Mateo 6 - Nyamwezi New Testament 1951

¹ Mwikomye, kuduhu muvezye milimo yinwe ya vugololoku hambele na vanhu, kigele muvonwe navo, kwisi ulu mulita syenisyo mukavile na vusyokeziwa hamwa Vava winwe homwene ali mwilunde.

² Ulu haho ulifumya kipanwa, ukafule ngʼo ipembe hambele naʼho, kitisi vagulumi valita mu masinagogo na mu mageta, kigele vakuziwe na vanhu; loleyene ndimuwila inwe, vamalile kupiwa vusyokeziwa wavo.

³ Alisi ulu ulifumya kipanwa, kukono kwa lumoso kuleke kumanicha

⁴ cheniki kwa mulila kulita, kigele kipanwa chako kive mu lwiviso, na Vava wako homwene alivona mu lwiviso akukusyokezya.

⁵ Ulu ulilomba, uleke kuvi kitisi vagulumi, kwisi valitogwa kulomba vimile mu masinagogo na ha maka zya nzila, kigele vigele hambele na vanhu; loleyene ndimuwila inwe, vamalile kupiwa vusyokeziwa wavo.

⁶ Alisi ulu veve ulilomba, wingile mu numba yako na ulugale muzigo gwako na umulombe Vava wako homwene ali mu lwiviso, na Vava wako homwene alivona mu lwiviso akukusyokezya.

⁷ Alisi ulu mulilomba, muleke kuyombagila kitisi vapagani, kwisi valiganika ati vakudegelekwa kunguno ya mihayo yavo mingi.

⁸ Muleke kuvikola venavo, kwisi Vava winwe alimanicha cheniki mulikifunda aho mutali kulomba.

⁹ Haho mulombe giki: Vava wiswe hoveve uli mwilunde. Lina lyako lisondohiwe. Vutemi wako wize.

¹⁰ Kitisi veve watogwa, sisyo yikwile ku welelo, kitisi yakwila mwilunde.

¹¹ Kiliwa kiswe tulikifunda ha vupanga, utupage walelo.

¹² Na ututondolage iswe mamisango ga mavukenaguzi giswe, kitisi iswe twavatondolile venavo vatukenagulilaga.

¹³ Na ukatufile ngʼo iswe kuhumbikwa na kavi. Alisi utupizye mu kavi. Kwisi vutemi vuli wako na nguzu na lukumo kusika hanahana.

¹⁴ Kwisi ulu inwe mulivatondola vanhu mapuvyo gavo, Vava winwe homwene ali mwilunde akumutondola inwe savasava.

¹⁵ Alisi ulu inwe mukavile kuvatondola vanhu mapuvyo gavo, Vava winwe kumutondola inwe ngʼo mapuvyo ginwe.

¹⁶ Alisi ulu inwe mulifunga muleke kuyonzovala kitisi vagulumi, kwisi valisinihala vusyu wavo, kigele vavonwe na vanhu ati vafungile; loleyene ndimuwila

¹⁷ inwe, vamalile kupiwa vusyokeziwa wavo. Alisi ulu ulifunga, wivile maguta ku mutwe na wilugute, kwigela

¹⁸ ngʼo uvonwe na vanhu ati ufungile, sumbwa na Vava wako homwene ali mu lwiviso, na Vava wako homwene alivona mu lwiviso akukusyokezya.

¹⁹ Mukisavile ngʼo nsavo zya liwelelo henaho mafufuzi na mavukeleve gakuzilyaga, na henaho vasambo vakusimbaga, vuwiva.

²⁰ Alisi mwisavilage nsavo kwilunde kwenuko mafufuzi ninga mavukeleve gakazilyaga, na

²¹ kwenuko vasambo vakasimbaga na kwiva ngʼo. Kwisi kwenuko nsavo yako yiliko, kwenuko kwene moyo gwako gukuviko.

²² Tala ya muvili yili linso, ulu linso lyako lili ipanga, sanga muvili gwako gose gukwela.

²³ Alisi ulu linso lyako lili ivozu, sanga muvili gwako gose gukuvi na giti; ulu haho lumole holwene lulimo

²⁴ muwako luli giti, ii, vuhanya wa giti iyo! Kuduhu munhu alikovola kuvatumamila vaguku vavili, kwisi akumugaya umo na akumutogwa ungi, ninga akudimana na umo na akumuvengelezya ungi. Mukakovolile kumutumamila Mulungu na Nsavo.

²⁵ Kunguno yeniyi ndimuwila inwe, muleke kwisusuma kunguno ya vupanga winwe ati, mukulyaki ninga mukunwaki, ninga ngʼo kunguno ya muvili gwinwe ati, mukuzwalaki. Kinahe, vupanga, vukakilile chakulya,

²⁶ na muvili gukakilile fizwalo? Mugikomaje manoni gʼilunde, kitisi gakavile kuviva, ninga ngʼo kwimbula, ninga ngʼo kupona mu nhungugu, alisi Vava winwe wa mwilunde aligalisya genaya. Kinahe, inwe mukavile

²⁷ na mupango kukila genaya? Nani mugati ninwe alikovola kwiyongezya ninga katungo kado ku myaka

²⁸ yakwe nulu alisusuma? Kungunoki mulisusuma kunguno ya fizwalo? Mugikomaje mavulavu ga mumigunda isi galikula, gakavile kutumama ninga ngʼo kuditya.

²⁹ Alisi ndimuwila inwe ati, ninga Salomo mu lukumo lwakwe lose akazwikilwe kitisi limo lya genayo.

³⁰ Alisi ulu Mulungu aligazwika sisyo maswa ga mumakela hogene galiho lelo na igolo galitagilwa ha kipembo, kinahe akuleka kumuzwika inwe munogwene, inwe

³¹ vʼisanizyo ido? Muleke kwisusuma na kuyomba:

³² tulyeki ninga tunweki ninga tuzwaleki? Kwisi genaya gose vapagani vakugakovaga, alisi Vava winwe wa mwilunde alimanicha ati muligafunda gose genaya.

³³ Alisi mukovage hambele vutemi wa Mulungu na vugololoku wakwe, na genaya gose gakongeziwa kuwinwe.

³⁴ Sisyo muleke kwisusuma kunguno yʼigolo, kwisi lusiku lwʼigolo lukuvi na myanya yalo. Kila lusiku luli na myanya ya kulukwilila.