Lukasi 19 - Nyamwezi New Testament 1951

¹ Na lolaga,

² wavagiho mugosya homwene witanagwa Zakeo, nawe

³ wavagi muhanya wʼihongo na wavagi musavi. Na wakovaga kumuvona Yesu ati ali nani, alisi wavagi akakovolile kunguno ya mbuto ya vanhu, kwisi wavagi muguhi musimo.

⁴ Na wapelelaga kumbele na walinaga ku mukuyu, kigele amuvone, kunguno mwenuyo wavagi akuvita henaho.

⁵ Alisi Yesu, aho wafikaga henaho, walangamilaga na wamuwilaga, Zakeo, usoke wanguwangu, kwisi yandima walelo kudila mu numba yako.

⁶ Na uyu wasokaga wanguwangu, na wamwanukulaga na kudeha.

⁷ Na aho vayivonaga, vose vingʼungʼulaga, vuhaya, Uyu wakagenihaga ha munhu mukenaguzi.

⁸ Alisi Zakeo wegelaga na wamuwilaga Guku, Ibudika lya nsavo zyane ndivapa vapina, na ulu namuyengaga umo kinhu kimo ndimusyokezya kanne.

⁹ Alisi Yesu wamuwilaga, Lelo vupizya wafikile mu numba yeniyi; kwisi mwenuyu mwene ali mwana wamwa Abrahamu.

¹⁰ Kwisi Mwana wa Munhu wizaga kukikova na kukipizya chenicho chazimilile.

¹¹ Na aho venavo vayigagwa yeniyi uyu wongezaja kuyomba mu mukolani, kunguno wavagi bihi na Yerusalema, na kunguno viganikaga ati vutemi wa Mulungu vukwigela itungo lyenili.

¹² Na wayombaga, Munhu mbati, muhanya, wajaga ku chalo kule kupiwa vutemi na kusyoka.

¹³ Na wavitanaga vakumba vakwe na wavapaga fipande ikumi fya dhahabu na wavawilaga, Musuluzye nago kusika ndisyoka.

¹⁴ Alisi vazengi vakwe vamugayaga na vayitumizaja nhombe hanuma nawe, vuhaya, Tukatogilwe mwenuyu ave mutemi kwigulya niswe.

¹⁵ Na yakwilaga, aho waliwamalaga kuwanukula vutemi, wasyokaga na walagilaga ati, vitanwe hawakwe vakumba avo wavapaga mapesa, kigele amaniche vusulu wa kusuluzya kwavo.

¹⁶ Wa mbele wizaga na wayombaga, Guku kipande chako cha dhahabu chagadaga fingi ikumi.

¹⁷ Na uyu wamuwilaga, Wavezya, mukumba musoga, kunguno wavagi mujamu mugati na kinhu kido, ukuvi mukovozi kwigulya na makaya ikumi.

¹⁸ Na wa vuvili wizaga na wayombaga, Guku, kipande chako cha dhahabu chagadaga fingi fitano.

¹⁹ Na uyu wamuwilaga mwenuyo savasava, Naʼho mwene uve kwigulya na makaya atano.

²⁰ Na ungi wizaga na wayombaga, Guku, lolaga henaha kiliho kipande chako cha dhahabu hochene nakitungila mu kitambala.

²¹ Kwisi nakogohaga veve, kunguno uli munhu mudaki, ulikisolela icho ukatulile, na ulikimbula icho ukavivile.

²² Na uyu wamuwilaga, Ku mulomo gwako nkukuyangula veve mukumba muvi. Wamanikaja ati ndi munhu mudaki, na ndikisolela icho nkatulile, na ndikimbula icho nkavivile.

²³ Kuki ukagafilile mapesa gane ku meza zya vabadila mapesa, na nene, ulu nizaga, mbe

²⁴ nasolaga gane na vusulu? Na wayombaga ku venavo vimile bihi, Mupuzaji kipande chakwe cha dhahabu na mumupe mwenuyo ali nafyo ikumi.

²⁵ Vamuwilaga,

²⁶ Guku, ali nafyo ikumi. Ndimuwila inwe, homwene ali nacho akupiwa, alisi homwene akavile nacho, icho ali nacho kikwingiwa hawakwe.

²⁷ Na venavo vanisi vane hovene vavagi vakatogilwe nave mutemi kwigulya navo, muvalete henaha na muvavulage hambele nane.

²⁸ Na aho wamalaga kuyomba genaya watongelaga kumbele kuja ku Yerusalema.

²⁹ Na yakwilaga aho wegelaga ha Betifage na Betania ha lugulu lulitanwa lwa Maguta, wavatumizaja vavili va vahemba vakwe

³⁰ na wahaya, Muje ku kakaya kali ha welekela winwe, na ulu mulingilamo mukuyivona mwenumo mpunda ndogosa yitungilwe, yitali kudamilwa na munhu; muyitungule na muyilete.

³¹ Na ulu umo akumuvuzya, Kuki muliyitungula? Haho muyombe giki, Guku aliyifunda.

³² Na avo vatumwa vajaga na vavonaga kitisi wavawilaga.

³³ Alisi aho vavagi valiyitungula mpunda ndogosa, venekili vavawilaga, Kinahe, muliyitungula mpunda

³⁴ ndogosa? Alisi navo vayombaga, Guku aliyifunda.

³⁵ Na vayifilaga kumwa Yesu; na aho vazyanzaga myenda zyavo kwigulya na mpunda ndogosa, haho vamwikazaja Yesu kwigulya.

³⁶ Na aho wavagi ajile, vazyanzaga myenda zyavo mu nzila.

³⁷ Na aho wegelaga kukulumunka kwa Lugulu lwa Maguta, mbuto yose ya vahemba vavukizaja kudeha na kumugongola Mulungu na muzwi muhanya, kunguno ya milimo yose ya nguzu

³⁸ hoyene vayivonaga na vayombaga, Adosiwe mutemi homwene aliza mu lina lyamwa Guku! Kuhola kwilunde na lukumo mwigulya!

³⁹ Na vamo va Vafarisayo vavagimo mu mbuto ya vanhu, vamuwilaga, Muhembeki, uvadakile vahemba vako.

⁴⁰ Nawe witavukaga, uhaya, Ndimuwila inwe, ulu venava valihulika, haho mawe gakulila.

⁴¹ Na aho wegelaga na wayivonaga kaya, wayilililaga

⁴² uhaya, Ulu mbe wagamanikaja ha lusiku lwako lwenulu genayo galisikaho ha kuhola kwako, alisi lelo gakwivisilwe veve.

⁴³ Kwisi nsiku zikwiza kwigulya naʼho vanisi vako vakwesela itumba ihanya lya kukupilima veve, na vakukuzingilizya na vakukutinga ha malwande gose na

⁴⁴ vakukubomola, veve na vana vako muwako, na venava, kuleka ngʼo iwe limo kwigulya na iwe lingi muwako kunguno wavagi ukalimanikizye itungo lyenilo lya kuvonelwa kisa kwako.

⁴⁵ Na wingilaga mwisengelo na wavukizaja kuvapezya

⁴⁶ vaguzya, wavawilaga, Yitonilwe, numba yane yive numba ya kulomba, alisi mwayivezaja ipilinga lya vasambo.

⁴⁷ Na wahembekaga nsiku zyose mwisengelo; alisi vahozya vahanya na vamanicha fitabu na vahanya va

⁴⁸ chalo vakovaga kumuvulaga, alisi vakakiwine cha kwita, kwisi vanhu vose vadimanaga nawe kumudegeleka.