Marko 4 - Nyamwezi New Testament 1951

¹ Na mbuto nhanya munogwene ya vanhu vivilingaga hawakwe, syenisyo wingilaga mu wato na wikalaga muvo mu nyanza, na mbuto yose ya vanhu vavagiho ha nguka.

² Na wavahembekaga mingi mu mikolani na wavawilaga mu vuhembeki wakwe, Mudegeleke: Lolagi, muvivi wafumaga kuja kukaviva.

³ Na yakwilaga aho

⁴ wavagi aliviva, mbiyu zimo zyagwilaga ha nzila, na manoni gizaga na gazilyaga.

⁵ Na zingi zyagwilaga kwitale, uko zikavile na vulongo wingi, na kunguno zikavile na vulongo wingi zyamelaga itungo lili.

⁶ Na aho limi lyafumaga zyavavukaga, na kunguno zikavile na mizi zyanyalaga.

⁷ Na zingi zyagwilaga mu mingʼhwa, na mingʼhwa gakulaga na gazipinehezaja, na zikambizye fisumo.

⁸ Na zingi zyagwilaga mu vulongo vusoga na zyambaja fisumo, zyamelaga na zyakulaga na zyafyambaja fisumo kusika makumi adatu na makumi mkaga na igana.

⁹ Na wayombaga, Homwene ali na matwi ga kwigwa, adegeleke!

¹⁰ Na aho wavagi inene, venavo vavagi hawakwe hamohene na va ikumi na vavili vamuvuzaja nguno ya mukolani.

¹¹ Na wavawilaga, Inwe mwapivilwe kumanicha

¹² mbisila ya vutemi wa Mulungu, alisi ku venavo va hanze gose galiza mu mikolani, kigele kuvona vavone vuduhu kudulihanya, na kwigwa vigwe vuduhu kumanicha, kwigela ngʼo vapiluke moyo na vatondolwe mavukenaguzi.

¹³ Na wavawilaga, Inwe mukagumanikizye mukolani ugu, na lumehoki mukumanicha mikolani yose yeniyi?

¹⁴ Muvivi aliguviva muhayo. Alisi va hanzila vali venavo uko muhayo guliviwa, na ulu

¹⁵ vagwigilwe, itungo lili Shetani aliza na aligwinja muhayo hogwene gwavivilwe muwavo.

¹⁶ Na sisyo savasava Izyo zyavivilwe kwitale vali venavo, hovene ulu valigwigwa muhayo, valigwanukula itungo lili na kudeha,

¹⁷ kasinaga vakavile na mizi muwavo venekili, alisi valigudima itungo ido duhu; ulu musyolo ninga kupeziwa kuligela kunguno ya muhayo, haho itungo lili valigayilizya.

¹⁸ Na izyo zingi zyavivilwe mu mingʼhwa, vali

¹⁹ venavo hovene valigwigwa muhayo, alisi myanya ya liwelelo na vuyengani wa nsavo na wigomelwa wa genaya gangi galingila na galigupinehezya muhayo, na gulidila vuduhu fisumo.

²⁰ Na izyo zyavivilwe mu vulongo vusoga vali venavo valigwigwa muhayo na valigwanukula na valifyambya fisumo kusika makumi adatu na makumi mkaga na igana.

²¹ Na wavawilaga, Kinahe, tala yililetwa kigele yitulwe hansilili nʼisyelo ninga mu nhululi? Byo, sumbwa

²² muno yitulwe kwigulya nʼifiga. Kwisi haduhu kinhu chavisilwe, sumbwa kifumbulwe, ninga haduhu kinhu

²³ cha lwiviso, sumbwa kigele hambele na vose. Ulu umo ali na matwi ga kwigwa, adegeleke! Na wavawila,

²⁴ Mwikomaje genaya muligigwa! Na kipimo chenicho inwe mulipima, inwe vene mukupimwa nacho, na hangi mukongeziwa.

²⁵ Kwisi homwene ali nacho akupiwa, na homwene akavile nacho, icho ali nacho akupuziwa.

²⁶ Na wayombaga, Vutemi wa Mulungu vuli kitisi ulu

²⁷ munhu wavivaga mbiyu hasi, alilala havuziku, alivuka halimi; na mbiyu yilimela na yilikula, na akamanikizye isi yilimela na kukula.

²⁸ Nsi yilifyambya fisumo kuyo yenekili, hambele mumelo, haho lingala, haho ngano zikomelile mu mangala.

²⁹ Alisi ulu filiwa fyapile, haho alilitumizya imozyo, kwisi itungo lya kwimbula lyafikileho.

³⁰ Na wayombaga, Tuvukolanizye naki vutemi wa Mulungu, ninga tuvoleche mugati na mukolani ki?

³¹ Vuli kitisi mbiyu ya haradali hoyene, ulu yavivilwe mu

³² nsi, yili ndo kukila mbiyu zyose mu liwelelo, na ulu yavivilwe, yukula na yuvi nhanya kukila miti zyose zya makuvi, na yufulumya matambi mahanya, syenisyo manoni gʼilunde galikovola kwikala mu mudaka gwayo.

³³ Na mu mikolani mingi ya mutindo gwenugu wavawilaga avo muhayo kitisi vakovolaga kwigwa.

³⁴ Alisi akayombile navo vuduhu mikolani, alisi kumhelo wavalotolelaga vahemba vakwe gose.

³⁵ Na lusiku lwenulo aho limi lyalokaga alivawila, Tuvuke kumwambu.

³⁶ Na aho vavadahaja vanhu vamujanaga sisyo mu wato, na mawato gangi gavagiho hamohene nawe.

³⁷ Na muyaga muhanya gwavukaga, na mavimbi gavutulaga wato kusika wendaga kokala.

³⁸ Na uyu wavagi kunuma mu wato alalile tulo ha musago; na valimumisya na valimuwila, Muhembeki,

³⁹ gukavile muhayo kuwako ulu iswe tulizimila? Na aho wamisaja, waguhilimilaga muyaga na wayiwilaga nyanza, Hulikaga, uve sele! Na muyaga gwadekanaga na havagi sele vuliko.

⁴⁰ Na wavawilaga, Kuki muli

⁴¹ vova? Mukavile na luhigi na? Na vogohaga na kogoha kuhanya na vayombaga, Nani mwenuyu, kwisi muyaga na nyanza zilimudonhoka?