kipimo cha kipanwa chamwa Kristo.

⁸ Kunguno yeniyi yayombilwe, Aho walinaga higulya wavajanaga vasamhwa na wavapaga vanhu fipanwa.

⁹ Alisi muhayo ugu: Walinaga higulya, guli na nguno ki

¹⁰ ulu yikavile yeniyi ati, waliwasoka ku liwelelo ku nsi

¹¹ zya hansilili? Mwenuyo wasokaga ali mwenuyo mwene walinaga higulya muno kukila malunde, kigele agokazye gose. Na wavapaga vamo kuvi vatume, vangi kuvi vafumbuzi, vangi kuvi vatanizya va Mhola

¹² ya Chelu, vangi kuvi vadimi na vahembeki, kigele avakomezye vasondo ku milimo ya vukumba, muvili

¹³ gwamwa Kristo guzengwe, kusika iswe vose tukufikaho kuvi va lusangi lumo mugati na isanizyo na kumumanicha vuliko Mwana wa Mulungu, na kuvi vanhu vakomezu, na tusike kumwikola Kristo mugati na vakale wakwe.

¹⁴ Kwigela ngʼo tuve hangi velele hovene volifilwa uko na uko, na valipepeziwa na kila muyaga gwa vuhembeki mugati na vuyengani wa vanhu na

¹⁵ vuhuguku wa kulonda nzila ya vupuvya; alisi kigele tuyidime hanayene mugati na kutogwa, na tukule tumufikile Kristo mugati na gose, homwene ali mutwe.

¹⁶ Kwisi mugati nawe muvili gose gulilimbiwa na gulidimaniwa mugati na vugwasya wa kila ilimbizyo hanuma na nguzu ya kila kivalango, syenisyo muvili gulikula na guliwizenga gwenekili mugati na kutogwa.

¹⁷ Genaya haho ndiyomba na ndisangilwaho mugati na Guku: muleke kusimiza hangi isyo vapagani valisimiza

¹⁸ mu miganiko gavo ga gele, na vakinganizivilwe na giti mu masala gavo, na valugalililwe ku vuzuvuku wa Mulungu kunguno ya vulendelezu wa myoyo yavo.

¹⁹ Hovene, kunguno vaduhile mu moyo, vitavulaga venekili ku wivonya kuvezya zoma zyose mugati na vutamanilwa.

²⁰ Alisi inwe mukahembekilwe syenisyo kunguno yamwa Kristo,

²¹ ulu mwamwigagwa na mwahembekagwa kunguno yakwe, kitisi hanayene yilimo mugati na Yesu.

²² Kunguno ya kisimizile kinwe cha kale mwahembekagwa kuzula munhu wa kale, homwene

²³ alivipiziwa na mawigomelwa ga vuyengani, alisi muveziwe vupya mu Roho ya isala linwe,

²⁴ na muzwale munhu mupya, homwene watundilwe ha wikole wa Mulungu mu vugololoku na vusondo wa hanayene.

²⁵ Muleke kuyomba vulamba, alisi muyombe hanayene, kila umo na muzenganwa wakwe, kunguno tuli fivalango fya muvili gumo hamohene.

²⁶ Ulu mwakilwa muleke kukenagula, limi lileke kuloka kisila kinwe kitali kutuna.

²⁷ Muleke kumupa Shetani hakwikala hawinwe.

²⁸ Homwene ali mwivi, aleke kwiva hangi, sumbwa atumame na ite tusoga na makono gakwe mwenekili, kigele ave nacho cha kupana ku mwenuyo ali na mafundo.

²⁹ Kuduhu muhayo muvozu gufume ku milomo zinwe, sumbwa mihayo misoga hoyene yilikovola kuzengula henaho yilifundwa, kigele yivape venavo kisa

³⁰ hovene valiyidegeleka, Muleke kumusatya Roho Nsondo wa Mulungu, mugati na mwenuyo mwatulililwe lumanyilo kusika lusiku lwa vukomolwa.

³¹ Vululu vose na kiniga na kisila na ibubu na mafusano gingike

³² kuwinwe, hamohene na kayaya kose. Muve na kigongo ku vikinu hamohene, muve na lusungu ku vikinu na mwitondole hamohene, kitisi Mulungu mugati na Kristo wamutondolile inwe.