Lukasi 20 - Nyamwezi New Testament 1951

¹ Na yakwilaga lusiku lumo, aho wavagi alivahembeka vanhu mwisengelo na wayitanizaja Mhola ya Chelu, vahozya na vamanicha fitabu na vanamhala vegelaga

² na vamuwilaga vuhaya, Utuwile, na vukovozi ki uligavezya genaya, ninga ali nani homwene wakupaga

³ vukovozi wenuvu? Nawe witavukaga na wavawilaga, Nene mwene nkumuvuzya muhayo gumo, mumbwile,

⁴ Kogiwa kwamwa Yohana kwafumile kwilunde ninga ku

⁵ vanhu? Na vikomaja hamohene na vayombaga, Ulu tuliyomba: Kufuma kwilunde, haho akuyomba, Kuki

⁶ haho mukamusanizizye? Ulu tuliyomba: Kufuma ku vanhu, haho vanhu vose vakututulagula mawe,

⁷ kwisi valisanizya vuliko ati Yohana wavage mufumbuzi. Na vitavukaga ati vakamanikizye uko kwafumaga.

⁸ Yesu wavawilaga, Sisyo nene mwene kumuwila inwe ngʼo na vukovozi ki ndivezya genaya. Haho wavukizaja kuvawila vanhu mukolani ugu.

⁹ Munhu walimaga mugunda gwa mizabibu na wagupangisaja ku valimi, na wajaga ku chalo kingi nsiku ningi.

¹⁰ Na mwitungo lyafyo wamutumizaja mukumba ku valimi, kigele vamupe ku fisumo fya mugunda. Alisi valimi vamutulagulaga na vamusyokaja vuduhu kinhu. Na wasyokelezaja na wamutumizaja mukumba ungi.

¹¹ Alisi nawe mwene vamutulagulaga na vamuyeyaga na vamusyokaja vuduhu kinhu.

¹² Na wasyokelezaja hangi na wamutumizaja mukumba wa vudatu. Nawe mwene vamugulazaja na vamutagilaga hanze.

¹³ Na guku wa mugunda wayombaga, Niteki? Nkumutumizya mwana wane mutoneke, hamo vakumogoha mwenuyu.

¹⁴ Alisi aho valimi vamuvonaga vikomekezaja hamohene, vuhaya, Mwenuyu ali musaliki, tumuvulage, kigele isalo live liswe.

¹⁵ Na vamutagilaga hanze na mugunda na vamuvulagaga.

¹⁶ Guku wa mugunda akuvitilaki venava? Akwiza na akuvazimizya valimi venava na akuvapa vangi mugunda. Alisi aho vayigagwa yeniyi vayombaga, Yileke kukwila!

¹⁷ Na wavalolaga, uhaya, Muhayo ki haho ugo gutonilwe? Iwe holyene vazenguzi valikanaga lyavile iwe lya ha kituli.

¹⁸ Homwene aligwila kwiwe lyenili akuvinzagulwa, alisi uyo homwene lilimugwila likumutovagula.

¹⁹ Na hʼitungo lyenilo vamanicha fitabu na Vafarisayo vakovaga kumudima, alisi vavogohaga vanhu, kwisi vamanikaja ati wayombaga mukolani ugu kunguno yavo.

²⁰ Na vamwitegelaga na vavatumizaja vakisuzi hovene vavezaja kitisi vali vagololoku, kigele vamwitegele na mihayo, kigele vamutavule kwivanza na ku vukovozi wa munachalo.

²¹ Na vamuvuzaja vuhaya, Muhembeki, tulimanicha ati uliyomba na ulihembeka loleyene, na ukavile kuvulola vusyu wa munhu, sumbwa ulihembeka nzila ya Mulungu mugati na loleyene.

²² Kinahe, luhusa luliho tumulipe Kaisari kodi ninga ngʼo?

²³ Alisi aho Yesu wavuvonaga vuyengani wavo, wavawilaga,

²⁴ Munoleche denari yimo; lili isumbano na vutone

²⁵ wamwa nani? Vayombaga, Wamwa Kaisari. Na wavawilaga, Haho mumulipe Kaisari fyenifyo fyamwa

²⁶ Kaisari, na Mulungu fyenifyo fyamwa Mulungu. Na vavagi vakakovolile kumudima na muhayo gumo hambele na vanhu, na vakumaja kwitavuka kwakwe na vahulikaga sele.

²⁷ Na Vasadukayo vamo vegelaga, hovene valiyomba ati kuduhu kuhembuka ku lufu, vamuvuzaja, vuhaya,

²⁸ Muhembeki, Mose watutonelaga ati, ulu muduguye wa munhu, homwene ali na mukima, alifwa na akavile na mwana, haho muduguye amusole mukima na amuhembukizye muduguye mbiyu ya vana.

²⁹ Sisyo vavagiho vadugu mpungati.

³⁰ Na wa mbele wamutolaga mukima na wafwaga ali gele mwana.

³¹ Wa vuvili na wa vudatu vamusolaga, na sisyo kusika avo vose mpungati vakavalekelile vana na vafwaga.

³² Hanuma mukima mwene wafwaga.

³³ Mu vuhembuke ku lufu mukima

³⁴ uyo alave mukima wamwa nani mugati navo? Kwisi vose mpungati vamutolaga. Na Yesu wavawilaga,

³⁵ Vana va liwelelo lyenili valitola na valitolwa; alisi venavo hovene vakupiwa kufika mu liwelelo lilakiza na

³⁶ mu vuhembuke wa vafwile, kutola ngʼo ninga kutolwa ngʼo, kwisi vakakovolile kufwa hangi; vakuvikola vamalaika, vakuvi vana va Mulungu, kunguno vali vana va vuhembuke.

³⁷ Alisi Mose mwene wafumbulaga hʼisaka ati vafwile valihembuka, aho wamwitanaga Guku: Mulungu wamwa Abrahamu, na Mulungu wamwa Isaka,

³⁸ na Mulungu wamwa Yakobo. Alisi uyu akavile Mulungu wa vafwile, sumbwa wa vazuvuku, kwisi hambele nawe vose valizuvuka.

³⁹ Na vamo va vamanicha fitabu vitavukaga, vuhaya, Muhembeki,

⁴⁰ wayombaga sisoga; kwisi vakagimile kumuvuzya muhayo gumo hangi.

⁴¹ Na wavawilaga, Valiyomba na mutindo ki ati Kristo

⁴² ali Mwana wamwa Davidi? Kwisi Davidi mwenekili aliyomba mu kitabu cha zaburi, Guku wamuwilaga Guku wane, Wikale ha mulila gwane,

⁴³ Kusika navatula vanisi vako ha magulu gako.

⁴⁴ Sisyo Davidi alimwitana: Guku, lumehoki hangi alimwana wakwe?

⁴⁵ Na hambele na matwi ga vose wavawilaga vahemba

⁴⁶ vakwe, Mwikomye hambele na vamanicha fitabu! Valitogwa kuyumbayumba mu nhanzo ndihu na valitogwa kugisiwa mu magulilo na kwikala ku masumbi

⁴⁷ ga kumbele mu masinagogo na ha mayeye; hovene vakuzilyaga numba zya vasimbe, na cha vugulumi vakulombaga itungo ihanya. Ava vakuyangulwa vuyanguzi vutimbu munogwene.