Marko 13 - Nyamwezi New Testament 1951

¹ Na aho wafumaga kwisengelo umo wa vahemba vakwe wamuwila, Muhembeki, lolaga mawe genaya na

² vuzenguzi wenuvu! Na Yesu wamuwilaga, Veve uligavona mavuzenguzi mahanya genaya? Ninga iwe limo kulekwa ngʼo kwigulya na lingi holyene kuhomolwa ngʼo.

³ Na aho wikalaga ku Lugulu lwa Maguta ha welekela wʼisengelo, Petro na Yakobo na Yohana na Andrea vamuvuzaja kumhelo, Utuwile nanali genaya gakuviho,

⁴ na lukuviho lumeho ki ati genaya gose gadima kufikila?

⁵ Alisi Yesu wavukizaja kuvawila, Mulole, kuduhu umo amupuvye inwe!

⁶ Vingi vakwiza mu lina lyane valiyomba, Nene ndi uyu, na vakuvapuvya vingi.

⁷ Alisi ulu mukwigwa mavulugu na mhola zya mavulugu, mukakangwe ngʼo, kolaga genaya gakwile, alisi mhelo yitali.

⁸ Kwisi va chalo kimo vakuvagomela va chalo kingi, na vutemi vumo ku vutemi vungi, na manyamuditimya gakuviho uko na uko, na gakuviho matungo ga nzala. Genaya gali mbuki ya mavusatu.

⁹ Alisi mwikomaje inwe venekili, vakumutongeka inwe hʼivanza na mukutulagulwa mu masinagogo, na mukutongekwa hambele na vanachalo na vatemi kunguno yane kuvi vusangilwaho kuwavo.

¹⁰ Alisi hambele Mhola ya Chelu yitaniziwe ku va machalo gose.

¹¹ Na ulu valimutongeka kumufumya inwe, mukisusume ngʼo hambele na genaya inwe mulayombe, sumbwa genaya mukupiwa mwitungo lyenilo, genaya inwe muyombe, kwisi inwe mulaleke

¹² kuvi vayombi, sumbwa Roho Nsondo. Na mudugu akumufumya muduguye, kigele avulagwe, na ise mwana wakwe, na vana vakuvagomela vavyazi vavo

¹³ na kuvafila, vavulagwe. Na inwe mukugaywa na vose kunguno ya lina lyane, alisi homwene alijama kusika mhelo akupiziwa.

¹⁴ Na ulu mulilivona Ivipyo Ivi lilimila henaho mwiko kwima (mwenuyu alisoma ikomye), haho venava vali

¹⁵ mu Uyahudi vapelele ku malugulu, na homwene ali ku numba higulya aleke kwika ninga aleke kwingila kusola

¹⁶ kinhu mu numba yakwe; na homwene ali ku mugunda aleke kusyoka kusola mwenda gwakwe.

¹⁷ Alisi musyolo muhanya ku venavo vali na mwitungo na valongʼhya mu nsiku zyenizyo.

¹⁸ Alisi mulombage kwigela

¹⁹ ngʼo genaya gakwile mwitungo lya mbeho. Kwisi nsiku zyenizyo zikuvi misyolo, hozyene zyavagi zikavileho vukumbu ha mbuki ya vutundi wa Mulungu

²⁰ kusika lelo, na kuviho ngʼo hangi syenisyo. Na ulu mbe Guku akazidohizye nsiku, mbe kuduhu umo wa kupiziwa; alisi kunguno ya vasogolwa, hovene wavasogolaga, wazidohaja nsiku.

²¹ Na haho ulu umo alimuwila inwe, Lolaga, henaha aliho Kristo, ninga: Kwenuko,

²² mukasanizye ngʼo. Kwisi Makristo ga vulamba na vafumbuzi va vulamba vakuvuka na vakuvezya malumeho na migaka kigele, ulu yakovolwa, vavapuvye venavo vasogolilwe.

²³ Alisi inwe muve minso! Nene namufumbulilaga gose hambele.

²⁴ Alisi mu nsiku zyenizyo hanuma na misyolo zyenizi limi likwilavula na mwezi kufumya ngʼo mwanga gwago,

²⁵ na masonda gakugwa kufuma kwilunde na nguzu zya ilunde zikutinginiwa.

²⁶ Na haho vakumuvona Mwana wa Munhu aliza mu malunde na nguzu nhanya na lukumo.

²⁷ Na haho akuvatumizya vamalaika kuvavilinga vasogolwa ku malwande anne, kufuma mhelo ya liwelelo kusika mhelo yʼilunde.

²⁸ Alisi ha mukuyu muhembekwe mukolani; ulu itambi lyago lyakondaga na lilifulumya madutu, mulimanicha ati itungo lya nembo lili bihi.

²⁹ Sisyo ninwe, ulu mulivona kitisi genaya gose galikwila, mumaniche ati ali bihi ha muzigo.

³⁰ Loleyene ndimuwila inwe, Vuvyalwa wenuvu kusila ngʼo kusika gose genaya galikwila.

³¹ Ilunde na liwelelo gakuzimanguka, alisi mihayo yane

³² kuzimanguka ngʼo. Alisi kunguno ya lusiku lwenulo, ninga itungo, kuduhu umo alimanicha ninga ngʼo vamalaika mwilunde ninga ngʼo Mwana, sumbwa Vava inene.

³³ Mwikomaje na mudile minso! Kwisi mukalimanikizye itungo lyenilo.

³⁴ Yili kitisi munhu wa lugendo wayilekaga numba yakwe na wavapaga vakumba vakwe vukovozi, uyo na mulimo gwakwe, na wamulagilaga kasika lufungulo adile minso.

³⁵ Sisyo mudile minso, kwisi mukamanikizye nanali Guku wa numba alize, ninga handiyu, ninga vuziku hagati,

³⁶ ninga ulu ngoko zilihila, ninga handiyu, kwigela ngʼo ulu aliza wanguwangu amusange mulalile.

³⁷ Alisi genaya ndimuwila inwe, ndivawila vose, Mudile minso!