Marko 8 - Nyamwezi New Testament 1951

¹ Mu nsiku zyenizyo hangi mbuto nhanya ya vanhu yavagiho, navo vavagi vakavile na chakulya. Yesu

² wavitanaga vahemba vakwe na wavawila, Ndi na lusungu ku mbuto ya vanhu, kunguno lelo lusiku lwa

³ vudatu validila hawane na vakavile na chakulya, na. ulu ndivadahya vaje ku manumba gavo vakalile vakunanuka mu nzila, kwisi vamo mugati navo vafumile kule.

⁴ Na vahemba vakwe vamwitavukaga, Lumehoki munhu akovole henaha mwibalangu kuvigutya ava na

⁵ chakulya? Na wavavuzaja, Mikate zinga muli nazyo?

⁶ Navo wayombaga, Mpungati. Na walagilaga mbuto ya vanhu vikale hasi, na wazisolaga mikate, walumbilaga, wazimegulaga na wavapaga vahemba vakwe, kigele vavavoneche, na vavavonekaja mbuto ya vanhu.

⁷ Na vavagi nago masomba mado, na aho wagadosaja luvango vavavonekaja genaya savasava.

⁸ Na valyaga na vigutaga, na vagasolelaga matala mpungati ku matonge gasigalile.

⁹ Na avo vavagiho luvalo lwavo

¹⁰ bihi na fihumbi finne, na wavadahaja. Na itungo lili wingilaga mu wato na vahemba vakwe na wafikaga mwigunguli lya Dalmanuta.

¹¹ Na Vafarisayo vafumaga na vavukizaja kumwanilizya

¹² valikova mugaka kufuma kwilunde, vamugeme. Na wikaja myuye, wahaya, Kuki vuvyalwa wenuvu vulikova mugaka? Loleyene ndimuwila inwe, Vuvyalwa

¹³ wenuvu kupiwa ngʼo mugaka. Na wavalekaga, wingilaga hangi mu wato, wavukaga kumwambu.

¹⁴ Na valivalavilaga kujana mikate, na mu wato vavagi nago mukate gumo duhu.

¹⁵ Na wavahanaga, uhaya, Lolagi, mwikomaje hambele na itumbyo lya Vafarisayo na itumbyo lyamwa Herode.

¹⁶ Na vitozaja hamohene: kunguno tukasolile mikate.

¹⁷ Na uyu wamanikaja na alivawila, Kuki muliwitozya kunguno mukavile na mikate? Mutali kwigwa ninga kumanicha? Mutali muliyilendelezya myoyo yinwe? Muli nago minso na

¹⁸ mukavile kuvona? Muli nago matwi na mukavile

¹⁹ kwigwa? Mukizukilile aho nazimegulaga mikate itano ku vanhu fihumbi fitano mwagasolelaga matala ganga

²⁰ gokalile matonge? Valimuwila, Ikumi na avili. Na hangi izi mpungati ku vanhu fihumbi finne mwagasolelaga matala ganga gokalile matonge? Na vayombaga,

²¹ Mpungati. Na wavawilaga, Kinahe, mutali kumanicha? Na vafikaga mu Betsaida.

²² Na vamuletelaga muhofu

²³ na vamulombaga, amukumye. Na wakudimaga kukono kwa muhofu na wamutongelaga hanze na kaya, na aho wamutugilaga ku minso gakwe, wamutulilaga

²⁴ makono na wamuvuzaja, ulu alivona kinhu. Na uyu walangamilaga na wayombaga, Ndivona vanhu valikola miti,

²⁵ valiyumba. Haho wamukumbatilaga hangi minso gakwe, na uyu wikomekezaja muno, na minso gapilaga na wagavonaga gose sisoga vuliko.

²⁶ Na wamudahaja aje ku numba yakwe na wayombaga, Kuduhu wingile mu kaya.

²⁷ Na Yesu na vahemba vakwe vafumaga kuja ku makaya ga Kesaria Filipo, na mu nzila wavavuzaja vahemba vakwe, Vanhu valiyomba nene ndi nani?

²⁸ Navo vamuwilaga, vuhaya, Yohana Moja, na vangi,

²⁹ Elia, alisi vangi, Umo wa vafumbuzi. Na uyu wavavuzaja, Alisi inwe muliyomba nene ndi nani? Petro

³⁰ witavukaga wamuwila, Hoveve uli Kristo. Na wavagizaja, vakamuwile ninga munhu umo ngʼo kunguno yakwe.

³¹ Na wavukizaja kuvahembeka ati Mwana wa Munhu akudukiwa muno na akukanwa na vanamhala na vahozya vahanya na vamanicha fitabu, na akuvulagwa, na hanuma na nsiku idatu akuhembuka.

³² Na waguyombaga muhayo ugu hambele na vose. Na Petro wamusundaga heke kumhelo na wavukizaja kumudakila.

³³ Alisi uyu wikevelaga, na aho wavalolaga vahemba vakwe wamudakilaga Petro, uhaya, Syoka kunuma yane Shetani, kwisi veve ukalomile genaya

³⁴ gamwa Mulungu, sumbwa genaya ga vanhu. Na wavitanaga mbuto ya vanhu hamohene na vahemba vakwe na wavawilaga, Homwene alikova kundonda nene ikanye mwenekili, na aguvagale musigiti gwakwe na andonde nene.

³⁵ Kwisi homwene alikova kuyipizya myuye yakwe akuyizimizya, alisi homwene akuyizimizya myuye yakwe kunguno yane na kunguno ya Mhola ya Chelu akuyipizya.

³⁶ Kwisi yikumuvelelaki munhu, ulu akuligada liwelelo lyose na kuyizimizya myuye yakwe?

³⁷ Ninga munhu akufumyaki kuyikomola myuye yakwe?

³⁸ Kwisi homwene ali na nsoni kunguno yane na mihayo yane mugati na vuvyalwa wenuvu wa vusihya na wa vukenaguzi, ha mwenuyu Mwana wa munhu mwene akuvi na nsoni, aho izile mu lukumo lwamwa Vava wakwe hamohene na vamalaika vasondo.