Lukasi 22 - Nyamwezi New Testament 1951

¹ Na sikukulu ya mikate zikatumbile, hoyene yilitanwa

² Pasaka, yegelaga bihi. Na vahozya vahanya na vamanicha fitabu vakovaga nzila ya kumuvulaga, kwisi vavagi valivogoha vanhu.

³ Alisi Shetani wamwingilaga Yudasi, homwene alitanwa Iskariote,

⁴ homwene wavagi mu luvalo lwa avo ikumi na vavili, na wajaga kuyomba na vahozya vahanya na vatwale, amufumye kuwavo mu nzila ki.

⁵ Navo vadehaga na valinganilaga kumupa mapesa,

⁶ nawe wazumaja na wakovaga itungo isoga lya kumufumya kuwavo vuduhu kumanicha vanhu.

⁷ Na lusiku lwa mikate zikatumbile lwafikaga, ulo lwa kukasika kadilana ka Pasaka, na Yesu wavatumizaja

⁸ Petro na Yohana, uhaya, Muje na mukatuvezezye

⁹ Pasaka, kigele tulye. Navo vamuwilaga, Ulikova

¹⁰ tuyivezezye kuhe? Na uyu wavawilaga, Lolagi, ulu mulingila mukaya munhu akusanja ninwe avukizye muzoga gwa minzi, mumulonde mu numba umo alingila,,

¹¹ na mumuwile mwene numba, Muhembeki alivuzya, Kuhe chumba cha kupanga umo nalye Pasaka na vahemba vane?

¹² Na uyu akumolecha chumba kihanya cha higulya chavezelezivilwe, mwenumo muyivezye.

¹³ Na vajaga vavonaga kitisi wavawilaga; na vavezaja Pasaka. Na aho itungo lyafikaga wikalaga hakulila hamohene na vahemba vakwe.

¹⁴ Na wavawilaga, Natamanilagwa

¹⁵ muno kulya Pasaka yeniyi hamohene ninwe aho ntali kuduka;

¹⁶ kwisi ndimuwila inwe ati, nene kulya ngʼo yeniyi hangi kusika yikumaliziwa mu vutemi wa Mulungu.

¹⁷ Na wakisolaga kineneko, walumbilaga uhaya, Solagi cheniki na mukigavanye mugati ninwe;

¹⁸ kwisi ndimuwila inwe ati, vukumbu na lelo nene kunwa ngʼo hangi ku fisumo fya mizabibu kusika vutemi wa Mulungu vuliza.

¹⁹ Na wagusolaga mukate, walumbilaga, wagumegulaga na wavapaga, uhaya, Gwenugu guli muvili gwane hogwene gulipanwa kuwinwe; mwite yeniyi kunizukila nene.

²⁰ Na sisyo savasava wakisolaga kineneko hanuma na kivembo, uhaya, Kineneko cheniki kili kuswana kupya kunguno ya magazi gane hogene galizwikiwa kuwinwe.

²¹ Na lolagi, kukono kwa mwenuyu alingamba kuli hamohene nane aha hakulila.

²² Mwana wa Munhu, ahene, alija nzila yakwe kitisi yalomagwa, alisi musyolo ku mwenuyu alifumiwa nawe.

²³ Na vavukizaja kwitozya hamohene, imba nani mugati navo homwene akuvezya yeniyi.

²⁴ Na lwanilo lwene lwavukaga mugati navo, imba nani mugati navo ali muhanya.

²⁵ Alisi uyu wavawilaga, Vatemi va mafyalo valivatema, na avo vali na vukovozi valitanwa Vavezya.

²⁶ Alisi mugati ninwe yikavile sisyo, sumbwa uyu ali muhanya mugati ninwe ave kitisi mudo, na kilongozi ave kitisi mukumba.

²⁷ Kwisi nani ali muhanya, uyu alikala hakulila, ninga uyo alitumama? Kinahe, akavile uyo alikala hakulila? Alisi nene ndi mugati ninwe kitisi uyo alitumama.

²⁸ Inwe muli venava hovene mwajama hamohene nane mu magemelo gane.

²⁹ Na ndivalaganya inwe vutemi, kitisi Vava wandaganaja nene, kigele mulye na munwe

³⁰ hakulila hawane mu vutemi wane, na mwikale ku masumbi kuvayangula va magongo ikumi na avili ga Israeli.

³¹ Simoni, Simoni, lolaga, Shetani wamukovaga inwe amusenseve kitisi ngano.

³² Alisi nakulombelaga, kwigela ngʼo luhigi lwako luzimile. Na veve, ulu wamalaga kupiluka moyo,

³³ uvajamilizye vaduguyo. Alisi uyu wamuwilaga, Guku, nene ndi tayari kwingila mu

³⁴ jela na mu lufu hamohene naʼho! Uyu wayombaga, Ndikuwila veve Petro, ikungulume kuhila ngʼo lelo kusika veve wakanaga kadatu ati, ukanimanikizye nene.

³⁵ Na wavawilaga, Aho namutumizaja inwe vuduhu mufuko ninga ngʼo gwa mapesa na vuduhu filatu,

³⁶ mwagayivagwa kinhu? Navo vayombaga, Ninga ngʼo kinhu kimo. Na wavawilaga, Alisi lelo homwene ali nago mufuko gwa mapesa ninga gwa lugendo agujane, na homwene akavile nago aguguzye mwenda gwakwe na alugule lupanga.

