Marko 11 - Nyamwezi New Testament 1951

¹ na Betania ha Lugulu lwa Maguta, alivatongezya vavili

² va vahemba vakwe na alivawila, Muje ku kakaya kali ha welekela winwe, na ulu mwingila mwenumo mukuyivona mpunda ndogosa yitungilwe, yitali kudamilwa

³ na munhu, muyitungule na muyilete. Na ulu umo alimuwila, Kuki mulita sisyo? Haho muyombe, Guku aliyifunda na akuyisyocha henaha itungo lili.

⁴ Na vajaga na vayivonaga mpunda ndogosa yitungilwe hanze na muzigo gumbati ha nzila, na vayitungulaga.

⁵ Na vamo va venava vimile henaho vavawilaga, Mulitaki kuyitungula mpunda ndogosa?

⁶ Alisi ava vavawilaga kitisi Yesu wayombile, na vavatavulilaga.

⁷ Na vayiletaga mpunda ndogosa kumwa Yesu, na vazyanzaga myenda zyavo kwigulya nayo, na uyu wayidamilaga.

⁸ Na vingi vazyanzaga myenda zyavo mu nzila, alisi vangi vaganzaga matambi mu nzila vagabutile mu migunda.

⁹ Na avo vatongelile na avo valondile vahamukaga,

¹⁰ Hosana, adosiwe luvango homwene aliza mu lina lya Guku; vudosiwe luvango vutemi vulakiza wamwa vava wiswe Davidi! Hosana kusika kwigulya!

¹¹ Na wingilaga mu Yerusalema na mwisengelo lya Mulungu; na aho wamalaga kugalola gose na kunguno limi lyaloka, wafumaga kuja ku Betania hamohene na va ikumi na vavili.

¹² Na hawangaluke aho vafumaga ku Betania wavagi na nzala.

¹³ Na aho waguvonaga mukuyu kufuma kule hogwene gwavagi na madutu, wajaga avone ulu kisumo kiliko kugo. Na aho wafikaga akakiwine kinhu sumbwa madutu duhu, kwisi lyavagi likavile itungo lya makuyu.

¹⁴ Na haho wayomba, uguwila, Kusika hanahana kuduhu munhu alye hangi kisumo kuwako. Na vahemba vakwe vayigagwa.

¹⁵ Na vafikaga mu Yerusalema. Na wingilaga mwisengelo lya Mulungu na wavukizaja kuvapezya vaguzya na vaguzi mwisengelo, na wazikunulaga. meza zya vabadila mapesa na masumbi ga

¹⁶ vaguzya nhunda, na akazumizye umo afisombe fiseme afivitye mwisengelo.

¹⁷ Na wahembekaga na wavawilaga, Kinahe, yikatonilwe ati numba yane yikwitanwa

¹⁸ numba ya kulomba ku va machalo gose! Alisi inwe mwayivezizye ipilinga lya vasambo. Na vahozya vahanya na vamanicha fitabu vayigagwa na valomaga lumehoki vamuzimizye, kwisi vogohaga kunguno mbuto ya vanhu vavukumaja vuhembeki wakwe.

¹⁹ Na hanahana ulu limi lyaloka, wafumage mu kaya.

²⁰ Na handiyu aho vavagi valivita, vaguvonaga mukuyu gwanyalile kufuma ha mizi.

²¹ Na Petro wizukilaga na alimuwila, Muhembeki, lolaga, mukuyu ugu wagufwizilile gwanyalile.

²² Na Yesu witavukaga, uvawila,

²³ Muve na isanizyo kumwa Mulungu! Loleyene, ndimuwila inwe, Homwene akuluwila lugulu lwenulu, Vukaga na wiponezye mu nyanza, vuduhu kususinhanya mu moyo gwakwe alisi alisanizya ati, genaya aliyomba gakukwila,

²⁴ genaya gakumukwilila uyo. Kunguno yeniyi ndimuwila inwe, Gose genaya muligalomba na muligongela musanizye ati mukuganukula, na gakumukwilila inwe.

²⁵ Na ulu mwimile mu kulomba, ulu muli na muhayo kwigulya na umo, mumutondole kigele Vava winwe mwilunde amutondole mapuvyo ginwe.

²⁶ Alisi ulu inwe kutondola ngʼo, Vava winwe mwilunde kumutondola ngʼo mapuvyo ginwe. Na vafikaga hangi mu Yerusalema.

²⁷ Na aho wavagi aliyumbayumba mwisengelo lya Mulungu, vahozya vahanya na vamanicha fitabu na vanamhala vizaga

²⁸ kuwakwe, vumuwila, Ku vukovozi ki ulita genaya? Ninga nani wakupaga vukovozi wenuvu wa kwita

²⁹ genaya? Yesu wavawilaga, Nkumuvuzya inwe muhayo gumo, haho munitavuke, nane nkumuwila ku vukovozi ki ndita genaya.

³⁰ Kogiwa kwamwa Yohana kwafumile kwilunde ninga ku vanhu? Munitavuke!

³¹ Na vikomaja hamohene na vayombaga, Ulu tuliyomba, Kufuma kwilunde, haho akuyomba, Kuki haho mukamusanizizye?

³² Ulu tukuyomba, Kufuma ku vanhu— vavogohaga vanhu, kwisi vose vamulolaga Yohana ati wavage mufumbuzi loleyene.

³³ Na vamwitavukaga Yesu, vuyomba, Tukamanikizye. Na Yesu alivawila, Syenisyo nene mwene kumuwila inwe ngʼo na vukovozi ki ndita genaya.