Marko 9 - Nyamwezi New Testament 1951

¹ Na wavawilaga, Yalole ndimuwila inwe ati, mugati na venavo vimile henaha valiho vamo hovene kululavuzya ngʼo lufu kusika vakuvuvona vutemi wa Mulungu vuliza mu nguzu.

² Na hanuma na nsiku mkaga Yesu wavajanaga Petro na Yakobo na Yohana na walinaga navo vinene ku lugulu luhanya, na wapilukaga musimo hambele navo.

³ Na myenda yakwe yelaga pe muno, kukila mukanzi wa ku liwelelo alikovola kuyezya.

⁴ Na Elia na Mose vigelaga kuwavo valiyomba na Yesu.

⁵ Na Petro wayombaga, umuwila Yesu, Muhembeki, yilivela muno iswe tuliho henaha; tuzenge nhambi idatu, yimo kuwako,

⁶ yimo kumwa Mose, na yimo kumwa Elia; kwisi wavagi akamanikizye icho aliyomba, kwisi vogohaga munogwene.

⁷ Na ilunde lyavagiho lilivakinganizya, na muzwi gwafumaga kwilunde, Homwenuyu ali Mwana

⁸ wane, Mutoneke, mumwigwe mwenuyu! Na itungo lili aho vikevangizaja, vakamuwine ungi hamohene navo, sumbwa Yesu inene.

⁹ Na aho vavagi valitelemuka ku lugulu wavagizaja vakamuwile ngʼo munhu genaya vagavonaga, sumbwa ulu Mwana wa Munhu wahembukile ku lufu.

¹⁰ Na vagudimaga muhayo ugu na vivuzaja hamohene, Nguno ya

¹¹ kuhembuka ku lufu yili kinahe? Na vamuvuzaja, vuhaya, Vamanicha fitabu valiyomba ati Elia kolaga ize hambele.

¹² Alisi uyu wavawilaga, Ndiyo, Elia alize hambele kuvezelezya yose hangi; na yitonilweki kunguno ya Mwana wa Munhu ati, akudukiwa muno na

¹³ akuvengeleziwa? Alisi ndimuwila inwe ati Elia wamalaga kwiza, na vamwitilaga kitisi vakovaga, kitisi yatonwa kunguno yakwe.

¹⁴ Na aho vafikaga ku vahemba vavonaga mbuto ya vanhu yilivapilima na vamanicha fitabu valiwiyanilizya navo.

¹⁵ Na itungo lili aho vamuvonaga, vose vagengemalaga na vapelelaga kuwakwe kukamugisya.

¹⁶ Na uyu wavavuzaja, Muliyomba navo mihayo ki?

¹⁷ Na umo mugati na mbuto wamwitavukaga, Muhembeki,

¹⁸ namuletaga mwana wane kuwako, ali nago mugavo gwa kameme, na kose uko gulimudima gumusulungutya na ufumya ifulo na usya mino, na muvili gunogoleka; nane nayombaga na vahemba vako vagufumye, alisi vilagwa.

¹⁹ Nawe wavitavukaga, uhaya, Ee, vuvyalwa wʼivengwe, kusika nanali nkuviho hawinwe? Nilambilizye ninwe kusika nanali? Mumulete hawane.

²⁰ Na vamuletaga kuwakwe, na aho wamuvonaga, mugavo gwamukwanagulaga, wagwaga hasi na wasulungutaga, alifumya ifulo.

²¹ Na wamuvuzaja ise, Vukumbu nanali wavagi syenisi? Nawe wayombaga,

²² Vukumbu vuyanda wakwe, na kingi gwamugwisaja mu moto na mu minzi, kigele gumuzimanguche; alisi ulu ulikovola utuvonele kisa na utugwasye.

²³ Alisi Yesu wamuwilaga, Ulu ulikovola! Gose galikovolwa ku mwenuyu alisanizya.

