Marko 15 - Nyamwezi New Testament 1951

¹ Na hʼikingilima vahozya vahanya vavezaja ndaka hamohene na vanamhala na vamanicha fitabu na vʼivanza lyose na vamutungaga Yesu, vamufilaga na vamutavulaga kumwa Pilato.

² Na Pilato wamuvuzaja, Hoveve uli mutemi wa Vayahudi? Na Yesu

³ wamwitavukaga na wamuwila, Veve uliyomba. Na vahozya vahanya vamuvulaga mihayo mingi.

⁴ Na Pilato wamuvuzaja hangi, Ukavile kwitavuka muhayo gumo ngʼo? Degelekaga genaya mingi valikuvula.

⁵ Alisi Yesu akitavukile ninga muhayo gumo ngʼo, syenisyo Pilato wakumaja.

⁶ Alisi ha sikukulu uyu akuvatungulilaga uyo mutungwa vamulombaga.

⁷ Na wavagiho umo, lina lyakwe Baraba, atungilwe hamohene na vagome hovene vavulagile mugati na vugome.

⁸ Na mbuto ya vanhu vifitaga valivukizya kumulomba avavezezye kitisi chavage kitilwe chakwe kuvezya.

⁹ Na Pilato wavitavukaga uyomba, Mulikova namutungulile inwe mutemi wa

¹⁰ Vayahudi? Kwisi wamanikaja ati vahozya vahanya vamutavulaga kwivuva.

¹¹ Alisi vahozya vahanya vayigomesaja mbuto ati sisoga avatungulile Baraba.

¹² Na Pilato witavukaga hangi uvavuzya, Mulikova niteki na mwenuyu homwene mulimwitana mutemi wa Vayahudi?

¹³ Alisi vahamukaga hangi, Umukomele!

¹⁴ Alisi Pilato wavawilaga, Uyu witaga kavi ki? Navo vaha-mukaga munogwene,

¹⁵ Umukomele! Na kunguno Pilato wakovaga kuyitogezya mbuto wavatungulilaga Baraba; na hanuma na kumutula Yesu milanga, wamufumaja akomelwe.

¹⁶ Na valugaluga vamutongekaga mugati na ngomwa, wikalo wa valugaluga, na vayivilingaga mbuto yose ya valugaluga hamohene.

¹⁷ Na vamuzwikaga mwenda gwa za, na vayigovengʼhanaja ngata ya mingʼhwa na vamuzwikaga ku mutwe.

¹⁸ Na vavukizaja kumugisya, Tulikugisya veve mutemi wa Vayahudi!

¹⁹ Na vamutulaga ku mutwe na musununu, vamutugilaga, vamusukambilaga kumukuvila.

²⁰ Na aho vamalaga kumuyeya, vamuzulaga mwenda gwa za na vamuzwikaga hangi myenda yakwe. Na vamutongekaga hanze kumukomela ku musigiti.

²¹ Na vamukungilizaja umo homwene wavagi alivita, afumile mwihala, Simoni muna Kirene, ise wamwa

²² Aleksandro na Rufu, aguvuche musigiti gwakwe. Na vamufilaga henaho halitanwa Golgata, nguno yago: Hakapanga.

²³ Na vamupaga mvinyo yisangilizivilwe

²⁴ na manemane, alisi akanwile. Na vamukomelaga na vagavanaga myenda yakwe mu kwesa kavale kuvona uyo akusola guhe.

²⁵ Na yavagi saa tatu aho vamukomelaga.

²⁶ Vutone wa mbulano yakwe watonagwa higulya:

²⁷ Mutemi wa Vayahudi. Na vavakomelaga hamohene nawe vasambo vavili, umo ha mulila gwakwe, na umo ha lumoso lwakwe.

²⁸ Na muhayo hogwene gwatonwa gwafikilaga, Wasolozivilwe hamohene na vakenaguzi.

²⁹ Na avo valivita vamufusaga na vatinginaja mitwe zyavo, vuhaya, Ka! veve homwene alilibomola

³⁰ isengelo na ulilizenga mu nsiku idatu, wipizye veve mwenekili na usoke ku musigiti.

³¹ Na sisyo sisyene vahozya vahanya hamohene na vamanicha fitabu vamufusaga, vuhaya, Wavapizaja vangi, na akakovolile kwipizya mwenekili.

³² Uyu Kristo, mutemi wʼIsraeli, asoke ku musigiti lelo, kigele tuvone na tusanizye. Na venava vene vakomelilwe hamohene nawe vamuyeyaga.

³³ Na aho yavagi saa sita hilavulaga ku nsi yose kusika saa kenda.

³⁴ Na saa kenda Yesu wahamukaga na muzwi muhanya, Eloi, Eloi, lama sabaktani, nguno yayo: Mulungu wane, Mulungu wane, kuki wandekaga nene?

³⁵ Na vamo va venava vimile bihi vigagwa na vayombaga,

³⁶ Lekagi, tuvone ulu Elia akwiza kumusocha.

³⁷ Alisi Yesu wahamukaga na kilaka na wadahaja moyo.

³⁸ Na mukingo gwʼisengelo gwatandukaga mapande avili kufuma higulya kusika hasi.

³⁹ Na muteko, homwene imile ha welekela wakwe, aho wavonaga isi wadahaja moyo, wayombaga, Loleyene, munhu mwenuyu wavage Mwana wa Mulungu.

⁴⁰ Na vakima vene vavagi valilolela kufuma kule, mugati navo Maria Magdalena, na Maria, nina wamwa Yakobo Mudo na Yose, na Salome,

⁴¹ hovene, aho wavage mu Galilaya, vamulondage na vamuvonekaje, na vangi vene hovene valinaga nawe kusika ku Yerusalema.

⁴² Na limi lya mhindi, kunguno lwavagi lusiku lwa kwivezelezya,

⁴³ lusiku hambele ya sikukulu, wizaga Yosefu muna Arimatia, munachalo wʼisima wʼivanza, nawe mwene wavulindilaga vutemi wa Mulungu, wagimaga kwingila kumwa Pilato kukamulomba muvili gwamwa Yesu.

⁴⁴ Alisi Pilato wakumaja ati wamalaga kufwa, wamwitanaga muteko na wamuvuzaja ulu wafwaga kale.

⁴⁵ Na aho wigagwa ku muteko wamupaga Yosefu mulambo.

⁴⁶ Na uyu wagugulaga mwenda gwa pe, na wagusokaja muvili, na waguvimbilaga mu mwenda gwa pe, na wagutulaga mu kivimbi, hochene chadulilwe hʼitale, na walipilingitizaja iwe ha muzigo gwa kivimbi.

⁴⁷ Alisi Maria Magdalena, na Maria, nina wamwa Yose, vavagi valilolela henaho watulagwa.