Marko 16 - Nyamwezi New Testament 1951

¹ Na aho sabato yavitaga, Maria Magdalena na Maria, nina wamwa Yakobo, na Salome vagulaga maguta ga

² mugazu, kigele vaje kukaguvila muvili gwakwe. Na ha lusiku lwa mbele hanuma na sabato vajaga ha

³ kivimbi, aho limi lyafumaga. Na vavagi valiyomba hamohene, Nani akutusindikila iwe kufuma ku muzigo

⁴ gwa kivimbi? Na aho valolaga valivona ati iwe

⁵ lyasindikilwe, kwisi lyavagi ihanya muno. Na aho vingilaga mu kivimbi vavonaga musumba ikalile ha

⁶ mulila azwalile mwenda gwa pe, na vakangagwa. Alisi uyu alivawila, Mukogohe ngʼo! Inwe mulimukova Yesu Munazareti homwene wakomelilwe; wahembukaga, akavileho henaha; lolagi henaho vavagi vamulalikizizye.

⁷ Na muje mukavawile vahemba vakwe na Petro ati alimutongela inwe kuja ku Galilaya, kwenuko mukumuvona kitisi wamuwilile inwe.

⁸ Na vafumaga na vapelaga kufuma ku kivimbi, kwisi kudetema na kukangwa kwavadimaga, na vakamuwilile ninga umo muhayo, kwisi vogohaga.

⁹ Alisi aho wahembukaga hʼikingilima ha lusiku lwa mbele hanuma na sabato, wigelaga hambele kumwa Maria Magdalena, homwene Yesu waliwazifumya muwakwe migavo mpungati.

¹⁰ Na uyu wajaga wakavapozezya avo vavage hamohene nawe, hovene vavagi valisaya na valilila.

¹¹ Alisi avo, aho vigagwa ati alizuvuka na wavonagwa na uyu vakasanizizye.

¹² Na hanuma na genaya wigelaga ku vavili mugati navo mu musimo gungi, aho vavagi valisimiza kuja mwihala.

¹³ Navo vene vajaga vakavapozezya vichavo, alisi navo vene vakavasanizizye.

¹⁴ Alisi wigelaga ku avo ikumi na umo vene aho vavagi valikala hakulila, na wavadakilaga kunguno ya ivengwe lyavo na vulendelezu wa myoyo yavo, kunguno vakavasanizizye avo hovene vamuvonaga hanuma na kuhembuka kwakwe.

¹⁵ Na wavawilaga, Muje mu liwelelo lyose mukayitanizye Mhola ya Chelu ku fitundwa fyose.

¹⁶ Homwene alisanizya na alogiwa akupiziwa, alisi homwene kusanizya ngʼo akutemwa kitanga.

¹⁷ Alisi malumeho genaya gakuvalonda avo valisanizya: Mu lina lyane vakuzifumya migavo, vakuyomba na

¹⁸ malulimi mapya, vakuzidima nzoka na makono, na ulu valinwa kinwiwa cha lufu, cheniki kuvagulazya ngʼo, vakuvatulila vasatu makono, navo vakupila.

¹⁹ Haho Guku, aho wamalaga kuyomba navo, wavukivagwa kwigulya kwilunde, na wikalaga ha mulila gwa Mulungu.

²⁰ Alisi avo vafumaga, vatanizaja hosehose, na Guku wavagi alitumama navo na aliyijamya Mhola na migaka hoyene yayilondaga.