³⁷ Kwisi ndimuwila inwe ati genaya gatonilwe gamaliziwe hawane, Wasolozivilwe hamohene na vʼivengwe, kwisi ago gatonilwe kunguno yane galifikila.

³⁸ Aho vayombaga, Lolaga, henaha galiho malupanga avili; nuyu wayombaga, Galikwila.

³⁹ Na wafumaga, na ha kitilwe chakwe wajaga ku Lugulu lwa Maguta, na vahemba vakwe vamulondaga.

⁴⁰ Na aho vafikagako, wavawilaga, Mulombe, muleke kwingila mu kuhumbikwa na kavi.

⁴¹ Na mwenekili wisundaga kuwavo, katanalo kitisi ka kutagila kawe,

⁴² wasukambaga, walombaga, uhaya, Vava, ulu mbe ulikova umbitizye kikombe cheniki, alisi ngʼo kitisi nene ndikova, sumbwa kitisi veve ulikova, sisyo yikwile.

⁴³ Na malaika kufuma kwilunde wigelaga hawakwe kumujamilizya. Na mu vusungu wa kudetema walombaga muno na migangadiko.

⁴⁴ Na luyilo lwakwe lwavagi kitisi matonye ga magazi galitwina hasi.

⁴⁵ Na wavukaga kufuma kulomba, wizaga ku vahemba vakwe na wavasangaga valalile tulo kunguno ya misayo, na

⁴⁶ wavawilaga, Kinahe, mulilala tulo? Muvuke na mulombe, kwigela ngʼo mwingile mu kuhumbikwa na kavi.

⁴⁷ Na aho wavagi atali aliyomba, lolaga, mbuto ya vanhu vigelaga, na uyo alitanwa Yudasi, umo wa ikumi na vavili, wavatongelaga na wamwegelaga Yesu kumunonela.

⁴⁸ Yesu wamuwilaga, Yudasi, ulimugamba

⁴⁹ Mwana wa Munhu mu kumunonela? Alisi aho avo vavagi nawe, vagavonaga kitisi gakukwila, vayombaga,

⁵⁰ Guku, ulikova tuvatule na lupanga? Na umo mugati navo wamutulaga mukumba wa muhozya na wamutinaga itwi lyakwe lya mulila.

⁵¹ Na Yesu witavukaga, uhaya, Leka mbezye yeniyi duhu! Na walikumaja itwi na wamupizaja.

⁵² Haho Yesu wavawilaga avo vamwizilaga, vahozya vahanya na vatwale vʼisengelo na vanamhala, Mwafumaga kitisi ku musambo na malupanga na mavuhili?

⁵³ Aho navagiho nsiku zyose hamohene ninwe mwisengelo mukagololile makono kundima. Alisi lyenili lili itungo linwe na vukovozi wa giti.

⁵⁴ Na aho vamudimaga vamutongekaga na vamufilaga mu numba ya muhozya muhanya; alisi Petro walondaga kufuma kule.

⁵⁵ Na aho vamalaga kupemba moto hagati na ngomwa na kwikala, Petro wikalaga mugati navo.

⁵⁶ Na aho mukumba mukima wamuvonaga mu mwanga gwa moto na wamwikomaja muno, wayombaga,

⁵⁷ Uyu mwene wavagi hamohene nawe. Alisi uyu wakanaga, uhaya, Mukima, nkamumanikizye.

⁵⁸ Hanuma na katungo ungi wamuvonaga, uhaya, Naʼho wavagi mugati navo. Alisi Petro wayombaga, Wee,

⁵⁹ mugosya, nene ngʼo. Na hanuma na hamo saa yimo ungi walambaga, uhaya, Loleyene, uyu mwene wavagi

⁶⁰ nawe, kwisi nawe mwene ali Mugalilaya. Alisi Petro wayombaga, Mugosya, nkayimanikizye yeniyi uliyomba. Na itungo lili, aho atali aliyomba, ikungulume lyahilaga.

⁶¹ Na Guku wikevelaga na wamwilolelaga Petro; na Petro wagwizukilaga muhayo gwamwa Guku kitisi wamuwilaga, Aho ikungulume litali kuhila lelo, veve ukunkana kadatu.

⁶² Na wafumaga hanze na walilaga munogwene.

⁶³ Na vagosya, hovene, vamudimaga, vamufusaga, vamutulagulaga,

⁶⁴ na mugati na kumukumba vamuvuzaja,

⁶⁵ vuhaya, Ufumbule, nani wakutulaga? Na mugati na kumufusa vayombaga na gangi mingi.

⁶⁶ Na aho wangalukaga vanamhala va chalo, vahozya vahanya na vamanicha fitabu vivilingaga hamohene na vamutongekaga ku baraza yavo, vuhaya, Ulu veve

⁶⁷ uli Kristo, haho utuwile. Uyu wavawilaga, Ulu ndimuwila,

⁶⁸ inwe kusanizya ngʼo; ulu ndimuvuzya, haho

⁶⁹ inwe kwitavuka ngʼo. Vukumbu na lelo Mwana wa Munhu akwikala ha mulila gwa nguzu zya Mulungu.

⁷⁰ Alisi vose vayombaga, Haho veve uli Mwana wa Mulungu? Nawe wavawilaga, Ndi mwenuyu inwe muliyomba.

⁷¹ Alisi avo vayombaga, Tulivufunda hangi vusangilwaho? Kwisi iswe venekili twigagwa ku mulomo gwakwe.