Milimo 5 - Nyamwezi New Testament 1951

¹ Mugosya umo, lina lyakwe Anania, hamohene na

² mukima wakwe Safira, waguzaja ilale, na wavisaga kuwakwe ifungu lya nsavo, na mukima wakwe wamanikaja, na ifungu lingi waletaga na walitulaga ha magulu ga vatume.

³ Alisi Petro wayombaga, Anania, hokinahe Shetani wagokazaja moyo gwako umulambahile Roho Nsondo na wavisaga ifungu lya nsavo

⁴ yʼilale? Aho wavagi nalyo lyavagi likavile nsavo yako? na hanuma waliguzaja ukavelile kwita kitisi watogagwa? Kuki walomaga ndaka yeniyi mu moyo

⁵ gwako? Ukavalambahilile vanhu sumbwa Mulungu. Aho Anania wayigagwa mihayo yeniyi, wagwaga hasi, na wadahaja moyo; na kogoha kwavadimaga vose, hovene vayigagwa.

⁶ Haho vasumba vavukaga, vamukumbaga, vamufumaja, na vamuzikaga.

⁷ Hanuma na saa idatu mukima wakwe wingilaga vuduhu kumanicha genaya gakwilaga.

⁸ Petro wamuwilaga, Kinahe, mwaliguzaja ilale ku mupango gwenugu? Nawe witavukaga, Ahene ku mupango gwenugu.

⁹ Haho Petro wamuwilaga, Kuki mwizumilizaja kuyiyenga Roho yamwa Guku? Lolaga, magulu ga venava vamuzikaga mugosi wako gali ha muzigo, vakukufumya veve mwene.

¹⁰ Itungo lyenilo wagwaga ha magulu gakwe, na wadahaja moyo. Aho vasumba vingilaga vamusangaga wafwaga, na vamuzikaga bihi na mugosi wakwe.

¹¹ Na ivilingano lyose lyogohaga hamohene na vose, hovene vagigagwa genaya.

¹² Mamigaka mingi na malumeho mingi gavezivagwa na makono ga vatume mugati na vanhu, na vose vavagi hamohene na moyo gumo mu vukumbo wamwa Salomo.

¹³ Alisi mugati na vangi kuduhu umo wagimaga kudimana navo, sumbwa vanhu vavakumaja;

¹⁴ navo vasanizaja vongezivagwa kumwa Guku, mbuto nhanya ya vagosya na vakima.

¹⁵ Hangi vavafumaja valwile ku mageta, na vavalalikizaja ha mavulili na machela, kigele, ulu Petro wiza, kinziminzimi chakwe kivakinganizye vamo mugati navo.

¹⁶ Na kufuma ku makaya gose hogene gapilimile Yerusalema mbuto ya vanhu vivilingaga, navo valetage valwile na avo vadukivilwe na migavo ya zoma, na vose vapizivagwa.

¹⁷ Haho muhozya muhanya wavukaga hamohene na venava vikondelaga nawe, kiheli cha Vasadukayo, na

¹⁸ vokalaga nʼivuva, vavadimaga vatume, na vavatulaga mu jela.

¹⁹ Alisi malaika wamwa Guku wagufungulaga muzigo gwa jela ha vuziku, na wavafumaja, na wayomba,

²⁰ Jagi, na mwimile mwisengelo, na muvatanizye vanhu mhola yose ya vuzuvuku wenuvu. Aho vayigagwa vingilaga mwisengelo hikingilima,

²¹ na vahembekaga; alisi muhozya muhanya na avo vavagi hamohene nawe vizaga, na vavavilingaga vʼivanza na vanamhala vose va vana vʼIsraeli, na vatumizaja ku jela vakavalete.

²² Alisi aho vakumba vafikaga, vakavawine mu

²³ jela, navo vasyokaga na vavapozezaja, vuhaya, Twayisangaga jela yilugalilwe savasava, na valindilizi vimile ha mizigo; alisi aho twalugulaga tukamuwine munhu mugati.

²⁴ Aho mulindilizi wʼisengelo na vahozya vahanya vayigagwa mihayo yeniyi vatavanivagwa

²⁵ muno kunguno yavo, ati genaya gakuvi kinahe? Haho wizaga umo wavapozezaja, Lolagi, vanhu avo mwavatulile mu jela valiwima mwisengelo, na valivahembeka vanhu.

²⁶ Haho wajaga mulindilizi hamohene na vakumba, na vavaletaga, alisi ngʼo na nguzu; kwisi vavogohaga vanhu,

²⁷ valeke kutulagulwa mawe. Aho vavaletaga vavimikaga hambele nʼivanza, na muhozya

²⁸ muhanya wavavuzaja, uhaya, Twamulagilaga na nguzu, muleke kuhembeka mu lina lyenili; alisi lolagi, mwayokazaja Yerusalema na vuhembeki winwe, na mulikova kuleta magazi ga munhu uyo higulya niswe.

²⁹ Haho Petro na vatume vangi vitavukaga, vuhaya, Yilitudima kumudonhoka Mulungu kukila vanhu.

³⁰ Mulungu wa vahenga wamuhembukaja Yesu, homwene mwamusungaga ku musigiti, na mwamuvulagaga.

³¹ Mwenuyo Mulungu wamukumukaja na kukono kwakwe kwa mulila, ave Mutwale na Mupizya, avape vʼIsraeli kunogoleka na kutondolwa kwa mavukenaguzi.

³² Na iswe tuli vasangilwa ku genaya hamohene na Roho Nsondo, homwene Mulungu wavapaga venava valimudonhoka.

³³ Aho vagigagwa genaya valasagwa mu myoyo na valomaga kuvavulaga.

³⁴ Haho wimilaga mwivanza Mufarisayo, lina lyakwe Gamalieli, muhembeki wa ngʼhama na wʼisima mugati na vanhu, walagilaga vanhu ava vafume katungo.

³⁵ Nawe wavawilaga, Inwe vagosya vʼIsraeli, mwikomaje sisoga kunguno ya genaya mulivitila vanhu ava.

³⁶ Kwisi mu nsiku izyo zyavitile wimilaga Teuda, homwene wiganikaga mwenekili ali muhanya, na vanhu bihi na magana anne vamulondaga; uyu wavulagagwa, na valondelezi vakwe vose vasambazivagwa na vazimangukivagwa.

³⁷ Hanuma nawe mu nsiku zya kutonwa kodi wimilaga Yudasi Mugalilaya, na wagadaga mbuto ya vanhu vamulonde. Nawe wazimangukivagwa, na valondezi vakwe vasambazivagwa.

³⁸ Lelo ndimuwila inwe, Mwisundage ku vanhu venava, na muvaleke; kwisi ulu ndaka yeniyi ninga milimo yeniyi yilifuma ku vanhu yikuzimanguka.

³⁹ Alisi ulu yilifuma kumwa Mulungu, mukakovolile kuvazimangucha; muleke kuvi kitisi venava valimupinga Mulungu.

⁴⁰ Navo vamuzumilizaja; na vavitanaga vatume, na vavatulagulaga,. na vavalagilaga, valeke kutanizya mu lina

⁴¹ lyamwa Yesu, na vavalekulaga. Haho vafumaga mwivanza na kudeha; kunguno vasikile isima kuvengeleziwa kunguno ya lina lyakwe.

⁴² Navo vakazovile kuhembeka nsiku zyose mwisengelo na mu manumba na kutanizya mhola ya chelu kunguno yamwa Yesu Kristo.