²⁴ Na itungo lili ise wa mwana walilaga, wahaya, Ndisanizya, ungwasye kwivengwe

²⁵ lyane! Alisi aho Yesu wavonaga mbuto nhanya yilegela bihi, waguhilimilaga mugavo gwa zoma, waguwilaga, Veve mugavo kameme na mukiva matwi, ndikulagila ufume muwakwe na ukamwingile ngʼo hangi!

²⁶ Na gwalilaga na gwamusulungutaja muno na gwamufumaga, na uyu wavagi kitisi mufu, syenisyo vingi vayombaga ati wafwa. Alisi Yesu wakudimaga kukono

²⁷ kwakwe na wamuvukaja, nawe wavukaga. Na aho wingilaga mu numba vahemba vakwe vamuvuzaja

²⁸ kumhelo, Kuki iswe twali tukakovolile kugufumya?

²⁹ Na wavawilaga, Mutindo ugu gukavile kufuma nzila yingi, sumbwa mugati na kulomba.

³⁰ Na vafumaga kwenuko na vavitaga mu Galilaya, nawe akatogilwe vanhu vamaniche.

³¹ Kwisi wavagi alivahembeka vahemba vakwe na wavawila, Mwana wa Munhu akupanwa mu makono ga vanhu, na vakumuvulaga, na hanuma na kuvulagwa akuhembuka hanuma na nsiku idatu.

³² Alisi ava vavagi vakagumanikizye muhayo ugu na vogohaga kumuvuzya. Na vafikaga mu Kapernaumu.

³³ Na aho wavagi mu

³⁴ numba wavavuzaja, Mwitozaja muhayo ki hamohene mu nzila? Alisi ava vahulikaga sele, kwisi valivitozaja

³⁵ mu nzila, nani ali muhanya? Na aho wikalaga wavitanaga ava ikumi na vavili na alivawila, Ulu umo alikova kuvi wa mbele, ave wa mhelo ku vose na mukumba wa vose.

³⁶ Na wasolaga kayanda na wakimikaga hagati navo, wakakumbataga na wavawila, Homwene

³⁷ alimwanukula umo wa vana venava kunguno ya lina lyane, alinanukula nene; na homwene alinanukula nene, akananukulile nene, sumbwa uyu wantumizaja nene.

³⁸ Yohana wamuwilaga, Muhembeki, twamuvonaga umo aliyifumya migavo mu lina lyako, homwene akavile

³⁹ kutulonda iswe, na twamuhangilizaja kunguno akatulondile. Alisi Yesu wayombaga, Mukamuhangilizye ngʼo, kwisi kuduhu munhu, homwene alivezya mugaka mu lina lyane, alivela mwitungo lyenili lyene kumbengelezya nene.

⁴⁰ Kwisi homwene akavile mukandi wiswe ali hamohene niswe.

⁴¹ Kwisi homwene alimunwesya inwe na lukulu lwa minzi mu lina lyane kunguno inwe muli vamwa Kristo, mwenuyo kugayiwa ngʼo kalumbilo kakwe.

⁴² Na homwene akumuvonya umo na atagilwe mu nyanza.

⁴³ Na ulu kukono kwako kulikuvonya, ukubute, yilikuvelela kwingila mu vuzuvuku ulemalile kukila kuvi na makono avili na kwingila

⁴⁴ mugati na hakuzimila, mu moto gukazimaga, uko isimi lyago likafwaga na moto gukazimaga.

⁴⁵ Na ulu kugulu kwako kulikuvonya, ukubute, yilikuvelela kwingila mu vuzuvuku ulemalile kukila kuvi na magulu

⁴⁶ avili na kutagilwa mu moto, uko isimi likafwaga na moto gukazimaga.

⁴⁷ Na ulu linso lyako lilikuvonya, ulifumye, yilikuvelela kwingila mu vutemi wa Mulungu uli na nsongo kukila kuvi na minso avili na kutagilwa

⁴⁸ mu moto, uko isimi likafwaga na moto gukazimaga. Kwisi kila munhu akuvilwa munyu gwa moto.

⁴⁹ Munu guli musoga, alulu munyu gwasukile mukuguvezelezya

⁵⁰ naki? Muve na munyu muwinwe venekili na mwikale na kuhola hamohene.