Marko 7 - Nyamwezi New Testament 1951

¹ Na vivilingaga hawakwe Vafarisayo na vamo vamanicha fitabu hovene vafumaga ku Yerusalema.

² Na vavonaga vamo va vahemba vakwe valyaga chakulya na makono gilavulile, nguno: makono gakikalavile.

³ Kwisi Vafarisayo na Vayahudi vose vakalyaga vuduhu kwikalava muno makono, na sisyo valifimazya fitilwe fya vaguku, na ulu vafumile ku igulilo vakalyaga ulu vakogile hambele;

⁴ na galiho na gangi gene hogene vaganukulaga kugadima: kugusa fikombe, midumu na fiseme fya mukuvo.

⁵ Haho Vafarisayo na vamanicha fitabu vamuvuzya, Kuki vahemba yako

⁶ vakavile kusimiza mu fitilwe fya vaguku? Alisi wavawilaga; Yesaya wafumbulaga sisoga kwigulya ninwe vagulumi, kitisi yatonilwe, Va chalo cheniki valinkuzya na mulomo, Alisi myoyo yavo yili kule na nene.

⁷ Alisi valinkuvila cha gele, Kunguno valihembeka mavuhembeki hogene gali Mikumo ya vanhu duhu.

⁸ Inwe muliyileka mikumo ya Mulungu na mulifidima fitilwe fya vanhu.

⁹ Na alivawila na mansyente, Muliguleka sisoga mukumo gwa Mulungu kufidima fitilwe

¹⁰ finwe! Kwisi Mose wayombaga, Umukuzye nso na noko, na hangi, Homwene alimufusa ise ninga nina afwe lufu.

¹¹ Alisi inwe muliyomba, ulu munhu alimuwila ise ninga nina: icho ulikova kugwasiwa nane kili

¹² Korban (nguno: chavile kipanwa kumwa Mulungu) uyo mukamutavulilile kumuvezezya kinhu ise ninga

¹³ nina ngʼo; syenisyo muliguvulaga muhayo gwa Mulungu na fitilwe finwe mukwilekelaga; na mingi ga mutindo gwenugu muligavezya.

¹⁴ Na wayitanaga mbuto ya vanhu na wavawilaga, Inwe vose mundegeleke

¹⁵ na mumaniche! Kuduhu kinhu kili hanze na munhu kilimwingila kilikovola kumwilavuzya, sumbwa genaya galimufuma galimwilavuzya.

¹⁶ Munhu ali na matwi ga

¹⁷ kwigwa, adegeleke! Na aho wafumaga ha vanhu, wingilaga mu numba, vahemba vakwe vamuvuzaja kunguno ya mukolani gwenugu.

¹⁸ Na alivawila, Sisyo inwe vene mukavile na masala? Mukamanikizye ati icho cha hanze na kilimwingila munhu kikakovolile

¹⁹ kumwilavuzya, kunguno kikavile kwingila mu moyo, sumbwa mu nda duhu, na kilifumila kwibala. Mu kuyomba syenisyo Yesu wafigilulaga filiwa fyose.

²⁰ Alisi wayombaga, Hochene kilimufuma munhu kilimwilavuzya;

²¹ kwisi kufuma mugati, ku myoyo ya

²² vanhu galifumila miganiko mavi: vusengʼhya, wivi, vuvulagi, vusihya, ihuhu, kayaya, vuyengani, wivonya,

²³ kusyola, mafusano, myete, kabapula; mavi gose genaya galifumila mugati, na galimwilavuzya munhu. Alisi aho wavukaga kwenuko wafikaga mu chalo cha Tiro na Sidoni.

²⁴ Na aho wingilaga mu numba yimo wakovaga vanhu valeke kumanicha; alisi wavagi akakovolile kwivisa.

²⁵ Kwisi itungo lyenilo mukima, homwene mwanike wakwe wavagi na migavo ya zoma, wingilaga na wagwaga ha magulu gakwe.

²⁶ Na uyu mukima wavagi Mugriki, igongo lyakwe Musirofiniki. Na wamulombaga agufumye mugavo ku mwanike wakwe.

²⁷ Na uyu wamuwilaga, Uleke hambele vana vigute, kwisi yikavelile kukisola chakulya cha vana na kukiponezya ku mbwa.

²⁸ Alisi uyu witavukaga na wamuwilaga, Ahene Guku, alisi tuwa twene mu nhululi

²⁹ ya meza, tukulyaga tuvuvungili twa vana. Na wamuwilaga, Kunguno ya muhayo gwenugu jaga, mugavo

³⁰ gwamufumaga mwanike wako! Na wajaga ku numba yakwe na wamusangaga mwana alalile ku vulili wakwe na mugavo gwamufumile.

³¹ Na wafumaga hangi ku chalo cha Tiro na wavitaga mu Sidoni na wajaga ha nyanza ya Galilaya mugati na chalo cha Dekapoli.

³² Na vamuletelaga mukiva matwi nawe kameme, na vamulombaga atule kukono kwigulya nawe.

³³ Na wamusundaga inene kufuma mbuto ya vanhu, wingizaja mala gakwe mu matwi gakwe, watugaga mate na walukumaja nago lulimi lwakwe, walangamilaga kwilunde,

³⁴ wikaja myuye, wamuwila, Efata,

³⁵ nguno yayo: kivukaga. Na matwi gakwe gakivukaga, na itungo lili kata ka lulimi katungukaga, na wayombaga sisoga.

³⁶ Na wavalagilaga vakavawile ngʼo vanhu; alisi nulu wavalagilaga sisyo kingi, sisyo venava vayikumukaja kingi munogwene.

³⁷ Na vagengemalaga munogwene, vuyomba, Uyu wavezizye gose sisoga, alivezya vakiva matwi valigwa, navo va kameme valiyomba.