Marko 2 - Nyamwezi New Testament 1951

¹ Hanuma na nsiku zimo wingilaga hangi mu Kapernaumu, na vanhu vigagwa kitisi alimo mu numba.

² Na vanhu vingi vivilingaga, syenisyo hakwikala ninga

³ ha muzigo hadohaga, na uyu wavawilaga Muhayo. Na vizaga valimuletela mulema, avukivilwe na vagosya vanne.

⁴ Na aho vavagi vakakovolile kumuficha bihi nawe kunguno ya mbuto ya vanhu, vahasambulaga higulya na numba henaho uyu wavagiho; na aho vasambulaga vawikaja vulili uvo alalile mulema.

⁵ Na aho Yesu waluvonaga luhigi lwavo, wamuwilaga mulema,

⁶ Mwana, mavukenaguzi gako gatondolilwe. Na vavagiho vamanicha fitabu vamo, vavagi valikala na

⁷ valiganika mu myoyo yavo, Lumehoki uyu aliyomba sisyo? alifusa. Nani ali na vukovozi wa kutondola

⁸ mavukenaguzi, sumbwa umo: Mulungu? Na itungo lili Yesu wamanikaja mu roho yakwe kitisi viganikaga miganiko genaya, na alivawila, Kuki muliganika miganiko mu myoyo yinwe?

⁹ Muhayo ki mubuhu, kumuwila mulema, Mavukenaguzi gako gatondolilwe, ninga kumuwila, Uvuke na uvuche vulili wako na usimize?

¹⁰ Alisi kigele mumaniche ati Mwana wa Munhu ali na vukovozi mu liwelelo wa kugatondola mavukenaguzi,

¹¹ alimuwila mulema, Ndikuwila, uvuke, uvuche vulili wako na uje ku numba yako.

¹² Na wavukaga, na itungo lili wavuvukaja vulili wakwe na wafumaga hambele na vose, syenisyo vose vakumaja na vamugongolaga Mulungu vuhaya, Tutali kuvona mutindo gwenugu na hado ngʼo.

¹³ Na wafumaga na wajaga hangi ku nyanza, na mbuto yose ya vanhu vizaga kuwakwe, nawe wavahembekaga.

¹⁴ Na aho wavitaga, wamuvonaga Lefi, mwana Alfayo, ikalile hʼihongo, na alimuwila, Undonde! Nawe wavukaga na wamulondaga.

¹⁵ Na yakwilaga uyu wikalaga hakulila mu numba yakwe, na vʼihongo vingi na vakenaguzi vikalaga na Yesu na vahemba vakwe, kwisi vingi va mutindo gwenugu vamulondaga.

¹⁶ Na aho vamanicha fitabu na Vafarisayo vavonaga kitisi uyu alilya hamohene na vʼihongo na vakenaguzi, vavawilaga vahemba vakwe,

¹⁷ Uyu alilya hamohene na vʼihongo na vakenaguzi! Na aho Yesu wigagwa, uvawila, Vapanga vakafundile mufumu, sumbwa vasatu; nene nkizile kuvitana vagololoku, sumbwa vakenaguzi.

¹⁸ Na vahemba vamwa Yohana na Vafarisayo vavagi valifunga. Na valiza na valimuwila, Kunguno yaki vahemba vamwa Yohana na va Vafarisayo vakufungaga, alisi vahemba vako vakafungaga?

¹⁹ Na Yesu wavawilaga, Viye va mutozi valivela kufunga aho mutozi atali aliho hamohene navo? Itungo ilo vali nawe mutozi vakakovolile kufunga.

²⁰ Alisi nsiku zikwiza aho mutozi akwingiwa kuwavo, na haho valafunge lusiku lwenulo.

²¹ Kuduhu munhu alisumilizya chomolo cha mwenda mupya kwikama, ninga chomolo kipya chulitandula ikama, na idululu lyukula munogwene.

²² Na kuduhu munhu aliditila mvinyo mpya mu mbogolo ndala, ninga mvinyo yutandula mbogolo, na mvinyo yuseseka na mbogolo yuvipa; sumbwa validitila mvinyo mpya mu mbogolo mpya.

²³ Na yakwilaga aho uyu wavitaga mu mugunda ha lusiku lwa sabato, vahemba vakwe aho vavagi vajile vavukizaja kugakolola mangala.

²⁴ Na Vafarisayo vamuwilaga, Lolaga, venava valita yeniyi yili mwiko kwita ha lusiku lwa sabato.

²⁵ Na uyu wavawilaga, Inwe mukasomile yeniyo Davidi witaga, aho wadukaga

²⁶ na wavagi na nzala uyu na viye? Kitisi wingilaga mu numba ya Mulungu hʼitungo lya muhozya muhanya Abiyatala, na wazilyaga mikate zya kolecha hozyene mwiko kulya, sumbwa ku vahozya duhu, na viye vene

²⁷ wavapaga? Na wavawilaga, Sabato yiliho kunguno ya munhu, alisi ngʼo munhu kunguno ya sabato.

²⁸ Kunguno yeniyi Mwana wa Munhu ali Guku wa lusiku lwa sabato.