Lukasi 21 - Nyamwezi New Testament 1951

¹ Aho wasanukaga wavonaga ati vasavi valitula fipanwa fyavo mwisanduku lya mapesa.

² Na wamuvonaga musimbe mupina alitulamo tusenti tuvili,

³ na wayombaga, Loleyene ndimuwila inwe, musimbe mwenuyu mupina wagatulagamo mingi kukila vose,

⁴ kwisi venava vose vatulaga fipanwa fingi ku vusavi wingi wavo, alisi mwenuyu watulaga ku vupina wakwe gose genaya wavagi nago na hogene gafundagwa nawe.

⁵ Na aho vamo vayombaga kunguno ya isengelo ati lyazwikagwa na mawe masoga na fipanwa fisondo, uyu

⁶ wayombaga, Lelo muligavona genaya, alisi nsiku zikwiza aho iwe kulekwa ngʼo kwiwe lingi holyene

⁷ kuhomagulwa ngʼo. Na vamuvuzaja, vuhaya, Muhembeki, nanali genaya gakuviho, na lukuviho lumeho ki

⁸ ati genaya gakuviho bihi mu kukwila? Na uyu wahayaga, Mulole mukapuviwe ngʼo, kwisi vingi vakwiza mu lina lyane na vakuyomba, Honene, ninga, Itungo lyegelaga bihi.

⁹ Muleke kuvalonda venava. Alisi ulu mukwigwa mavulugu na mavugome muleke kukangwa, kwisi hambele genaya gakwile, alisi mhelo yitali duhu.

¹⁰ Haho wavawilaga, Va chalo kimo vakuvagomela va

¹¹ chalo kingi, na vutemi vumo ku vutemi vungi, na manyamuditimya na nzala, uko na uko, na masilanda gakuviho, na malumeho mahanya ga kogoha gakuviho mwilunde.

¹² Alisi hambele na gose genaya vakumudima na vakumupezya na vakumufila inwe ku masinagogo na majela, na mukutongekwa hambele na vatemi na vanachalo kunguno ya lina lyane.

¹³ Genaya gakumukwilila inwe kigele muve vasangilwaho.

¹⁴ Mwizukile haho muleke kuyikovelezya hambele mihayo ya kusuvilizya.

¹⁵ Kwisi nene mwenekili nkumupa inwe mulomo na ngelo hoyene vakandi vinwe kukovola

¹⁶ ngʼo kuyikana na kuyanilizya. Inwe mukugambwa na vavyazi vinwe na vadugu na va mugana gwinwe na

¹⁷ vanwani, na vakuvavulaga vamo mugati ninwe, na mukugaywa na vose kunguno ya lina lyane.

¹⁸ Alisi ninga luzwili lumo ku mitwe zinwe kuzimila ngʼo;

¹⁹ mugati na vujamu winwe mukuzigada myuye zinwe.

²⁰ Alisi ulu mulivona Yerusalema yilipindiliziwa na mbuto zya valugaluga, haho mumaniche ati itungo lya kuhomagulwa kwayo lili bihi.

²¹ Haho venavo vali mu Uyahudi vapelele ku malugulu, navo valimo mu kaya vafume, navo vali kwihala valeke kwingila hangi mu

²² kaya, kwisi zili nsiku zya kwihola, kigele gose gatonilwe gamalilwe.

²³ Alisi musyolo muhanya kuwavo vali na mwitungo na valongʼhya mu nsiku zyenizyo, kwisi lukuviho luduko luhanya mu liwelelo, na kisila kwigulya na va chalo cheniki,

²⁴ na vakugwa ku vugi wa lupanga na vakutungwa kufilwa mu vusese mugati na va mafyalo gose, na Yerusalema yikutovagulwa na vapagani kusika matungo ga vapagani gamalililwe.

²⁵ Na malumeho gakuviho mu limi na mu mwezi na mu masonda, na ku liwelelo va mafyalo vakwiganulizya mugati na kudetema hambele na kulindima kwa nyanza na mavimbi gayo;

²⁶ haho vanhu vakuhundagala myuye mu vova na kunguno ya kugalindila genaya galiza kwigulya na liwelelo; kwisi nguzu zya ilunde zikutinginiwa.

²⁷ Na haho vakumuvona Mwana wa Munhu aliza mu malunde na nguzu nhanya na lukumo.

²⁸ Na ulu genaya galivukizya kukwila, mwidibe na musanuke mitwe zinwe, kunguno vupiziwa winwe vulegelaho.

²⁹ Na wavawilaga mukolani, Mugulole mukuyu na miti

³⁰ yose, ulu mulivona ati yamalile kufuluma, haho mulimanicha inwe venekili ati itungo lya nembo lili bihi.

³¹ Sisyo inwe vene ulu muligavona genaya galikwila, mumaniche ati vutemi wa Mulungu vuli bihi.

³² Loleyene ndimuwila inwe, vuvyalwa wenuvu kusila ngʼo kusika genaya galikwila.

³³ Ilunde na liwelelo gakuzimanguka, alisi mihayo yane kuzimanguka ngʼo.

³⁴ Alisi mwikomye inwe venekili myoyo yinwe yileke kwitimbika na kanwa na vukozya na kwisusuma

³⁵ kunguno ya filiwa, kwigela ngʼo lusiku lwenulo lumusange kitisi mutego; kwisi lukwiza kwigulya na vose valikala ku vusyu wa liwelelo lyose.

³⁶ Alisi mudile minso matungo gose na mulombe, kigele mukovole kugapela gose ago galakwile, na kwimila hambele na Mwana wa. Munhu.

³⁷ Na uyu wavagi alihembeka nsiku zyose mwisengelo, alisi vuziku wafumaga kukalala ha lugulu ulo lulitanwa Lugulu lwa Maguta.

³⁸ Na vanhu vose vipunaga handiyu kuja kuwakwe kumudegeleka mwisengelo.